Populaarsed piiblisalmid Abanya Roma 8

Jaga

Tũnasĩ ngoko Nyamuhanga akaleka emyatsi yosĩ ĩyowana busana nʼabakamwanza, kandi busana nʼabo abirikira ngʼerĩyĩsũnza liwe.

Kusangwa nyĩnasĩ ndeke ngoko hate kindu ekyangatoka eritugabula oko lwanzo lwa Nyamuhanga oluli omwisi wa Kristo Omukama wetu. Sihali kindu, sihali oluholo, kutse engebe, sihali abamalaĩka, kutse abatabalĩ bʼomo kyanya, sihali emyatsi ya sesene, kutse emyatsi eyikandisyasa, sihali ebyʼamaka, kutse ekyʼendata, kutse ekyʼeyĩkwa, sihali nʼekindi ekyahangikawa, ekyangatoka eritugabula oko lwanzo olo lwa Nyamuhanga, oluli omwisi wa Kristo Yesu Omukama wetu.

Kandi nibya Omũlĩmũ akatũwatĩkaya omo bolo bwetu. Kusangwa Sĩtwasĩ erisaba ngoko litutolere, nĩkwa Omũlĩmũ ĩyowene akatusabira, akatwimira omwʼĩsĩmba erite ryangabũwa.

Neryo tũbũgekĩ busana nʼemyatsi eyĩ kwehĩ? Nyamuhanga amabya ali oko luhande lwetu, nindi yo wangaswalwa netu kwehĩ?

Neryo sihali eritswerwa oko bawatene na Kristo Yesu.

Kusangwa obũlengekanĩa obukakwama omubiri bukaleta oluholo; nĩkwa obũlengekanĩa obukakwama Omũlĩmũ bukaleta engebe nʼobuholo.

Nĩkwa omo myatsi yosĩ eyĩ tũkakĩnda ndeke busana nʼoyo watwanza!

Ngaganza amalĩge wa sesene nga si kindu busana nʼolukengerwa olo tũkandĩsyabĩsũlĩrwa.

Nindi wasyatugabula oko lwanzo lwa Kristo kwehĩ? Nĩ bũlĩge, kutse amagaliĩ, kutse erĩendererya, kutse enzala, kutse eribula ekyʼeriambala, kutse obwĩko, kutse omũyalĩ kwehĩ?

Neryo Nyamuhanga oyukalangira emitima yʼabandu anasĩ obũlengekanĩa bwʼOmũlĩmũ, kusangwa Omũlĩmũ akasabira abandu ba Nyamuhanga ngʼerisonda lya Nyamuhanga ngoko liri.

Kusangwa abosĩ abakasondolawa nʼOmũlĩmũ wa Nyamuhanga bo bagala ba Nyamuhanga.

Kusangwa abo bakakwama omubiri bakaganĩraya emyatsi yʼomubiri. Nĩkwa abakakwama Omũlĩmũ bakaganĩraya emyatsi yʼOmũlĩmũ.

Nyamuhanga mwatabalya Omugala wuwe-wuwe, nĩkwa mwamusiga busana nʼĩtwe bosĩ! Oyo watuha Omugala wuwe, siendisyatuha ebindu byosĩ busana naye kwehĩ?

Omũlĩmũ oyũ wa Nyamuhanga akatũlago haguma nʼekĩrĩmũ kyetu ko tuli bana ba Nyamuhanga. Twamabya tuli bana, tuli balĩ bʼomwandu nʼebindu ebyo Nyamuhanga akatubikira omo bwami buwe. Kandi twasyasangira omwandu haguma na Kristo; kusangwa twamagalwa haguma na Kristo, twasyasangira olukengerwa luwe.

Kusangwa omundu oyukakwama obũlangekanĩa bwʼomubiri nĩ nzĩgũ uku Nyamuhanga. Sialĩowa Emigambo ya Nyamuhanga, kandi sialitoka erĩowayo.

Kusangwa ebihangikwa byosĩ bikalindirira nʼolukando lunene erĩbĩsũlĩrwa lyʼabagala ba Nyamuhanga.

Kusangwa tũnasĩ erĩhĩka lino ebihangikwa byosĩ bĩkasĩmba nʼerikunda haguma.