Populaarsed piiblisalmid Abanya Roma 3

Jaga

Nĩkwa abandu bosĩ babirikola ebibi, kandi sĩbehĩka oko lukengerwa lwa Nyamuhanga. Nyamuhanga akatũngananaya abandu omo lũsũnzo lwʼolukogo luwe busana nʼerĩtongolĩbwa, erikabanika busana na Kristo Yesu.

Nĩkwa Nyamuhanga akatũngananaya abandu busana nʼerĩkĩrĩrya Yesu Kristo. Eritunganene erĩ ni ryʼabandu bosĩ abakĩkĩrĩraya Kristo, kusangwa sialisombola mundu.

Kusangwa Nyamuhanga mwatuma Yesu Kristo erĩũta omusasi wuwe eribya mbanulo busana nʼabandu abakĩkĩrĩraya. Nyamuhanga mwamutuma busana nʼerĩkangya ngoko akatũngananaya abandu. Kusangwa Nyamuhanga mwalindirira, mwakĩrũkya ameso oko bibi ebyakolawa kera; iniatoka erĩkangya eritunganene riwe oko mugulu ono. Atya, Nyamuhanga akakangaya kwʼatunganene, kandi kwʼakatũngananaya omundu Oyũkĩkĩrĩraya Yesu.

Kusangwa sihali mundu oyo wasyatũngananĩbwa embere sya Nyamuhanga busana nʼerikola Emigambo. Kusangwa Emigambo ĩkamĩnyĩsaya abandu ko bakakola nabi.

Ngoko kĩsakĩre kiti, Sihali mundu nʼomuguma oyutunganene; Sihali oyukaminya, Sihali oyukasonda-sonda Nyamuhanga; Abosĩ babirikitira emũsĩke, babiribya buyira, Sihali oyukakola ebibuya, sihali nʼomuguma

Kusangwa ĩtwe tuti, omundu akatũngananĩbawa busana nʼerĩkĩrĩrya, butsira erikola Emigambo.

Iyihi nʼahake. Nĩkwa Nyamuhanga aminyikale mo wʼekwenene, nʼobuli mundu abye mũbehĩ. Ngoko kĩsakĩre kiti, Omo bĩnywa byawe ubanike nʼeritunganene, Kandi ĩwasĩngana omo lubanza.