Populaarsed piiblisalmid Abanya Roma 1

Jaga

Kandi sĩnyĩkwĩre esĩsonĩ busana nʼEngulu Yowene, kusangwa nĩ bũtokĩ bwa Nyamuhanga, obũkalamaya obuli mundu Oyũkĩkĩrĩraya, erĩtsũka oko Bayũda, nʼakandi oko bandu bʼebindi bihanda nibya.

Kusangwa Engulu Yowene ĩkatũbĩsũlĩra ngoko Nyamuhanga akatũngananaya omundu embere siwe, omwʼĩkĩrĩrya lisa, ngoko kĩsakĩre kiti, Nĩkwa oyukatunganana embere sya Nyamuhanga busana nʼerĩkĩrĩrya asyakota.

Erĩtsũka omugulu Nyamuhanga ahangika ekihugo, emyatsi ya Nyamuhanga eyitalolawako, yʼobũtokĩ buwe bwʼerikota, nʼObunyamuhanga buwe, byabiriminyikala ndeke-ndeke omo bindu ebyo ahangika. Neryo abandu sibawite ekyʼerĩyĩhambũlyamo.

Kusangwa nomo banabya basĩ Nyamuhanga, mobatamũsĩkya nga Nyamuhanga, kutse erimuha ewasĩngya. Amalengekanĩa wabo abiribya buyira, kandi omwĩrĩmya abiringira omo mitima mĩkĩrũ yabo.

Bakahĩnganaya ekwenene ya Nyamuhanga omo mabehĩ, ĩbaramya nʼerikolera ekyahangikawa butsira Omũhangĩkĩ oyutolere eripipwa kera na kera! Amina.

Kusangwa erikarama lya Nyamuhanga lyabĩrĩbĩsũlwa, lĩkalũa elubula busana nʼebyosĩ ebitatunganene byʼabandu, nʼebitekenga Nyamuhanga. Kusangwa omo nzira nyibi yabo bakakakĩraya ekyʼekwenene eriminyikala.

Busana nʼebĩ, Nyamuhanga mwalekabo erikwama esyongumbu syabo syʼesĩsonĩ, Nʼabakalĩ ĩbakahĩnganaya emyatsi yʼobũkalĩ omo myatsi eyite yʼobũkalĩ. Nʼabalume nabo ibakaleka emyatsi eyitolere erikola nʼomũkalĩ, ibakabeberera omo syongumbu syabo, omulume iniakakola nʼogundi mulume ebyʼesĩsonĩ. Aba bakabana omwisi wabo eririha eritolere erĩhalya lyabo. Kusangwa bakagana erĩrĩga Nyamuhanga omo bũlengekanĩa bwabo, Nyamuhanga mwalekabo omo bũlengekanĩa bũtsandĩre erikola emyatsi itatolere.

Bakayihalamba ngʼabʼamenge, kwesĩ ibabiribya bakĩrũ. Mobahĩnganĩa olukengerwa lwa Nyamuhanga olutetsanda, omo bĩsosekanĩo byʼabandu abakatsanda, nʼebyʼesyonyonyũ, nʼebyʼesyonyama, nʼesikakululuka.