Populaarsed piiblisalmid Proverbios 21

Ti nkexro xritjeyá ti nkehe chaxín ndoá la ko tjue̱he kícho la mé jína tsꞌejó sin, tsochónta sin kaín nkehe la ko tsꞌáyéhe̱ sin kjuasàya.

Ti nkexro tjenka̱yáxin jína la kaín ti ixra̱ ichꞌe la tsꞌaxrje jína; a̱ndá ti nkexro tóxakohen tjoka tso̱hen ixra̱ la jehó tso̱nóa.

Ti nkexro chji̱ñéhña nixja la kanhñó tsochónta kjuanínkaon.

Kaín chojni tjenka̱yáxin kixin jína tjejó sin, kjánchó Itꞌéni Díos mé nohe ti nkehe tjenka̱yáxin sin.

Ti soldado tóxakohen ncheyaxíhin ti koka̱te̱ kixin sátsji sin guerra, kjánchó jehó Itꞌéni Díos mé nohe nkexro tsjacha.

A̱ntsí tóxríhi̱n Itꞌéni Díos ti sinchexiteyá chojni ti nkehe jína la ko ndoá ke ti tsjajon sin iko tsíchján tsjikosáyexín sin chꞌan.

Itꞌéni Díos la tꞌikon kixin ti kjuaxrexinkaon kuènté chojni la ko ti imá nohe sin, la tóyóe̱hya éxi kaín ti noexin chꞌan.

Ti chojni tienhña ti tsꞌèya ti nkexro nóa, la kja̱xin sin ti ó tsꞌèya sin nkojín ña̱o la tso̱kohya nkexro tsihin.