Popular Bible Verses from Lucas 11

Share

Kixin jahara kjónté chojni jínahñara la nohara tsochje̱héra xja̱anra nkehe jína, a̱ndá ti Itꞌéni itjen nkaya nka̱jní la nkexrín chrókjuajonhña chꞌan ti Ncha̱kuén chꞌan ti chrókjuanchiara.

Méxra̱ ndáxrja̱n: Tjánchíára la Díos tso̱tjáhara; tjéyára la tsꞌitjára; tꞌinkara puerta la tsoxitje̱he̱.

Kixin ti nkexro tjanchia la tsꞌáyéhe̱; la ko ti nkexro tjeyá la tsꞌitja; la ko ti nkexro tꞌínka puerta la tsoxitje̱he̱.

Ndá chꞌin Jesús ndáchro: ―Ti ó tsonixjehéra Díos la ndáchrora: Itꞌéni Díos itjen nkaya nka̱jní, jaha imá tjóá. Chrokui ti kjuachaxin kuèntá. Chrokjui̱chꞌe ti nkehe tóxrínhan ntihi chjasintajni éxi tjechꞌe nkaya nka̱jní.

La tꞌóxika ti nkehe jínahña kjuíchꞌeni kixin kja̱xini tsꞌitjáñeheni ti nkehe kjuíchꞌehe chojni ti jeheni. Ti̱to̱éhyani kixin xra̱hya chrókjuasini ijie̱. Nchekaáni kixin chrókꞌuenhñani nkojín nkehe jínahña.

Tsjánjua ti nio̱tja̱ sinieni nkojnko ña̱o.

Ti ikonra mé yóhe̱ éxi ijnko xrohi tꞌinkaséñaxín ti cuerpo kuèntára. A̱ndá ti jína ti ikonra la kuenté cuerpo kuèntára tsochónta xrohi. A̱ndá ti jínahña ti ikonra la kuenté cuerpo kuèntára la sítie tsjakꞌe.

*’Nijnko chojni chrókjuinchekꞌákjen ijnko xrohi ndá chrókjuaki̱ma la ko chrókjua̱kꞌe̱hya chrínkí ijnko ntacajón. Náhí. Noi chrókjuákꞌe ti xrohi kixin tsꞌikonxín chojni.