Populaarsed piiblisalmid TITUS 3

Jaga

Bang Allah, éh purip lu' pepoléng penika ngan pengejian kenin Néh ngan uleu'. Pu'un éh purip uleu'. Bé' éh neu' ineu'-ineu' penganeu' lu' éh jian, bang neu' pengasi Néh awah Iah purip lu', neu' Néh mohéé' kenin lu' ngan mena' urip maréng ngan lu' neu' Sahéé' Ni'ai, éh nena' Néh ngan kekat kenin néh neu' Yésus Kristus éh purip lu', dokoo' neu' penika Néh uleu' omok alaa' kenin éh teneng tong jumen Allah ngan alaa' urip éh pelinguh pekua' pengelan lu'.

Jian ke' petesen irah éh lem sidang ko', dokoo' réh omok ngerera' tong peritah ngan séé'-séé' éh pu'un penyukat, ngan kivu sohoo' réh, ngan maneu' kekat kereja' éh jian. Mai réh pané ngesa'at ngaran kelunan, jian réh murip ngan pawah ngan maneu' éh jian. Jian réh jian pengané, dawai kenin ngan kekat kelunan béé.

Bang jian ke' petedau tong kekat ha' réh pesakat, ngan ha' tosok réh tong puku' kelunan awah, ngan tong kekat ha' kelunan paneu', ngan tong réh nyakat tong sohoo' lem Surat Musa. Kekat inah bé' pu'un gunah néh, seleket moo' awah éh.

Tong kelunan éh mihin irah éh jah tengéé' kenin, jian ke' pané ngan néh duah koléé' meta' éh maneu' kenat, la'o inah mai ngebakéh éh.