Populaarsed piiblisalmid ÉH POLÉNG 3

Jaga

Menéng keh. Pu'un Ku' nekedéng tong usit tapé kenin keh ngan ngatong, séé'-séé' éh menéng ha' Ké' ngan mukap tapé nah, Akeu' juk masek ngan mokoo' ngan kuman ngan néh, ngan iah péh omok kuman ngan Ké'.

Akeu' jam kekat penganeu' ko', ngan Akeu' jam bé' ke' pu'un pana ngan bé' ke' pu'un genin. Akeu' keloo' hun ko' pu'un pana, pana ke', ngan hun ko' pu'un genin, genin mu'un ke'. Bang uban ko' pu'un barei' baa' pétéé awah, bé' ke' pana mu'un ngan bé' péh ke' genin mu'un, Akeu' juk mua' ke' jin ujun Ké'.

Kekat kelunan éh kemurung Ké' Akeu' petena' réh ngan memerah réh. Uban néh kenat jian keh mekat pitah jalan keh omok pekoléé' kenin jin kekat penyala' keh.

Akeu' jam kekat penganeu' ko', Akeu' jam ka'au' pu'un penyukat éh si'ik awah, ngan Akeu' jam ka'au' pu'un kivu ha' tebaraa' Ké' ngan tigéh kivu Akeu'. Pu'un Ku' mukap jah tapé ngan ko' éh bé' omok tenutup séé'-séé' péh.

Ngan irah éh nyopéé' kekat arong kesa'at, Akeu' kejeraa' réh menyun déhéé' Ké' tong nyun jalan Ké' Raja', barei' Akeu' lepah menang ngan menyun déhéé' Tamen Ké' tong jalan Néh Raja', ha' Néh.

Ka'ah bara' améé' kaya' lepah alaa' kekat éh omok mihin mé' omok kaya', améé' bé' pu'un pengekurang ineu'-ineu' péh. Bang bé' ka'ah jam keh matek kari mu'un ngan bé' pu'un séé'-séé' éh jam pika keh! Ka'ah kari ugai ngan peseu'.

Uban ko' kivu sohoo' Ké' ngan pu'un ngeretep ngan kebit kenin, Akeu' juk mihau ke' jin kekat penusah éh juk avéé' tong tana' iteu' ke' néh tupat kenin kekat kelunan pah tipo tana'.

Akeu' juk tuai laho. Jian ke' mihau kekat éh nena' Tuhan ngan ko', mai pu'un séé'-séé' éh pekepai ke', ke' ko' bé' omok alaa' tapong éh juk nena' Tuhan ngan ko'.

Uban néh kenat to'ot ke' ngan ngegahang éh to de' ke' ngan ko' dai néh béé matai awah. Uban kekat penganeu' ko' mepai awah, bé' jak éh jian mu'un tong ta'an Allah ké'.