Populaarsed piiblisalmid PILIPI 3

Jaga

O kekat padéé' ké', na' péh akeu' lepah peleka, bé' akeu' seruh akeu' lepah avéé' tong néh tenéh, bang jah awah éh neu' ké', akeu' juk ngelepan tong kekat pengelakau ké' lepah, ngan lakau mu'un dokoo' ké' omok avéé' tong éh juk tenavin ké' inah. Akeu' nekedeu' mu'un barei' irah lem petakéé' dokoo' ké' omok alaa' pengena' néh, inah éh, tong Allah tebai ku' dalem Kristus Yésus, dokoo' ké' omok alaa' urip maréng pemung ngan Néh tong seruga.

Jah awah kenin ké', akeu' juk jam Kristus ngan juk jam tong penyukat Néh dalem pengebetéé' Néh jin patai Néh ngan juk pemung ngan Néh dalem pengeketa Néh, ngan pu'un barei' Iah dalem pengematai Néh, dokoo' ké' omok betéé' jin patai ké' alaa' urip maréng.

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un

Bang tong kekat éh benara' ké' pu'un gunah bu'un rai, hun iteu' kepéh akeu' bara' éh pekua' moo' awah neu' pengelan ké' tong Kristus.