Populaarsed piiblisalmid ÉPESUS 5

Jaga

La'ah uban ka'ah anak Allah éh penika Néh, jian kekat urip keh pu'un jian barei' Iah péh. Dalem kekat urip keh jian keh maneu' éh ngan pepika, pekua' Kristus pika uleu' ngan mena' urip Néh ngeliwah lu'. Iah mena' usah Néh penatai réh, ke' Néh ngeliwah lu', inah jalan éh ngepayoo' kenin Allah, barei' ka'an éh penatai irah sioo' sahau, ke' réh mena' éh ngan Tuhan rai.

Uban néh kenat seruh keh jian-jian tong kekat pengurip ngan barék keh, mai keh murip barei' kelunan éh bé' jam seruh, bang jian keh barei' kelunan éh jam seruh. Jian keh pakai bi'en éh keto ngan keh, maneu' kereja' Tuhan uban tovoo' jaka' iteu' pinaa' kelunan too ke' keto lem kesa'at réh.

Mai keh mesep baa' éh maneu' keh mavuk, uban jin penganeu' keh kenat, omok éh nasa' urip keh, bang jian keh penoo' neu' Sahéé' Ni'ai. Jian keh petebaraa' ha' jin lem Surat Masmur éh omok mihin keh mejing Tuhan, ngan nyanyi dalem Sahéé', jian keh nyanyi mejing Tuhan lem kenin keh. Dalem kekat ineu'-ineu' péh jian keh ngelayau bara' jian kenin ngan Allah éh Tamen lu', dalem ngaran Tuhan Yésus Kristus.

Mai keh barei' gaya' kelunan éh bé' jam seruh, bang jian keh pitah éh pengeloo' Tuhan ngan keh.

O kekat lakei' éh pu'un redo, jian keh pika redo keh pekua' Kristus lepah pika sidang ngan mena' usah Néh ngeliwah sidang.

Uban sahau rai ka'ah pu'un tong merem, bang hun iteu' kepéh neu' pengelan keh tong Tuhan, pu'un keh tong rema, jian keh murip barei' kelunan éh pu'un tong rema.

Jian keh pata ngerera', uban keh medai tong Kristus.

O kekat redo éh pu'un lakei', jian keh ngerera' tong lakei' keh barei' tong Tuhan.

Bang pu'un éh bara' éh kepéh ngan uleu', adang éh tekep siget lakei' éh pu'un redo, pika redo néh pekua' iah pika usah néh tengéé' ngan tekep siget redo ngerera' tong lakei' néh.

Barei' ha' lem surat Allah, ka' éh, Kenat péh lakei' pokoo' tinen tamen néh ke' néh tai pemung ngan redo néh, inah rawah jah awah kenin, ha' Néh.

Mai keh ngebakéh kelunan éh maneu' kekat éh bé' tekep éh pu'un tong merem awah. Bang jian keh pepoléng kekat kesa'at réh tong rema.