Populaarsed piiblisalmid 2 PÉTERUS 2

Jaga

Kenat péh Tuhan jam purip kekat kelunan éh ni'ai jin kekat arong penupat ngan penusah réh, ngan Iah jam pokoo' kelunan sa'at dokoo' réh kenukum tong dau petuneng.

Pelapah jian kelunan éh kenat bé' pu'un jam gaya urip éh keneloo' Allah, jin hun réh jam éh ngan bé' keloo' kivu sohoo' éh nena' Allah. Pu'un jah ha' tapan éh pekua' ngan kelunan éh maneu' kenat, ka' éh, Aseu' moléé' kuman lutaa' néh kepéh, ngan Idok éh lepah peroo' réh moléé' tai ngelina' dalem lina' néh kepéh.

Irah guru éh ngelavo' inah pejajii' mena' pengelepu ngan réh, bang usah irah guru éh ngelavo' inah tengéé' péh keripen neu' kemalai réh éh juk kebéé réh. Éh ke' néh kenat, uban séé'-séé' éh senopéé ineu'-ineu' péh, iah néh éh ripen kekat inah.

Kelunan éh jam Tuhan ngan Éh purip lu' Yésus Kristus, lepah pelepu jin penyukat tana' iteu' éh ngesegit kelunan. Bang hun jin la'o inah irah keripen kepéh ngan sopéé' neu' kekat penyukat inah, urip réh pelapah sa'at kepéh jin hun réh bé' jak jam Kristus.

Hun sahau pu'un kuraa'-kuraa' irah nabi, éh ngelavo' musit belah irah éh anah Allah. Kenat péh irah éh ngelavo' juk musit belah ka'ah tovoo' hun iteu'. Irah pu'un perengah ha' tebaraa' éh sala' ngan éh petawang. Avéé' réh bet Yésus Kristus Tuhan éh purip réh uban néh kenat inah maneu' ukum Tuhan laho juk teneng tong réh