Populaarsed piiblisalmid 1 PÉTERUS 4

Jaga

Éh pelapah gunah éh tekep ka'ah maneu', inah éh pika ngan pepika ngan kekat kenin keh uban neu' keh jam pepika kenat pinaa' penyala' omok pega'.

Jian siget usah tigéh maneu' kereja' Tuhan uban pinaa' arong pengena' Allah dalem kenin kelunan dokoo' lu' nolong kelunan éh jah. Jian keh tigéh dalem kekat pengena' Néh inah.

Séé'-séé' éh juk nebaraa' kelunan, jian iah bara' ha' éh jin Allah. Hun keh pu'un pengena' dokoo' nolong kelunan éh jah, jian keh nolong réh neu' pengegahang éh nena' Allah ngan keh. Dokoo' dalem kekat-kekat néh béé, Allah pu'un kenajung lem Yésus Kristus. Kristus éh pu'un pengaren ngan penyukat pah avéé' pelinguh. Amin.

Uban hun keh teneng pengeketa uban ngaran keh Kristén, mai keh menyaa', bang jian keh mejing Allah, uban keh anah Kristus.

La'ah sioo' pengega' tana' lepah danii', jian keh mihau kenin keh ngan seruh jian-jian, dokoo' keh omok sebayang.

O kekat bakéh ké', mai ka'ah béé kenin dalem pengeketa iteu', pengeketa inah pekua' luten éh palaa' réh memarem mas, mai keh barei' kelunan éh tejeu' tong pengeketa ngan mujah kenin seruh. Bang jian ka'ah murung kenin uban keh pu'un pemung ngan Kristus dalem pengeketa Néh. Uban barei' ka'ah pu'un pemung ngan Néh dalem pengeketa Néh hun iteu', kenat péh ka'ah omok murung hun Néh tuai lem kekat pengaren kepéh.

Jian ka'ah alaa' kelunan éh nyakai tong lamin keh ngan jian kenin, mai keh leko alaa' réh.

Hun néh kenat kelunan éh pu'un keta uban pengelan réh tong Allah, jian irah petem maneu' jian ngan mena' usah réh ngan Allah éh bu'un-bu'un suai réh kelunan ke' Néh mihau réh uban Tuhan éh tigéh.

La'ah uban Kristus lepah tagong pengeketa tong usah Néh, jian ka'ah ngegahang kenin keh palaa' penyeruh éh pekua' kenin Kristus. Éh ke' néh kenat uban séé'-séé' éh tagong pengeketa tong usah néh, bé' iah maneu' penyala' kepéh. Kelebéé' keh murip keto tong tana', jian keh murip kivu pengeloo' Allah, mai keh murip kivu pengagat usah keh awah.

Murung kenin ka'ah hun réh pekenyaa' keh uban keh kivu Kristus, uban hun néh pu'un kenat, inah pepoléng Sahéé' éh maren, inah éh Sahéé' Ni'ai pu'un dalem keh.