Populaarsed piiblisalmid Mat 21

Jaga

Inda skwi dzaʼa ɗawaŋta kuni nda zlghay nda ŋuɗuf nda ma maga duʼa ná, dzaʼa mutsay kuni, » kaʼa.

Ka Yesu nda həŋ mantsa: « Kahwathwata ka yu ta mnaghunata, ka zlghaf zlgha kuni ta Lazglafta nda ŋuɗuf dgaŋ a kuni ta ghəŋ ɗekɗek wu katsi ná, skwi magana lu ta na ghuraf na yeya a dzaʼa kuni magay wa: “Ama, sliʼaf sliʼa hada ka vzamta ka ta vgha da drəf,” ka kuni dzaʼazlay nda ya ghwá ya ná, dzaʼa magaku manda va tsaya.

Ka hlə gwal ta kəma Yesu nda gwal nda hula ni tani ta wi, ka həŋ mantsa: « Ŋa Zwaŋa Dawuda glaku, ka tfanagha tfa Lazglafta ta wi ta mndu ta sagha ma hga Mgham Lazglafta! Ŋa Lazglafta ta luwa glaku! » ka həŋ.

Kaʼa nda həŋ mantsa: « Nda vinda ma deftera Lazglafta kazlay: Həga ɗa ná, həga maga duʼa ya kəʼa, ka niŋtá kaghuni ka galigha la gənda. »

« Mnanawa mna ta gwal ma luwa *Tsiyuŋ, waʼa mghama gha ta sagha da kagha, leɓtekw nzakwa ni katakata, ta sagha ta kəɗih, ta vuvuʼukwa kəɗih, ta nzakway ka zwaŋa kəɗih, » kaʼa.

Ka Yesu nda həŋ guli mantsa: « Ta walaŋ a kuni ta dzaŋafta skwi vindaf lu ma defteri ra? “Tsa pala wuɗidiŋ gwal ba həga ya, tsaya ta nuta ka vərɗa palaka tughwa həga. Tsaya ná, Lazglafta ta ɗvaftá nzakwa ni mantsa. Nda nza ka mazəmzəm ta wa ira amu.”

« Tsaya kəl yu ka mnay ŋa ghuni kazlay: Dzaʼa klaghu kla lu ta ga mghama Lazglafta da kaghuni ŋa vlaŋtá mndəra mnduha dzaʼa snanatá gwaɗa ni ɗina kəʼa ya.