De Bibel Dise Bibel wort von Kindred Productions un United Bible Societies aun de 2003 rutjejäft. Wäa dise Bibel jedrekjt well haben, sull sikj no www.kindredproductions.com custserv@kindredproductions.com ooda 1-800-545-7322 rechten.

De Bibel

<div class="version vid563 iso6393pdt" data-vid="563" data-iso6393="pdt">
 <div class="book bkMRK">
 <div class="chapter ch5" data-usfm="MRK.5">
 <div class="label">5</div><div class="s">Jesus heelt eenen Maun met eenem beesen Jeist</div><div class="r">(Mat 8,28-34; Luk 8,26-39)</div><div class="p"> 1Un see kjeemen no de aundre Sied M&#228;a, en de Gadarena #5,1 Eenje oole Schreften sajen Gergaseena. &#228;are J&#228;ajent. 2Un aus hee ut de Lomm stieech, kjeem am fuaz een Maun von mank de Jr&#228;wa entj&#228;ajen, dee von eenem orreinen Jeist bes&#228;ten wia. 3Dis Maun wond mank de Jr&#228;wa un wia met nuscht mea to binjen, nich emol met Kj&#228;den. 4Hee wia aul foaken aun Henj un Feet jekj&#228;t wast, oba hee haud noch emma de Kj&#228;den tweijer&#228;ten un de Iesasch aun de Feet tweijebroaken. Un doa wia kjeena, dee am faustn&#228;men kunn. 5Hee waundad, Dach un Nacht, mank de Jr&#228;wa un en de Boaj, schrieech un schluach sikj met Steena. 6Aus Jesus kjeem, sach hee am aul von wiet auf. Hee rand am entj&#228;ajen un schmeet sikj ver am opp de Kjneeen. 7Hee schrieech met lude Stemm: Waut hab ekj met die to doonen, Jesus? Du best d&#228;m hechsten Gott sien S&#228;n. Schwia ver Gott, daut du mie nich kjw&#228;len woascht! #Mrk 1,24 8Wiels Jesus haud to am jesajcht: Du beesa Jeist, komm ut disem Mensch rut! 9Dan fruach Jesus #5,9 Eenje oole Schreften sajen hee. am woo hee heet. Hee s&#228;d: Ekj heet dusende, wiels wie sent onsa v&#228;le. 10Un hee prachad Jesus emma wada, an nich ut de J&#228;ajent rut to schekjen. 11Doa dicht bie aum Boajch grosd eene groote H&#228;ad Schwien. 12Dan prachaden de orreine Jeista am, an en de Schwien nenn foaren to loten. 13Jesus jeef an de Frieheit, un de beese Jeista kjeemen rut un fuaren en de Schwien nenn. Un de H&#228;ad von 2.000 Schwien moaragd em M&#228;a nenn, un dee vesoopen. 14Un de Schwienshoad randen un vetalden en de Staut un uk opp daut Launt, waut jeworden wia. Un de Menschen kjeemen han to seenen, waut passieet wia. 15Un aus see no Jesus kjeemen, sagen see d&#228;n, dee von de orreine Jeista wia bes&#228;ten jewast, veninftich un jekjleet setten, un see ferchten sikj. 16Un dee, dee daut jeseenen hauden, vetalden de Menschen, waut met d&#228;m Maun passieet wia, dee von beese Jeista bes&#228;ten jewast wia, un uk woo sikj daut met de Schwien romjenomen haud. 17Dan fungen de Menschen aun Jesus #5,17 Eenje oole Schreften sajen am. drinjent to prachren, &#228;are J&#228;ajent to veloten. 18Aus Jesus en de Lomm nenn stieech, prachad dee Maun, dee von beese Jeista wia bes&#228;ten jewast, auf hee metkomen kunn. 19Jesus leet daut nich to, oba s&#228;d hee sull no Hus, no siene Famielje gonen un an vetalen, woo de Har met am Metleet haud un waut hee am en siene Jnod fa eenen grooten Jefaulen jedonen haud. 20Un hee jinkj loos un funk aun en de tieen St&#228;da to vetalen, waut Jesus aules fa am jedonen haud. Un aulemaun wundad sikj. #Mrk 7,31</div><div class="s">Jesus heelt eene kranke Fru un wakjt eene Mejal vom Doot</div><div class="r">(Mat 9,18-26; Luk 8,40-56)</div><div class="p"> 21Aus Jesus wada met de Lomm no de aundre Sied M&#228;a jefoaren wia, saumelden sikj doa biem Wota wada v&#228;l Menschen om am. 22Un Jairus, eena von de Leidasch von de Judenschool, kjeem uk, un aus hee Jesus sach, foll hee ver am dol 23un prachad am sea un s&#228;d: Miene kjliene Dochta es aum stoawen; komm doch un laj ar diene Henj opp, daut see kaun jesunt woaren un l&#228;wen. 24Un hee jinkj met am met. Doa kjeemen v&#228;le met un drenjden sikj no am opptoo. 25Un doa wia eene Fru, dee aul 12 Joa jeblat haud. 26Dee haud aul v&#228;l jel&#228;den derch een deel Doktasch un aules utjej&#228;ft, waut see haud. Oba daut wia met ar en de St&#228;d b&#228;ta, bloos emma oaja jeworden. 27Aus see von Jesus hieed, kjeem see derch daut Volkj von hinjen aun am naun un schieed siene Kjleeda aun. 28See haud sikj jesajcht: Wan ekj am bloos aun de Kjleeda aunschieren kunn, wudd ekj jesunt woaren. 29&#196;a bleeden hieed fuaz opp, un see kunn daut em Lief feelen, daut see von &#228;are Ploag jeheelt wia. 30Un Jesus sp&#228;ad fuaz aun sikj, daut eene Krauft ut am jegonen wia, un dreid sikj mank daut Volkj om un fruach: W&#228;a haft miene Kjleeda aunjeschieet? #Luk 6,19 31De Jinja s&#228;den to am: Du sitst, daut daut Volkj die drenjt, un dan frajchst noch, w&#228;a die aunjeschieet haft? 32Un hee kjikjt sikj om, to seenen, w&#228;a daut jedonen haud. 33De Fru wia angst daut ar flautad, wiels see wist je waut met ar jeworden wia. See kjeem un foll ver am dol un s&#228;d am de volle Woarheit. 34Un hee s&#228;d to ar: Miene Dochta, dien Gloowen haft die jeholpen. Go en Fr&#228;d! Du best von diene Ploag loos.</div><div class="p"> 35Oba aus hee noch r&#228;d, kjeemen eenje Mana von daut Hus von d&#228;m Leida von de School un s&#228;den: Diene Dochta es aul jestorwen. Wuarom woa wie d&#228;n Liera noch mea baudren? 36Oba Jesus hieed, waut doa jer&#228;t wort, un s&#228;d to d&#228;n Leida: Fercht die nich lenja, jleew bloos! 37Un hee leet sest kjeenem met komen aus Petrus, Jakobus un Johanes, Jakobus sien Brooda. #Mat 17,1 38Un see kjeemen no d&#228;m Leida von de Judenschool sien Hus un sagen d&#228;n Klommua un daut jaumarierende Jehiel. 39Jesus jinkj nenn un s&#228;d to an: Wuarom moak jie soo een Klommua un Jehiel? Daut Kjint es nich jestorwen; daut schlapt. #Joh 11,11 40Un see fungen aun &#228;wa am to lachen. Hee schekjt an aula rut, neem daut Kjint &#228;aren Voda un Mutta un dee, dee met am wieren, un jinkj en de Stow nenn, wua daut Kjint wia. 41Hee foot daut Kjint aun de Haunt un s&#228;d to ar: Talieta kum! daut meent: Mejalkje, ekj saj die, sto opp! #Luk 7,14; Apost 9,40 42Un daut Mejalkje stunt plazlich opp un funk aun to gonen, wiels dee wia aul 12 Joa oolt. Un see wisten sest nuscht, aus doar&#228;wa to staunen. 43Un hee jeboot an sea strenj, daut dit kjeena wudd to hieren kjrieen, un s&#228;d, daut see ar sullen to &#228;ten j&#228;wen.</div>
 </div>
 </div>
</div>

Un see kjeemen no de aundre Sied Mäa, en de Gadarena äare Jäajent. Un aus hee ut de Lomm stieech, kjeem am fuaz een Maun von mank de Jräwa entjäajen, dee von eenem orreinen Jeist besäten wia. Dis Maun wond mank de Jräwa un wia met nuscht mea to binjen, nich emol met Kjäden. Hee wia aul foaken aun Henj un Feet jekjät wast, oba hee haud noch emma de Kjäden tweijeräten un de Iesasch aun de Feet tweijebroaken. Un doa wia kjeena, dee am faustnämen kunn. Hee waundad, Dach un Nacht, mank de Jräwa un en de Boaj, schrieech un schluach sikj met Steena. Aus Jesus kjeem, sach hee am aul von wiet auf. Hee rand am entjäajen un schmeet sikj ver am opp de Kjneeen. Hee schrieech met lude Stemm: Waut hab ekj met die to doonen, Jesus? Du best däm hechsten Gott sien Sän. Schwia ver Gott, daut du mie nich kjwälen woascht! Wiels Jesus haud to am jesajcht: Du beesa Jeist, komm ut disem Mensch rut! Dan fruach Jesus am woo hee heet. Hee säd: Ekj heet dusende, wiels wie sent onsa väle. Un hee prachad Jesus emma wada, an nich ut de Jäajent rut to schekjen. Doa dicht bie aum Boajch grosd eene groote Häad Schwien. Dan prachaden de orreine Jeista am, an en de Schwien nenn foaren to loten. Jesus jeef an de Frieheit, un de beese Jeista kjeemen rut un fuaren en de Schwien nenn. Un de Häad von 2.000 Schwien moaragd em Mäa nenn, un dee vesoopen. Un de Schwienshoad randen un vetalden en de Staut un uk opp daut Launt, waut jeworden wia. Un de Menschen kjeemen han to seenen, waut passieet wia. Un aus see no Jesus kjeemen, sagen see dän, dee von de orreine Jeista wia besäten jewast, veninftich un jekjleet setten, un see ferchten sikj. Un dee, dee daut jeseenen hauden, vetalden de Menschen, waut met däm Maun passieet wia, dee von beese Jeista besäten jewast wia, un uk woo sikj daut met de Schwien romjenomen haud. Dan fungen de Menschen aun Jesus drinjent to prachren, äare Jäajent to veloten. Aus Jesus en de Lomm nenn stieech, prachad dee Maun, dee von beese Jeista wia besäten jewast, auf hee metkomen kunn. Jesus leet daut nich to, oba säd hee sull no Hus, no siene Famielje gonen un an vetalen, woo de Har met am Metleet haud un waut hee am en siene Jnod fa eenen grooten Jefaulen jedonen haud. Un hee jinkj loos un funk aun en de tieen Städa to vetalen, waut Jesus aules fa am jedonen haud. Un aulemaun wundad sikj.


Aus Jesus wada met de Lomm no de aundre Sied Mäa jefoaren wia, saumelden sikj doa biem Wota wada väl Menschen om am. Un Jairus, eena von de Leidasch von de Judenschool, kjeem uk, un aus hee Jesus sach, foll hee ver am dol un prachad am sea un säd: Miene kjliene Dochta es aum stoawen; komm doch un laj ar diene Henj opp, daut see kaun jesunt woaren un läwen. Un hee jinkj met am met. Doa kjeemen väle met un drenjden sikj no am opptoo. Un doa wia eene Fru, dee aul 12 Joa jeblat haud. Dee haud aul väl jeläden derch een deel Doktasch un aules utjejäft, waut see haud. Oba daut wia met ar en de Städ bäta, bloos emma oaja jeworden. Aus see von Jesus hieed, kjeem see derch daut Volkj von hinjen aun am naun un schieed siene Kjleeda aun. See haud sikj jesajcht: Wan ekj am bloos aun de Kjleeda aunschieren kunn, wudd ekj jesunt woaren. Äa bleeden hieed fuaz opp, un see kunn daut em Lief feelen, daut see von äare Ploag jeheelt wia. Un Jesus späad fuaz aun sikj, daut eene Krauft ut am jegonen wia, un dreid sikj mank daut Volkj om un fruach: Wäa haft miene Kjleeda aunjeschieet? De Jinja säden to am: Du sitst, daut daut Volkj die drenjt, un dan frajchst noch, wäa die aunjeschieet haft? Un hee kjikjt sikj om, to seenen, wäa daut jedonen haud. De Fru wia angst daut ar flautad, wiels see wist je waut met ar jeworden wia. See kjeem un foll ver am dol un säd am de volle Woarheit. Un hee säd to ar: Miene Dochta, dien Gloowen haft die jeholpen. Go en Fräd! Du best von diene Ploag loos.
Oba aus hee noch räd, kjeemen eenje Mana von daut Hus von däm Leida von de School un säden: Diene Dochta es aul jestorwen. Wuarom woa wie dän Liera noch mea baudren? Oba Jesus hieed, waut doa jerät wort, un säd to dän Leida: Fercht die nich lenja, jleew bloos! Un hee leet sest kjeenem met komen aus Petrus, Jakobus un Johanes, Jakobus sien Brooda. Un see kjeemen no däm Leida von de Judenschool sien Hus un sagen dän Klommua un daut jaumarierende Jehiel. Jesus jinkj nenn un säd to an: Wuarom moak jie soo een Klommua un Jehiel? Daut Kjint es nich jestorwen; daut schlapt. Un see fungen aun äwa am to lachen. Hee schekjt an aula rut, neem daut Kjint äaren Voda un Mutta un dee, dee met am wieren, un jinkj en de Stow nenn, wua daut Kjint wia. Hee foot daut Kjint aun de Haunt un säd to ar: Talieta kum! daut meent: Mejalkje, ekj saj die, sto opp! Un daut Mejalkje stunt plazlich opp un funk aun to gonen, wiels dee wia aul 12 Joa oolt. Un see wisten sest nuscht, aus doaräwa to staunen. Un hee jeboot an sea strenj, daut dit kjeena wudd to hieren kjrieen, un säd, daut see ar sullen to äten jäwen.

Kuula Markus 5