If you would like a copy of this version please contact info@davaraudiobibles.org.

Lambya First Bible © The Word for the World International. Lambya First Audio Bible ℗ 2025, Davar Partners International.

Lambya First Bible

<div class="version vid4154 iso6393lai" data-vid="4154" data-iso6393="lai">
 <div class="book bkGEN">
 <div class="chapter ch22" data-usfm="GEN.22">
 <div class="label">22</div><div class="s">U Chala akumuyela u Abulahamu</div><div class="p"> 1 # 
 Heb. 11.17-19
 Bo pachilapo akabalilo, u Chala akamuyela u Abulahamu. Akamwitizya akati, &#8220;Wee Abulahamu!&#8221;</div><div class="p">U Abulahamu akamula akati, &#8220;Indi pano.&#8221;</div><div class="p"> 2 # 
 2 Imb. 3.1
 Po u Chala akumubuzya akati, &#8220;Senda u Yisaki umwana wako, mwene na mwene, sona yuyo umughanite nkani, ubuke kuchisu icha Moliya. Kulakula umubike ukuti abanje chakwiyipa ichakocha pighamba lilyo nkwiza pakukubuzya.&#8221;</div><div class="p"> 3Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili. 4Pisiku ilyabutatu, bo u Abulahamu ali pabutalipo akatalankannya nukubwennya ubuzilo bubo akabukaghako. 5Akababuzya abambombo bache babili bala akati, &#8220;Amwe ikala pano ni mpunda iyi, bo ane nu mulumendo tukubuka kula pakumwiputa u Chala, po tukwiza pakubagha.&#8221;</div><div class="p"> 6U Abulahamu akamunyamulisya u Yisaki inkwi izyakochela ichakwiyipa ichakocha, bo umwene anyamuye ichipeni numoto. Bo bakulongozannya, 7u Yisaki akamwitizya uwise akati, &#8220;Wee tata!&#8221;</div><div class="p">U Abulahamu akamula akati, &#8220;Choni, mwana wane.&#8221;</div><div class="p">U Yisaki akamulalusya akati, &#8220;Umoto ninkwi vilipo, nkimba umwana uwa ng'ozi yuyo akwiza pakuba chakwiyipa ichakocha ali ko kwiyi?&#8221;</div><div class="p"> 8U Abulahamu akamwamula akati, &#8220;Wee mwana wane, u Chala akwiza pakutupa umwana uwa ng'ozi yuyo akwiza pakuba chakwiyipa ichakocha.&#8221; Abantu babili aba bakendelela pakulongozannya.</div><div class="p"> 9Bo bafika pabuzilo bubo u Chala akamubuzya, u Abulahamu akazenga ichighemo nukuzilambalika inkwi pachighemo pala. Akamupinya umwana wache yula nukumughoneka pamwanya pankwi zila. 10Po u Abulahamu akawesa ichipeni ukuti amughoghe umwana wache. 11Loli uwantumi uwa Mwene akamwitizya akati, &#8220;Wee Abulahamu, Abulahamu!&#8221;</div><div class="p">U Abulahamu akamula akati, &#8220;Indi pano.&#8221;</div><div class="p"> 12Uwantumi yula akamubuzya akati, &#8220;Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.&#8221;</div><div class="p"> 13U Abulahamu akatalankannya nukumwennya udubi impembe zyache zibadiye mumpanya. Akamusenda udubi yula nukubika ukuti abanje chakwiyipa ichakocha mubuzilo ubwa mwana wache. 14U Abulahamu akabwita ubuzilo bula ukuti &#8220;U Mwene akupa.&#8221;#22.14 Akupa: Pamo akwennya. Nilelo bulo abantu bakuti, &#8220;Pighamba ilya Mwene, yuyo akupa.&#8221;</div><div class="p"> 15Uwantumi uwa Mwene yula akamwitizya sona u Abulahamu akabubili 16#Heb. 6.13-14nukuti, &#8220;U Mwene akuti, &#8216;Nkulapa ukuti nkwiza pakukusaya nkani pachifukwa ichakuti utakanyima umwana wako, mwene na mwene. 17#Heb. 11.12Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi. 18#Imbo. 3.25 Inko zyosi pachisu ichapasi nkwiza pakuzisaya ukwendela mubaluko lwako, pachifukwa ichakuti awe wanyivwila.&#8217; &#8221;</div><div class="p"> 19Po u Abulahamu akanyokela ku bambombo bache, po bosi poka bakanyamuka nukubwela ku Belisheba, kuko u Abulahamu akikalagha.</div><div class="s">Abaluko ulwa Naholi</div><div class="p"> 20U Abulahamu akivwa ukuti u Milika umuchi uwa muzuna wako Naholi amupapila abana eyiti: 21U Uzi akaba we katote, sona nu muzuna wache u Buzi nu Kemuweli uwise uwa Alamu, 22nu Kesedi nu Hazo nu Pilidashi nu Yidilafe sona nu Betuweli. 23U Betuweli akaba we wise uwa Labeka. U Milika akamupapila abana bosi eyiti banaba u Naholi, umuzuna uwa Abulahamu. 24U Lebuma, umuchi umuzya uwa Naholi akamupapila abana folo, u Teba nu Gahamu nu Tahashi sona nu Maaka.</div>
 </div>
 </div>
</div>

Bo pachilapo akabalilo, u Chala akamuyela u Abulahamu. Akamwitizya akati, “Wee Abulahamu!”
U Abulahamu akamula akati, “Indi pano.”
Po u Chala akumubuzya akati, “Senda u Yisaki umwana wako, mwene na mwene, sona yuyo umughanite nkani, ubuke kuchisu icha Moliya. Kulakula umubike ukuti abanje chakwiyipa ichakocha pighamba lilyo nkwiza pakukubuzya.”
Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili. Pisiku ilyabutatu, bo u Abulahamu ali pabutalipo akatalankannya nukubwennya ubuzilo bubo akabukaghako. Akababuzya abambombo bache babili bala akati, “Amwe ikala pano ni mpunda iyi, bo ane nu mulumendo tukubuka kula pakumwiputa u Chala, po tukwiza pakubagha.”
U Abulahamu akamunyamulisya u Yisaki inkwi izyakochela ichakwiyipa ichakocha, bo umwene anyamuye ichipeni numoto. Bo bakulongozannya, u Yisaki akamwitizya uwise akati, “Wee tata!”
U Abulahamu akamula akati, “Choni, mwana wane.”
U Yisaki akamulalusya akati, “Umoto ninkwi vilipo, nkimba umwana uwa ng'ozi yuyo akwiza pakuba chakwiyipa ichakocha ali ko kwiyi?”
U Abulahamu akamwamula akati, “Wee mwana wane, u Chala akwiza pakutupa umwana uwa ng'ozi yuyo akwiza pakuba chakwiyipa ichakocha.” Abantu babili aba bakendelela pakulongozannya.
Bo bafika pabuzilo bubo u Chala akamubuzya, u Abulahamu akazenga ichighemo nukuzilambalika inkwi pachighemo pala. Akamupinya umwana wache yula nukumughoneka pamwanya pankwi zila. Po u Abulahamu akawesa ichipeni ukuti amughoghe umwana wache. Loli uwantumi uwa MWENE akamwitizya akati, “Wee Abulahamu, Abulahamu!”
U Abulahamu akamula akati, “Indi pano.”
Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”
U Abulahamu akatalankannya nukumwennya udubi impembe zyache zibadiye mumpanya. Akamusenda udubi yula nukubika ukuti abanje chakwiyipa ichakocha mubuzilo ubwa mwana wache. U Abulahamu akabwita ubuzilo bula ukuti “U MWENE akupa.” Nilelo bulo abantu bakuti, “Pighamba ilya MWENE, yuyo akupa.”
Uwantumi uwa MWENE yula akamwitizya sona u Abulahamu akabubili nukuti, “U MWENE akuti, ‘Nkulapa ukuti nkwiza pakukusaya nkani pachifukwa ichakuti utakanyima umwana wako, mwene na mwene. Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi. Inko zyosi pachisu ichapasi nkwiza pakuzisaya ukwendela mubaluko lwako, pachifukwa ichakuti awe wanyivwila.’ ”
Po u Abulahamu akanyokela ku bambombo bache, po bosi poka bakanyamuka nukubwela ku Belisheba, kuko u Abulahamu akikalagha.

U Abulahamu akivwa ukuti u Milika umuchi uwa muzuna wako Naholi amupapila abana eyiti: U Uzi akaba we katote, sona nu muzuna wache u Buzi nu Kemuweli uwise uwa Alamu, nu Kesedi nu Hazo nu Pilidashi nu Yidilafe sona nu Betuweli. U Betuweli akaba we wise uwa Labeka. U Milika akamupapila abana bosi eyiti banaba u Naholi, umuzuna uwa Abulahamu. U Lebuma, umuchi umuzya uwa Naholi akamupapila abana folo, u Teba nu Gahamu nu Tahashi sona nu Maaka.

Kuula Ubwandilo 22