<div class="version vid3045 iso6393nih" data-vid="3045" data-iso6393="nih">
 <div class="book bkMAT">
 <div class="chapter ch13" data-usfm="MAT.13">
 <div class="label">13</div><div class="s1">Ishiholanyo sha mupesambeyu</div><div class="r">1-23: Mal. 4,1-20. Luk. 8,4-15.</div><div class="p"> 1Umusanya wuyo uYesu ahafuma munyumba, ahaval&#700;ukutendama kushipuma sha sumbi. 2Pe vahavungana pupo p&#700;ali avantu ve vinji. P&#700;uwene ahazuva mwivoti mw&#700;ahatendama. Aven&#700;avant&#700;impuga vahavamba kushipuma. 3P&#700;uwen&#700;ahavavuzya zye nyinj&#700;inongwa, ahayanjila mu&#7807;iholanyo ukuvavuzya ahati: Yenyi, lum&#700;umupesambeyu ahaval&#700;ukupes&#700;imbeyu yakwe. 4Ilelo lw&#700;amakupes&#700;imbeyu, pe yoka yihagwa pidala, p&#700;inyunyi zihinza zihaseva zihamala. 5Yoka iyamwavo nyene yihagwa pansi ya mavwe, p&#700;intop&#700;ital&#700;inyinji. Yihamula luvilo luvilo sh&#700;intop&#700;ital&#700;inyinji. 6Ilelo lwe litukuy&#700;izuva, p&#700;ihapwa yihuma sh&#700;itali namazi. 7Yoka iyamwavo nyene yihasangana nulwangwa lwe yagwa, ilelo lwe lumezil&#700;ulwangwa, pe luhayibuda. 8Yoka iyamwavo nyene yihagwa pans&#700;inyinza, yihahom&#700;insanga. Yok&#700;ihahom&#700;amashum&#700;ishumi, yok&#700;ihahom&#700;amashum&#700;umutanda, yok&#700;ihahom&#700;amashumi gatatu. 9Uno weng&#700;amakutwi ali nago w&#700;atejelezyaje.</div><div class="s1">Ukuvombelwa kwa &#7807;iholanyo</div><div class="p"> 10Pe vahapalamila kukwakwe avasundikwa vakwe vahamuvuzilizya vahati: Ukuyanjila shonu mumivi lw&#700;ukuvavuzya? 11Uwene ahavavuzya ahati: Sh&#700;imwe mupelilwe ukuzimanyinsanya izya kukwilu zya vumwene vwa kumwanya, avene vala nyene ve vatapelilwe. 12Sh&#700;uno weng&#700;ali na&#7807;wo yimo, w&#700;akwonjelezelwa ukupelwa ni&#7807;wamwavo, we &#7807;ikwinza &#7807;ikulafuha. Uwene nyene w&#700;ate na&#7807;wo na&#7807;imo, we hakusompolwa nahuho heng&#700;ali naho. 13Mwe mumwo nkuyanjila navo mu&#7807;iholanyo, she nashenga vakwenya vatakuzilola nazimo, nashenga vakwi&#7807;wa vatakuzitejelezya nazimo, havili vatakuzimanyinsanya. 14Zikuvinzila zila zy&#700;ahakuvwag&#700;uYesaya lw&#700;atili:</div><div class="q1">Ukwi&#7807;wa namakutwi kwe muliyi&#7807;wa,</div><div class="q1">nkandi mutalizimanyinsanya,</div><div class="q1">ukwenya naminso kwe muliyenya,</div><div class="q1">nkandi mutalizilola,</div><div class="q1"> 15Sh&#700;amoyo ga vantu vanava</div><div class="q1">gayipezil&#700;ukuva mamwamu,</div><div class="q1">amakutwi gavo gali namapuli ukwi&#7807;wa,</div><div class="q1">vasinziliye naminso.</div><div class="q1">Mwe mumwo vakupotwa ukwenya naminso,</div><div class="q1">nukwi&#7807;wa namakutwi,</div><div class="q1">nukuzimanyinsany&#700;inongwa mumoyo,</div><div class="q1">nukupinduha, ukuti imbazuzuvushizyaje.</div><div class="m"> 16Nkandi masangalus&#700;aminso ginyu she gakwenya, namakutwi ginyu she gakwi&#7807;wa. 17She nkuvavuzy&#700;ine nalyoli nkuti: Navakuvwi navagolosu ve vinji vahasungwaga ukwenya zizyo zye mukweny&#700;imwe, vahapotw&#700;ukuzyenya nakumo, vahati twi&#7807;waje zizyo zye mukuzyi&#7807;w&#700;imwe, vahapotw&#700;ukuzyi&#7807;wa nakumo.</div><div class="s1">Uvulondovozi vwa shiholanyo sha mupesambeyu</div><div class="p"> 18Ilel&#700;imwe mutejelezyaj&#700;ishiholanyo sh&#700;ula w&#700;ahapesag&#700;imbeyu. 19Uno weng&#700;akutejelezy&#700;izwi lya vumwene, ing&#700;atakulimanyinsanya, akwinz&#700;umunyala akusompola huho he hapesilwe mumwoyo wakwe. Uno lelo ye yiyo ye yapesilwe mwidala. 20Iyene nyene ye yapesilwe pansi ya mavwe we wuyo w&#700;akwi&#7807;w&#700;izwi ilelo p&#700;akuseshela, 21nkand&#700;amazi g&#700;ate nago, w&#700;akusimp&#700;isiku lyoka vwelele. Lw&#700;ayazil&#700;izwi likumu-p&#700;ukuyim&#7807;ilwa nuku&#7807;wimwa sh&#700;ali nalyo, p&#700;atakuhav&#700;ukugalamuha zyenezyo. 22Iyene nyene ye yapesilwe mulwangwa, we wuyo w&#700;ayazil&#700;ayi&#7807;uy&#700;izwi, ilelo pe havili ukukutana kw&#700;ikumupelel&#700;ins&#700;ino, nishifumbo sha vulonsi, zyenezyo zye zikubud&#700;izwi, ilelo pe ninsanga zisite nukwela. 23Iyene nyene ye yapesilwe muns&#700;inyinza, we wuyo w&#700;ayazil&#700;ayi&#7807;uy&#700;izwi, p&#700;akujenda nukulimanyinsanya nukuhom&#700;insanga. Wok&#700;akuhom&#700;amashum&#700;ishumi, wok&#700;amashum&#700;umutanda, wok&#700;amashumi gatatu.</div><div class="s1">Ishiholanyo sha ndezye</div><div class="p"> 24Ahavavuzya nishamwav&#700;ishiholanyo ahati: Uvumwene vwa kumwanya vuli fwe muntu w&#700;ahapesag&#700;imbey&#700;inyinza mumugunda wakwe. 25Ilelo lwe vakasit&#700;utul&#700;avantu, p&#700;umulugu wakwe ahaval&#700;ukupes&#700;indezye mungana mumwo, ahepa. 26Ilelo lw&#700;amezil&#700;umulem&#7807;we, lwe gakufuma namatwe, pe zihaloleha Zyope nindezye. 27P&#700;avanyamata vahaval&#700;ukuyanga numuhatankaya vahati: Mwene, amw&#700;utapesil&#700;imbey&#700;inyinza mumugunda waho? Zifumile kwi lelo indezy&#700;izi? 28Uwene nyene ahavavuzya ahati: Zy&#700;apesil&#700;umunt&#700;umulugu. P&#700;avanyamata vahati: Vul&#700;iwe, ingavanga tuvale tusagulilaje? 29Uwene nyene ahahana ahati: Ndali, mungasagulila poka ningana lwe mukusagul&#700;indezye. 30Simuleshe zikulile poka zye zivili, zihafishe pam&#7807;uno. Apene pam&#7807;uno lelo pe ndiva-vuzy&#700;ava&#7807;uni nditi: Simusagule suti zye ndezye, mupiny&#700;utusunzo, muzipembe mumwoto. Iyen&#700;ingana nyene ye musezezyaje mumulaza wane.</div><div class="s1">Ishiholanyo sha Insanga lwa muzimwa ninyambo</div><div class="r">31-32: Mal. 4,30-32. Luk. 13,18-19.</div><div class="p"> 31Ahavavuzya nishamwav&#700;ishiholanyo ahati: Uvumwene vwa kumwanya vuli fwe hasanga ha muzimwa, h&#700;umuntu ahahasenda ahahapesa mumugunda wakwe. 32Sh&#700;ahene he hansi kumbeyu zyonti, apene nyene lwenga hakuzile, pe hakulusya &#7807;wont&#700;i&#7807;iyavo uvupiti, hakuyipel&#700;ukuv&#700;ikwi, ilelo pe ninyunyi zya kumwanya zijende nukutenga i&#7807;isanzo munsamba zyakwe.</div><div class="r">33: Luk. 13,20-21.</div><div class="p"> 33Ahavavuzya nishamwav&#700;ishiholanyo ahati: Uvumwene vwa kumwanya vuli fwe &#7807;iluzizyo, &#7807;w&#700;ahasend&#700;umwantanda, ahasanganya nuvusu i&#7807;wivo &#7807;itatu pe vuhajenda nukulula vwonti.</div><div class="r">34-35: Mal. 4,33-34.</div><div class="p"> 34Zyonti zinizi uYesu ahayanjila mu&#7807;iholanyo lw&#700;akuvavuzy&#700;avantu ve vavungin&#700;impuga, ukwen&#700;ukuyanga vwelele kw&#700;atahayanga nazimo, 35ukuti zilunjihaje zizyo zy&#700;ahayang&#700;uYesaya umukuvwi lw&#700;ahati:</div><div class="q1">Ndivusy&#700;ilomu ukuyanjila mu&#7807;iholanyo,</div><div class="q1">ndikumusya zizyo zye zyali kukwilu</div><div class="q1">ukufuma pe yapezilw&#700;insi.</div><div class="s1">Ukulondovolwa kwa shiholanyo sha ndezye</div><div class="p"> 36Ilelo p&#700;uYesu ahavavwezy&#700;avantu mwe vavaliy&#700;impuga yonti, vahavala, uwen&#700;ahinjila munyumba. P&#700;avasundikwa vakwe vahapalamila kukwakwe vahati: Utwilulil&#700;iswe ishiholanyo shila isha ndezye mumugunda. 37Uwen&#700;ahavamula ahati: Uno w&#700;akupes&#700;imbey&#700;inyinza we Mwanamuntu. 38Uwen&#700;umugunda we nsi. Iyen&#700;imbey&#700;inyinza ve vanashinamwene, izyen&#700;indezye ve vana va vunyala. 39Uwen&#700;umulugu w&#700;akupesa we mukwalanzi; iyen&#700;im&#7807;uno vwe vusilo vwa ns&#700;ino. Aven&#700;ava&#7807;uni ve vahavizya. 40Ilelo inza she vakuvunganih&#700;indezye vakuzipemba mumwoto, she valihonzya vovulo pavusilo vwa nsi. 41P&#700;uMwanamuntu alivatum&#700;avahavizya vakwe ukuvunganiha zyonti ninyazyo navilankomelezyo vonti muvumwene vwakwe ukuzifumwa. 42Ve valivataga mwipalazya mw&#700;akwah&#700;umwoto. Mwe ziliva zye nkuta ntupu, mwe luliva lwe lulumanyo lwa mino lutupu. 43P&#700;avagolosu valilangalila fwe lizuva mushinamwene sha Yise. Uno weng&#700;ali namakutwi w&#700;atejelezyaje.</div><div class="s1">Ishiholanyo sha havw&#700;ahagomu nishuma nulwelo</div><div class="p"> 44Havili uvumwene vwa kumwanya vuli fwe shuma she vazyisile mumugunda, she wok&#700;umuntu ahashaga havili ahashizyiha. P&#700;ahaseshela ahaval&#700;ukukazya &#7807;wonti &#7807;w&#700;ali na&#7807;wo, ahakal&#700;umugunda wununo.</div><div class="p"> 45Havili uvumwene vwa kumwanya vuli fwe mukazi w&#700;ahanzag&#700;uvwamb&#700;uvwinza. 46Ilelo lw&#700;avwazile vwok&#700;uvwamb&#700;uvugomu nkani, p&#700;ahaval&#700;ukukazya &#7807;wonti &#7807;w&#700;ali na&#7807;wo ahakala vuvwo.</div><div class="p"> 47Havili uvumwene vwa kumwanya vuli fwe lwelo lwe lwatazilwe mwa sumbi, luhavunganiha zyont&#700;inswi mwe zivaliye muluho muluho. 48Ilelo lwe zyizuye mumwo pe vahalukwesela kushipuma, vahatendam&#700;ukusev&#700;inyinza zye vahaviha mu&#7807;iseje, izyen&#700;imbivi zye vahataga. 49She zili vovulo nizya vusilo vwa nsi. P&#700;avahavizya valivuh&#700;ukuvasavul&#700;avavivi mumpuga ya vagolosu. 50Valivataga mwipalazya mw&#700;akwah&#700;umwoto. Mwe ziliva zye nkuta ntupu, mwe luliva lwe lulumanyo lwa mino lutupu.</div><div class="p"> 51Muzimanyile zyonti zinizi? Avene vahati: Ena Mwene. 52Uwen&#700;ahavavuzya ahati: Mwe mumwo vont&#700;avamanyakalata venga vayipezil&#700;ukuva vasundikwa va vumwene vwa kumwanya, vali fwe muhatankaya w&#700;aku&#7807;umbula nimpwa ninkali mw&#700;avisil&#700;ishuma shakwe.</div><div class="s1">UYesu ahanilwe mu-Nazaleti</div><div class="r">53-58: Mal. 6,1-6. Luk. 4,16-30.</div><div class="p"> 53Ilel&#700;uYesu lw&#700;amazil&#700;i&#7807;iholanyo &#7807;ini&#7807;i, p&#700;ahavuh&#700;ukuvala. 54Ahaval&#700;ukufiha munkaya mw&#700;akuliye, ahavasambilizy&#700;inongwa musinagogi yavo. Pe vahasukumila nkani vahati: Umunt&#700;uno azyazile kwi injel&#700;izi namamfindango ganaga? 55Amwe wuyo ate mwana wa selemala? Amwe ate w&#700;unyina uMaliya izina? Avanine amwe vate ve vaYakobu nuYosefu nuSimoni nuYuda? 56Aven&#700;avanavavo avalindu amwe tute navo panapa vonti? Azyazile kwi lelo zyonti zinizi? 57Vahapunula muli wuyo. Uwen&#700;uYesu nyene ahavavuzya ahati: Umukuvwi atakusov&#700;umushinzi nkandi kwe kumwavo namunyumba yakwe. 58Atahapel&#700;aminj&#700;amamfindango aga maha mumwo sh&#700;aven&#700;ulwitiho vatali nalwo nalumo.</div>
 </div>
 </div>
</div>

Nyiha New Testament © British and Foreign Bible Society, 1965.

Umusanya wuyo uYesu ahafuma munyumba, ahavalʼukutendama kushipuma sha sumbi. Pe vahavungana pupo pʼali avantu ve vinji. Pʼuwene ahazuva mwivoti mwʼahatendama. Avenʼavantʼimpuga vahavamba kushipuma. Pʼuwenʼahavavuzya zye nyinjʼinongwa, ahayanjila muṿiholanyo ukuvavuzya ahati: Yenyi, lumʼumupesambeyu ahavalʼukupesʼimbeyu yakwe. Ilelo lwʼamakupesʼimbeyu, pe yoka yihagwa pidala, pʼinyunyi zihinza zihaseva zihamala. Yoka iyamwavo nyene yihagwa pansi ya mavwe, pʼintopʼitalʼinyinji. Yihamula luvilo luvilo shʼintopʼitalʼinyinji. Ilelo lwe litukuyʼizuva, pʼihapwa yihuma shʼitali namazi. Yoka iyamwavo nyene yihasangana nulwangwa lwe yagwa, ilelo lwe lumezilʼulwangwa, pe luhayibuda. Yoka iyamwavo nyene yihagwa pansʼinyinza, yihahomʼinsanga. Yokʼihahomʼamashumʼishumi, yokʼihahomʼamashumʼumutanda, yokʼihahomʼamashumi gatatu. Uno wengʼamakutwi ali nago wʼatejelezyaje.

Pe vahapalamila kukwakwe avasundikwa vakwe vahamuvuzilizya vahati: Ukuyanjila shonu mumivi lwʼukuvavuzya? Uwene ahavavuzya ahati: Shʼimwe mupelilwe ukuzimanyinsanya izya kukwilu zya vumwene vwa kumwanya, avene vala nyene ve vatapelilwe. Shʼuno wengʼali naṿwo yimo, wʼakwonjelezelwa ukupelwa niṿwamwavo, we ṿikwinza ṿikulafuha. Uwene nyene wʼate naṿwo naṿimo, we hakusompolwa nahuho hengʼali naho. Mwe mumwo nkuyanjila navo muṿiholanyo, she nashenga vakwenya vatakuzilola nazimo, nashenga vakwiṿwa vatakuzitejelezya nazimo, havili vatakuzimanyinsanya. Zikuvinzila zila zyʼahakuvwagʼuYesaya lwʼatili:
Ukwiṿwa namakutwi kwe muliyiṿwa,
nkandi mutalizimanyinsanya,
ukwenya naminso kwe muliyenya,
nkandi mutalizilola,
Shʼamoyo ga vantu vanava
gayipezilʼukuva mamwamu,
amakutwi gavo gali namapuli ukwiṿwa,
vasinziliye naminso.
Mwe mumwo vakupotwa ukwenya naminso,
nukwiṿwa namakutwi,
nukuzimanyinsanyʼinongwa mumoyo,
nukupinduha, ukuti imbazuzuvushizyaje.
Nkandi masangalusʼaminso ginyu she gakwenya, namakutwi ginyu she gakwiṿwa. She nkuvavuzyʼine nalyoli nkuti: Navakuvwi navagolosu ve vinji vahasungwaga ukwenya zizyo zye mukwenyʼimwe, vahapotwʼukuzyenya nakumo, vahati twiṿwaje zizyo zye mukuzyiṿwʼimwe, vahapotwʼukuzyiṿwa nakumo.

Ilelʼimwe mutejelezyajʼishiholanyo shʼula wʼahapesagʼimbeyu. Uno wengʼakutejelezyʼizwi lya vumwene, ingʼatakulimanyinsanya, akwinzʼumunyala akusompola huho he hapesilwe mumwoyo wakwe. Uno lelo ye yiyo ye yapesilwe mwidala. Iyene nyene ye yapesilwe pansi ya mavwe we wuyo wʼakwiṿwʼizwi ilelo pʼakuseshela, nkandʼamazi gʼate nago, wʼakusimpʼisiku lyoka vwelele. Lwʼayazilʼizwi likumu-pʼukuyimṿilwa nukuṿwimwa shʼali nalyo, pʼatakuhavʼukugalamuha zyenezyo. Iyene nyene ye yapesilwe mulwangwa, we wuyo wʼayazilʼayiṿuyʼizwi, ilelo pe havili ukukutana kwʼikumupelelʼinsʼino, nishifumbo sha vulonsi, zyenezyo zye zikubudʼizwi, ilelo pe ninsanga zisite nukwela. Iyene nyene ye yapesilwe munsʼinyinza, we wuyo wʼayazilʼayiṿuyʼizwi, pʼakujenda nukulimanyinsanya nukuhomʼinsanga. Wokʼakuhomʼamashumʼishumi, wokʼamashumʼumutanda, wokʼamashumi gatatu.

Ahavavuzya nishamwavʼishiholanyo ahati: Uvumwene vwa kumwanya vuli fwe muntu wʼahapesagʼimbeyʼinyinza mumugunda wakwe. Ilelo lwe vakasitʼutulʼavantu, pʼumulugu wakwe ahavalʼukupesʼindezye mungana mumwo, ahepa. Ilelo lwʼamezilʼumulemṿwe, lwe gakufuma namatwe, pe zihaloleha Zyope nindezye. Pʼavanyamata vahavalʼukuyanga numuhatankaya vahati: Mwene, amwʼutapesilʼimbeyʼinyinza mumugunda waho? Zifumile kwi lelo indezyʼizi? Uwene nyene ahavavuzya ahati: Zyʼapesilʼumuntʼumulugu. Pʼavanyamata vahati: Vulʼiwe, ingavanga tuvale tusagulilaje? Uwene nyene ahahana ahati: Ndali, mungasagulila poka ningana lwe mukusagulʼindezye. Simuleshe zikulile poka zye zivili, zihafishe pamṿuno. Apene pamṿuno lelo pe ndiva-vuzyʼavaṿuni nditi: Simusagule suti zye ndezye, mupinyʼutusunzo, muzipembe mumwoto. Iyenʼingana nyene ye musezezyaje mumulaza wane.


Ahavavuzya nishamwavʼishiholanyo ahati: Uvumwene vwa kumwanya vuli fwe hasanga ha muzimwa, hʼumuntu ahahasenda ahahapesa mumugunda wakwe. Shʼahene he hansi kumbeyu zyonti, apene nyene lwenga hakuzile, pe hakulusya ṿwontʼiṿiyavo uvupiti, hakuyipelʼukuvʼikwi, ilelo pe ninyunyi zya kumwanya zijende nukutenga iṿisanzo munsamba zyakwe.

Ahavavuzya nishamwavʼishiholanyo ahati: Uvumwene vwa kumwanya vuli fwe ṿiluzizyo, ṿwʼahasendʼumwantanda, ahasanganya nuvusu iṿwivo ṿitatu pe vuhajenda nukulula vwonti.

Zyonti zinizi uYesu ahayanjila muṿiholanyo lwʼakuvavuzyʼavantu ve vavunginʼimpuga, ukwenʼukuyanga vwelele kwʼatahayanga nazimo, ukuti zilunjihaje zizyo zyʼahayangʼuYesaya umukuvwi lwʼahati:
Ndivusyʼilomu ukuyanjila muṿiholanyo,
ndikumusya zizyo zye zyali kukwilu
ukufuma pe yapezilwʼinsi.

Ilelo pʼuYesu ahavavwezyʼavantu mwe vavaliyʼimpuga yonti, vahavala, uwenʼahinjila munyumba. Pʼavasundikwa vakwe vahapalamila kukwakwe vahati: Utwilulilʼiswe ishiholanyo shila isha ndezye mumugunda. Uwenʼahavamula ahati: Uno wʼakupesʼimbeyʼinyinza we Mwanamuntu. Uwenʼumugunda we nsi. Iyenʼimbeyʼinyinza ve vanashinamwene, izyenʼindezye ve vana va vunyala. Uwenʼumulugu wʼakupesa we mukwalanzi; iyenʼimṿuno vwe vusilo vwa nsʼino. Avenʼavaṿuni ve vahavizya. Ilelo inza she vakuvunganihʼindezye vakuzipemba mumwoto, she valihonzya vovulo pavusilo vwa nsi. PʼuMwanamuntu alivatumʼavahavizya vakwe ukuvunganiha zyonti ninyazyo navilankomelezyo vonti muvumwene vwakwe ukuzifumwa. Ve valivataga mwipalazya mwʼakwahʼumwoto. Mwe ziliva zye nkuta ntupu, mwe luliva lwe lulumanyo lwa mino lutupu. Pʼavagolosu valilangalila fwe lizuva mushinamwene sha Yise. Uno wengʼali namakutwi wʼatejelezyaje.

Havili uvumwene vwa kumwanya vuli fwe shuma she vazyisile mumugunda, she wokʼumuntu ahashaga havili ahashizyiha. Pʼahaseshela ahavalʼukukazya ṿwonti ṿwʼali naṿwo, ahakalʼumugunda wununo.
Havili uvumwene vwa kumwanya vuli fwe mukazi wʼahanzagʼuvwambʼuvwinza. Ilelo lwʼavwazile vwokʼuvwambʼuvugomu nkani, pʼahavalʼukukazya ṿwonti ṿwʼali naṿwo ahakala vuvwo.
Havili uvumwene vwa kumwanya vuli fwe lwelo lwe lwatazilwe mwa sumbi, luhavunganiha zyontʼinswi mwe zivaliye muluho muluho. Ilelo lwe zyizuye mumwo pe vahalukwesela kushipuma, vahatendamʼukusevʼinyinza zye vahaviha muṿiseje, izyenʼimbivi zye vahataga. She zili vovulo nizya vusilo vwa nsi. Pʼavahavizya valivuhʼukuvasavulʼavavivi mumpuga ya vagolosu. Valivataga mwipalazya mwʼakwahʼumwoto. Mwe ziliva zye nkuta ntupu, mwe luliva lwe lulumanyo lwa mino lutupu.
Muzimanyile zyonti zinizi? Avene vahati: Ena Mwene. Uwenʼahavavuzya ahati: Mwe mumwo vontʼavamanyakalata venga vayipezilʼukuva vasundikwa va vumwene vwa kumwanya, vali fwe muhatankaya wʼakuṿumbula nimpwa ninkali mwʼavisilʼishuma shakwe.


IlelʼuYesu lwʼamazilʼiṿiholanyo ṿiniṿi, pʼahavuhʼukuvala. Ahavalʼukufiha munkaya mwʼakuliye, ahavasambilizyʼinongwa musinagogi yavo. Pe vahasukumila nkani vahati: Umuntʼuno azyazile kwi injelʼizi namamfindango ganaga? Amwe wuyo ate mwana wa selemala? Amwe ate wʼunyina uMaliya izina? Avanine amwe vate ve vaYakobu nuYosefu nuSimoni nuYuda? Avenʼavanavavo avalindu amwe tute navo panapa vonti? Azyazile kwi lelo zyonti zinizi? Vahapunula muli wuyo. UwenʼuYesu nyene ahavavuzya ahati: Umukuvwi atakusovʼumushinzi nkandi kwe kumwavo namunyumba yakwe. Atahapelʼaminjʼamamfindango aga maha mumwo shʼavenʼulwitiho vatali nalwo nalumo.

Kuula Matayi 13