The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkJHN">
 <div class="chapter ch20" data-usfm="JHN.20">
 <div class="label">20</div><div class="s1">Yesu Kozuka</div><div class="r">(Mat. 28:1-8; Mlk. 16:1-8; Luk. 24:1-12)</div><div class="p"> 1Ndamuka ya zua da mwanduso wa wiki,#20:1 Zua da mwanduso wa wiki nhegulo yake jumapili. usiku haunakucha goya, Maliamu wa kiwambo cha Magidala kachola kudipanga, kavika idibwe dikalile hamulomo wa idipanga disegezigwa. 2Kakimbila kachola ha Simoni Petulo na ha ija imwanahina iyagwe ayo Yesu yamnogele na kuwalongela, &#8220;Wamsegeza Mndewa haja hadipanga, na hatukutangile kuwamwikile!&#8221;</div><div class="p"> 3Abaho, Petulo na ija imwanahina iyagwe wachola kudipanga. 4Wose wabili wakimbila, ila ija imwanahina iyagwe kakimbila ng'hani kum'banza Petulo na kumulongola kuvika kudipanga. 5Kainamila na kusungulila mgati, kayona isanda, ila hengile mgati. 6Simoni Petulo yakalile kuchugu chake, kavika na kengila dimwe kwa dimwe mdipanga. Kavona ivitambala va isanda viwasile haja, 7vivija na ikitambala kikalile kizingilizwe mdipala da Yesu. Hakikalile hamoja na isanda ila kikunzigwa na kiinega kutali na isanda. 8Abaho, ija imwanahina iyagwe yavikile haichanduso kudipanga na heyo kengila mgati, kalola na kutogola. 9Wakala hawanazimanya Zinyandiko Zing'alile zilonga kamba kolondigwa yazuke kulawa mkudanganhika. 10Abaho, waja iwanahina wabweleganya mkae zao.</div><div class="s1">Yesu Komulawilila Maliamu wa Kiwambo cha Magidala</div><div class="r">(Mat. 28:9-10; Mlk. 16:9-11)</div><div class="p"> 11Maliamu kema hanze ya idipanga yolila. Kuno yang'hali yolila, kainamila kalola mgati mwa idipanga, 12na kawona wasenga wabili wa Mulungu wa kuulanga wavalile miguo mizelu, wakala haja halukalile lukuli lwa Yesu, imwe kuna iditwi na imwe kuna gamagulu. 13Wamuuza, &#8220;Gweye mtwanzi, habali ulila?&#8221;</div><div class="p">Kedika, yolonga, &#8220;Wamsegeza Mndewa wangu, na sikutangile kuwamwikile!&#8221;</div><div class="p"> 14Abaho, kahinduka, kamona Yesu yemile bahaja, ila havimanyile kamba kakala Yesu. 15Yesu kamuuza, &#8220;Gweye mtwanzi, habali ulila? Yalihi yuumzahila?&#8221;</div><div class="p">Kuno yokwagiza kakala msang'hanika wa haja ihanhu ha kuhumulila, avo kamulongela, &#8220;Mndewa, kamba gweye iyo umsegeze, nongela kwahi kuumwikile nichole nikamsole.&#8221;</div><div class="p"> 16Yesu kamulongela, &#8220;Maliamu!&#8221;</div><div class="p">Kamuhindukila na kulonga Mkieblania, &#8220;Labboni!&#8221; Nhegulo yake, &#8220;Mkulufunzi.&#8221;</div><div class="p"> 17Yesu kamulongela, &#8220;Sambiuninanahile kwavija sinachola uchana ha Tata. Ila genda ha wanahina zangu uwalongele kamba nie nobweleganya ha Tataangu na Tata wenu, Mulungu wangu na Mulungu wenu.&#8221;</div><div class="p"> 18Avo Maliamu wa kiwambo cha Magidala kachola kuwalongela wanahina kamba kamona Mndewa, na kuwalongela gaja gose gayamulongele.</div><div class="s1">Yesu Kowalawilila Wanahina Zake</div><div class="r">(Mat. 28:16-20; Mlk. 16:14-18; Luk. 24:36-49)</div><div class="p"> 19Ikala ichungulo ya zua da mwanduso wa wiki,#20:19 Zua da mwanduso wa wiki nhegulo yake jumapili. na wanahina wakala waiting'hane hamoja na kuno nyivi za ing'anda zikala zihindigwe, kwavija wakala wowadumba wakulu wa Wayahudi. Abaho, Yesu keza na kwima hamoja na hewo, kalonga, &#8220;Tindiwalo diwe hamoja namwe.&#8221; 20Viyeshile kulonga gano, kawalagusila makono gake na lubavu lwake. Waja iwanahina wakala wamemile ndeng'helelo viwamonile Mndewa. 21Yesu kawalongela kabili, &#8220;Tindiwalo diwe hamoja namwe. Kamba vija Tata viyanhumile nie, avo na nie nowatuma.&#8221; 22Abaho, kawahuzila na mhumuzi yake, kawalongela, &#8220;Bokeleni Loho wa Mulungu. 23Kamba muhavigela kumgongo vilozo va wanhu, vogeligwa kumgongo. Na kamba hamuvigelile kumgongo, havigeligwa kumgongo.&#8221;</div><div class="s1">Yesu na Tomaso</div><div class="p"> 24Imwe wa waja wanahina longo dimwe na wabili yokemigwa Tomaso, twaga diyagwe Ubasa, kakala haduhu viyezile Yesu. 25Avo waja iwanahina wayagwe wamulongela, &#8220;Tumona Mndewa!&#8221;</div><div class="p">Tomaso kawalongela, &#8220;Kamba sonile ng'hovu za misumali mmakono gake na kwika kidole changu mzing'hovu zake na mkono wangu mulubavu lwake, sitogola kamba kazuka!&#8221;</div><div class="p"> 26Vigabitile mazua saba wanahina zake waiting'hana kabili mng'anda, na Tomaso kakala baho. Nyivi zikala zihindigwe, ila Yesu keza na kwima na hewo, kalonga, &#8220;Tindiwalo diwe hamoja namwe.&#8221; 27Abaho, kamulongela Tomaso, &#8220;Ika kidole chako na ugalole makono gangu, abaho, golosa mkono wako uwike mulubavu lwangu. Sambiudungwedungwe mmoyo, ila utogole.&#8221;</div><div class="p"> 28Tomaso kamulongela, &#8220;Mndewa wangu na Mulungu wangu.&#8221;</div><div class="p"> 29Yesu kamulongela, &#8220;Gweye kutogola kamba nizuka kwavija kunyona. Wamota ng'hani awo wondawatogole bila kunyona.&#8221;</div><div class="s1">Kilamso cha Kwandika Kitabu Kino</div><div class="p"> 30Mizonza yaatendile Yesu hameso ga wanahina zake ilekile kwandikigwa mkitabu kino ikala bwando. 31Ila gano gandikigwa giladi mtogole kamba Yesu iyo Kilisto, Mwana wa Mulungu, na mkutogola gano muupate ugima mtwaga jake.</div>
 </div>
 </div>
</div>

Zaramo Bible Translation Project: © 2023 Pioneer Bible Translators
New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Ndamuka ya zua da mwanduso wa wiki, usiku haunakucha goya, Maliamu wa kiwambo cha Magidala kachola kudipanga, kavika idibwe dikalile hamulomo wa idipanga disegezigwa. Kakimbila kachola ha Simoni Petulo na ha ija imwanahina iyagwe ayo Yesu yamnogele na kuwalongela, “Wamsegeza Mndewa haja hadipanga, na hatukutangile kuwamwikile!”
Abaho, Petulo na ija imwanahina iyagwe wachola kudipanga. Wose wabili wakimbila, ila ija imwanahina iyagwe kakimbila ng'hani kum'banza Petulo na kumulongola kuvika kudipanga. Kainamila na kusungulila mgati, kayona isanda, ila hengile mgati. Simoni Petulo yakalile kuchugu chake, kavika na kengila dimwe kwa dimwe mdipanga. Kavona ivitambala va isanda viwasile haja, vivija na ikitambala kikalile kizingilizwe mdipala da Yesu. Hakikalile hamoja na isanda ila kikunzigwa na kiinega kutali na isanda. Abaho, ija imwanahina iyagwe yavikile haichanduso kudipanga na heyo kengila mgati, kalola na kutogola. Wakala hawanazimanya Zinyandiko Zing'alile zilonga kamba kolondigwa yazuke kulawa mkudanganhika. Abaho, waja iwanahina wabweleganya mkae zao.


Maliamu kema hanze ya idipanga yolila. Kuno yang'hali yolila, kainamila kalola mgati mwa idipanga, na kawona wasenga wabili wa Mulungu wa kuulanga wavalile miguo mizelu, wakala haja halukalile lukuli lwa Yesu, imwe kuna iditwi na imwe kuna gamagulu. Wamuuza, “Gweye mtwanzi, habali ulila?”
Kedika, yolonga, “Wamsegeza Mndewa wangu, na sikutangile kuwamwikile!”
Abaho, kahinduka, kamona Yesu yemile bahaja, ila havimanyile kamba kakala Yesu. Yesu kamuuza, “Gweye mtwanzi, habali ulila? Yalihi yuumzahila?”
Kuno yokwagiza kakala msang'hanika wa haja ihanhu ha kuhumulila, avo kamulongela, “Mndewa, kamba gweye iyo umsegeze, nongela kwahi kuumwikile nichole nikamsole.”
Yesu kamulongela, “Maliamu!”
Kamuhindukila na kulonga Mkieblania, “Labboni!” Nhegulo yake, “Mkulufunzi.”
Yesu kamulongela, “Sambiuninanahile kwavija sinachola uchana ha Tata. Ila genda ha wanahina zangu uwalongele kamba nie nobweleganya ha Tataangu na Tata wenu, Mulungu wangu na Mulungu wenu.”
Avo Maliamu wa kiwambo cha Magidala kachola kuwalongela wanahina kamba kamona Mndewa, na kuwalongela gaja gose gayamulongele.


Ikala ichungulo ya zua da mwanduso wa wiki, na wanahina wakala waiting'hane hamoja na kuno nyivi za ing'anda zikala zihindigwe, kwavija wakala wowadumba wakulu wa Wayahudi. Abaho, Yesu keza na kwima hamoja na hewo, kalonga, “Tindiwalo diwe hamoja namwe.” Viyeshile kulonga gano, kawalagusila makono gake na lubavu lwake. Waja iwanahina wakala wamemile ndeng'helelo viwamonile Mndewa. Yesu kawalongela kabili, “Tindiwalo diwe hamoja namwe. Kamba vija Tata viyanhumile nie, avo na nie nowatuma.” Abaho, kawahuzila na mhumuzi yake, kawalongela, “Bokeleni Loho wa Mulungu. Kamba muhavigela kumgongo vilozo va wanhu, vogeligwa kumgongo. Na kamba hamuvigelile kumgongo, havigeligwa kumgongo.”

Imwe wa waja wanahina longo dimwe na wabili yokemigwa Tomaso, twaga diyagwe Ubasa, kakala haduhu viyezile Yesu. Avo waja iwanahina wayagwe wamulongela, “Tumona Mndewa!”
Tomaso kawalongela, “Kamba sonile ng'hovu za misumali mmakono gake na kwika kidole changu mzing'hovu zake na mkono wangu mulubavu lwake, sitogola kamba kazuka!”
Vigabitile mazua saba wanahina zake waiting'hana kabili mng'anda, na Tomaso kakala baho. Nyivi zikala zihindigwe, ila Yesu keza na kwima na hewo, kalonga, “Tindiwalo diwe hamoja namwe.” Abaho, kamulongela Tomaso, “Ika kidole chako na ugalole makono gangu, abaho, golosa mkono wako uwike mulubavu lwangu. Sambiudungwedungwe mmoyo, ila utogole.”
Tomaso kamulongela, “Mndewa wangu na Mulungu wangu.”
Yesu kamulongela, “Gweye kutogola kamba nizuka kwavija kunyona. Wamota ng'hani awo wondawatogole bila kunyona.”

Mizonza yaatendile Yesu hameso ga wanahina zake ilekile kwandikigwa mkitabu kino ikala bwando. Ila gano gandikigwa giladi mtogole kamba Yesu iyo Kilisto, Mwana wa Mulungu, na mkutogola gano muupate ugima mtwaga jake.

Kuula YOHANA 20