<div class="version vid1811 iso6393ksb" data-vid="1811" data-iso6393="ksb">
 <div class="book bkMAT">
 <div class="chapter ch23" data-usfm="MAT.23">
 <div class="label">23</div><div class="s1">Yesu ashunda watabaluwangwa na Mafaliseyo.</div><div class="p"> 1Haja Yesu azalonga wantu ha&#7749;we na wahina wakwe angwe: 2Mwe kiti cha Mose kuikala watabaluwangwa na Mafaliseyo. 3Vyoshe, ndivyo wami&#947;ambile, vi&#947;osholei na kuvi&#947;olokela! Miya mi&#947;oshwele yawe msheitongele! Hambu walonga, kangi nkawavi&#947;oshola. 4Washunganya mizi&#947;o mikulu, waibadika mwe mae&#947;a ya wantu, miya wenye nkawakunda kuidowa na chala ki&#7749;we du. 5Ndima zawe zoshe wazi&#947;oshola, waolelwe ni wantu. Hambu wakuza matalatasi ya vikila, walefya mataiaza ya shuke zawe, 6wakundisha kuikala ha wafu&#7749;wa wakilalikwa kwe nkande, hata mwe mavikilo wakaikala mwe viti vya wazumbe; 7watamilwa ni kulu&#947;ushi&#947;wa he ndumi, wakiitangwa wakulu ni wantu. 8Miya inywi msheitangwe wafuzi! Hambu mfuzi ywenyu ni mu&#7749;we, inywi nyoshe mu wandu&#947;u. 9Mushemwitange muntu kunu shi kuti: Tate! Hambu ishe ywenyu ni mu&#7749;we, ni yuja ywa kilwingu. 10Kangi msheitangwe vilongolezi! Hambu kilongolezi chenyu ni mu&#7749;we, ni Kilisito. 11Mkulu ywenyu shuti amilumikile! 12Ndiye akikuze &#7749;wenye, atazapunguzi&#947;wa, ndiye akipunguze &#7749;wenye, atazakuzi&#947;wa. 13We ukiwa ni nywiyo watabaluwangwa na Mafaliseyo! Mwahemba inywi, kwa kuti mwazu&#947;aila wantu uzumbe wa lwingu! Wenye nkamwingila, kangi wekunda kuingila nkamuwakundiza kuingiia. 14We ukiwa ni nywiyo watabaluwangwa na Mafaliseyo! Mwahemba inywi, kwa kuti mwaja nyumba za wavyelengwa wafilwewo ni wa&#947;oshi, kangi mwakionyaonya, viya mtaisiiza kuwahembelezeza! Kwa ivyoho mtazalahwa masa yezinka ya wenyu. 15We ukiwa ni nywiyo watabaluwangwa na Mafaliseyo! Mwahemba inywi, kwa kuti mwaanga na kuomboka bahali na shi, kangwe m&#947;alushe muntu mu&#7749;we mhina; kangi akioneka, mwam&#947;alusha &#7749;wana ywa kuzimu mwemizinka kaili! 16We ukiwa ni nywiyo vilongolezi vifilevyo mesho! Kwa kuti mwa&#947;amba: Muntu akikilisha na vikilongwa, nkavina mbuli; miya akikilisha na zahabu ya vikilongwa atakola masa. 17Mu wababashi, kangi mu matuntu! Hambu vikulu ni vihi? Zahabu hambu vikilo jeinka zahabu utana? 18Vituhu mwa&#947;amba: Muntu akikilisha na okelo ja &#7749;ombe za mviko, nkavina mbuli; miya akikilisha na &#7749;ombe ya mviko yekomelwa mumo atakola masa. 19Mu wababashi, kangi mu matuntu! Hambu vikulu ni vihi? &#7748;ombe ya mviko ao okelo jeinka &#7749;ombe ya mviko utana? 20Mwekilisha na okelo ja &#7749;ombe za mviko akilisha najo &#7749;wenye ha&#7749;we na vyoshe vye mumo. 21Mwekilisha na vikilonngwa akilisha najo &#7749;wenye ha&#7749;we na yuja mweikala mumo. 22Mwekilisha na lwingu akilisha na kitingwa cha Mulungu ha&#7749;we na yuja mwechiikaila. 23We ukiwa ni nywiyo watabaluwangwa na Mafaliseyo! Mwahemba inywi, kwa kuti ngo&#947;we na ntunduja na mpilipili mwazilavya fungu ja kumi, miya viya vye nto&#947;o vya mulomongwa mwavileka du, milahile ya masa na mifile ya mbazi na mitozesheze yeagiza. Inu anga mwaibasha ha&#7749;we na kusheleka viya. 24Mu vilongolezi vifilevyo mesho! Mbu mwaishwa, miya ngameya mwaimeza! 25We ukiwa ni nywiyo watabaluwangwa na Mafaliseyo! Mwahemba inywi, kwa kuti vinywelo na vijiilo muvichunta se, miya uko ndai viigisize mumpa na usaba! 26Iwe Faliseyo u tuntu! Bosi anachunta kinywelo uko ndai, vikibinda chidahechunti&#947;wa hata se! 27We ukiwa ni nywiyo watabaluwangwa na Mafaliseyo! Mwahemba inywi, kwa kuti mwafanana na mbila zihambi&#947;wezo, zikiolelwa vye se ziyatama, miya uko ndai ziimemile mavuha ya wafilewo na usaba woshe! 28Vivyoho hata inywi, wantu wakimiolela, muvyooni&#947;wa, mwafanana, viya mu watanda, miya uko ndai mwe myoyo yenyu mwigisize mihembo na ubezi wa mulomongwa. 29We ukiwa ni nywiyo watabaluwangwa na Mafaliseyo! Mwahemba inywi, kwa kuti mwazenga mbila za wate&#947;anyingwa, kangi mwahamba mazikilo ya watanda, 30mwa&#947;amba: Ati ishwi ne tii haho mishi ija ya wababa zetu, anga nkativangane nawo mwe iyo mbuli ya kukoma wate&#947;anyingwa. 31Ivyoho mwakilongela uwona, kuti mu wana wa waja wakomilewo wate&#947;anyingwa. 32Lushe memezai kihimo cha waishe zenyu! 33Mu nyoka, mu wana moma! Nemnyilike zeze masa ya kushindikwa na kuzimu? 34Ne vyelongwa kuti: Imi natuma kwenyu wate&#947;anyi na watalizi na walabaluwangwa, ku&#7749;we nemuwakome na kuwaamba mwe miti, ku&#7749;we mlawatowa mwe mavikilo yenyu, vikibinda mtawa&#947;ulusha mwe kila muzi, 35ndimo waingile, kangwe mwingile mwe masa yoshe ya mpome ya watanda iitilweyo kunu shi, kuandiila kwe mpome ya Abeli, hambu ne ai mtanda, mpaka kwe mpome ya Zakaliya, &#7749;wana Balakiyo, mumkomileye haja he vikilo na he okelo ja &#7749;ombe za mviko gati. 36Kweli namiti: Inu mbali yenyu neilahwe aya masa yoshe.</div><div class="s1">Mlaho ndiwo ubulile Yelusalemu.</div><div class="p"> 37Yelusalemu! Yelusalemu! Wakoma wate&#947;anyingwa watumi&#947;wewo na kwako, wawahomela mawe! Ni kangahi, nikikunda kuunganyanya wanawo, sa viyaho nguku ivyounganyanya visiyo mwe mawawa yakwe? Miya inywi mzalemela! 38Shivyo, nyumba zenyu neziashi&#947;we mahuzu! 39Kweli namiti: Nkezemkeniona kuandiila ivi lushe, mpaka ndiho mulonge: Atogolwe mweiza mwe zina ja Zumbe!</div>
 </div>
 </div>
</div>

New Testament in Kishambala © Bible Society of Tanzania, 2005.

Haja Yesu azalonga wantu haṅwe na wahina wakwe angwe: Mwe kiti cha Mose kuikala watabaluwangwa na Mafaliseyo. Vyoshe, ndivyo wamiγambile, viγosholei na kuviγolokela! Miya miγoshwele yawe msheitongele! Hambu walonga, kangi nkawaviγoshola. Washunganya miziγo mikulu, waibadika mwe maeγa ya wantu, miya wenye nkawakunda kuidowa na chala kiṅwe du. Ndima zawe zoshe waziγoshola, waolelwe ni wantu. Hambu wakuza matalatasi ya vikila, walefya mataiaza ya shuke zawe, wakundisha kuikala ha wafuṅwa wakilalikwa kwe nkande, hata mwe mavikilo wakaikala mwe viti vya wazumbe; watamilwa ni kuluγushiγwa he ndumi, wakiitangwa wakulu ni wantu. Miya inywi msheitangwe wafuzi! Hambu mfuzi ywenyu ni muṅwe, inywi nyoshe mu wanduγu. Mushemwitange muntu kunu shi kuti: Tate! Hambu ishe ywenyu ni muṅwe, ni yuja ywa kilwingu. Kangi msheitangwe vilongolezi! Hambu kilongolezi chenyu ni muṅwe, ni Kilisito. Mkulu ywenyu shuti amilumikile! Ndiye akikuze ṅwenye, atazapunguziγwa, ndiye akipunguze ṅwenye, atazakuziγwa. We ukiwa ni nywiyo watabaluwangwa na Mafaliseyo! Mwahemba inywi, kwa kuti mwazuγaila wantu uzumbe wa lwingu! Wenye nkamwingila, kangi wekunda kuingila nkamuwakundiza kuingiia. We ukiwa ni nywiyo watabaluwangwa na Mafaliseyo! Mwahemba inywi, kwa kuti mwaja nyumba za wavyelengwa wafilwewo ni waγoshi, kangi mwakionyaonya, viya mtaisiiza kuwahembelezeza! Kwa ivyoho mtazalahwa masa yezinka ya wenyu. We ukiwa ni nywiyo watabaluwangwa na Mafaliseyo! Mwahemba inywi, kwa kuti mwaanga na kuomboka bahali na shi, kangwe mγalushe muntu muṅwe mhina; kangi akioneka, mwamγalusha ṅwana ywa kuzimu mwemizinka kaili! We ukiwa ni nywiyo vilongolezi vifilevyo mesho! Kwa kuti mwaγamba: Muntu akikilisha na vikilongwa, nkavina mbuli; miya akikilisha na zahabu ya vikilongwa atakola masa. Mu wababashi, kangi mu matuntu! Hambu vikulu ni vihi? Zahabu hambu vikilo jeinka zahabu utana? Vituhu mwaγamba: Muntu akikilisha na okelo ja ṅombe za mviko, nkavina mbuli; miya akikilisha na ṅombe ya mviko yekomelwa mumo atakola masa. Mu wababashi, kangi mu matuntu! Hambu vikulu ni vihi? Ṅombe ya mviko ao okelo jeinka ṅombe ya mviko utana? Mwekilisha na okelo ja ṅombe za mviko akilisha najo ṅwenye haṅwe na vyoshe vye mumo. Mwekilisha na vikilonngwa akilisha najo ṅwenye haṅwe na yuja mweikala mumo. Mwekilisha na lwingu akilisha na kitingwa cha Mulungu haṅwe na yuja mwechiikaila. We ukiwa ni nywiyo watabaluwangwa na Mafaliseyo! Mwahemba inywi, kwa kuti ngoγwe na ntunduja na mpilipili mwazilavya fungu ja kumi, miya viya vye ntoγo vya mulomongwa mwavileka du, milahile ya masa na mifile ya mbazi na mitozesheze yeagiza. Inu anga mwaibasha haṅwe na kusheleka viya. Mu vilongolezi vifilevyo mesho! Mbu mwaishwa, miya ngameya mwaimeza! We ukiwa ni nywiyo watabaluwangwa na Mafaliseyo! Mwahemba inywi, kwa kuti vinywelo na vijiilo muvichunta se, miya uko ndai viigisize mumpa na usaba! Iwe Faliseyo u tuntu! Bosi anachunta kinywelo uko ndai, vikibinda chidahechuntiγwa hata se! We ukiwa ni nywiyo watabaluwangwa na Mafaliseyo! Mwahemba inywi, kwa kuti mwafanana na mbila zihambiγwezo, zikiolelwa vye se ziyatama, miya uko ndai ziimemile mavuha ya wafilewo na usaba woshe! Vivyoho hata inywi, wantu wakimiolela, muvyooniγwa, mwafanana, viya mu watanda, miya uko ndai mwe myoyo yenyu mwigisize mihembo na ubezi wa mulomongwa. We ukiwa ni nywiyo watabaluwangwa na Mafaliseyo! Mwahemba inywi, kwa kuti mwazenga mbila za wateγanyingwa, kangi mwahamba mazikilo ya watanda, mwaγamba: Ati ishwi ne tii haho mishi ija ya wababa zetu, anga nkativangane nawo mwe iyo mbuli ya kukoma wateγanyingwa. Ivyoho mwakilongela uwona, kuti mu wana wa waja wakomilewo wateγanyingwa. Lushe memezai kihimo cha waishe zenyu! Mu nyoka, mu wana moma! Nemnyilike zeze masa ya kushindikwa na kuzimu? Ne vyelongwa kuti: Imi natuma kwenyu wateγanyi na watalizi na walabaluwangwa, kuṅwe nemuwakome na kuwaamba mwe miti, kuṅwe mlawatowa mwe mavikilo yenyu, vikibinda mtawaγulusha mwe kila muzi, ndimo waingile, kangwe mwingile mwe masa yoshe ya mpome ya watanda iitilweyo kunu shi, kuandiila kwe mpome ya Abeli, hambu ne ai mtanda, mpaka kwe mpome ya Zakaliya, ṅwana Balakiyo, mumkomileye haja he vikilo na he okelo ja ṅombe za mviko gati. Kweli namiti: Inu mbali yenyu neilahwe aya masa yoshe.

Yelusalemu! Yelusalemu! Wakoma wateγanyingwa watumiγwewo na kwako, wawahomela mawe! Ni kangahi, nikikunda kuunganyanya wanawo, sa viyaho nguku ivyounganyanya visiyo mwe mawawa yakwe? Miya inywi mzalemela! Shivyo, nyumba zenyu neziashiγwe mahuzu! Kweli namiti: Nkezemkeniona kuandiila ivi lushe, mpaka ndiho mulonge: Atogolwe mweiza mwe zina ja Zumbe!

Kuula Mateyo 23