Jenɨzɨzɨ 49
49
Jaikopɨ “Nyɨbwaalɨvava sara yɨpɨ'de sara wɨdɨma!” daka wɨjaa'.
(49:1-28)
1-28“Nyɨbwaalɨvava kumɨnyɨne wiade'na wɨjɨwaakɨma!” daka Jaikopɨ gawaalɨvavaavɨ “Jɨkabila!” jaka wɨdɨna ya'. Wɨdɨna kya' yuyara wɨlɨna kya' Jaikopɨ wɨdɨna
“Ruvanɨ, nɨmɨre sɨraangeigɨnyɨra. Nɨmɨre a'mwevɨ kwala maaragɨnya'na kutabanyaigɨ yɨma'nyɨna jɨtheigɨnyɨra.
Sɨmɨyanɨjɨ Livaalyɨ saraaihi sɨnna tɨka wɨda'daasɨ a'mwe yagɨmaayaraavɨ tamakagɨlya'na Yɨzɨrelɨmɨreraayaba pɨba pɨba mwalamarina yɨpɨ'derera kɨrɨmɨrera.
Juthai, ja'mwera yɨlaaya gɨmaripɨ'derera. Nabaai wawɨnya gɨthaayadɨvɨsara yɨma'nɨpɨ'derera. Gɨmɨre yɨkamaangera gɨmɨnyɨne lɨkaanya wɨpɨ'dera. Juthai malakayaawaryaibɨsai laayonɨyaibɨsalyɨra. Jutharera kuna maremwaaina yadaapi Gamɨrei kwaamu'nanyagaa' maremwaaidei bathelyɨra. A'mwe pɨba pɨbanyara wɨ'napɨjɨ gamɨre yagaalya' sara yɨpɨ'delyɨra. Yɨsɨla naanga wa'daawojɨ waburya'na maranadengɨra Juthai.
Sevulanɨ aalɨbumaangevɨ mwaaladelyɨra.
Yɨzakaai gannya yagɨnya dɨragɨnyai kwaaka tewaanyaba mwaalɨna yadei wawɨnya naanga yɨna yadelyɨra.
Denɨ kotɨyavɨ yawɨbwa'dei gamɨrera yagaaihɨwɨnya dathelyɨra. Gamɨzai tusavɨ naawɨnaanyai mwaalɨkeibɨsalyɨra.
Gethɨyarɨ yɨkamaangera ‘Tamaana!’ dapi wɨlaabapɨjɨ dɨvi lɨkaanya wodaapi Gethɨyai tamadelyɨra.
Azai wapaaya tewaanya wa'devanyai a'mwe naangera maremwaaidɨvɨsaraavɨne wapaaya sa wɨmaarina yadelyɨra.
Napɨtalaai namaannya kaanyɨve'na wodeibɨsalyɨ. Gamɨ yagaala nayaa makabathelyɨ Napɨtalaai.
Jozepɨyai yɨta sinakeibɨsalyɨra. Padɨvɨsara gamɨnyɨna mwata yevɨnna, Gotɨyai mwaryagɨnyavɨ gamɨre asawaai dɨragɨnyabwi wina yadei. Nemɨre Gotɨyai dɨragɨnyai yuyagaa' yuyagaa' tewaanna wiadelyɨra.
Bejaminɨ kavɨjɨlɨkei tɨka da'deibɨsalyɨra.” Jaikopɨ sara wɨdɨna ya'.
29-33(-)
Actualmente seleccionado:
Jenɨzɨzɨ 49: byr
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2013, Wycliffe Bible Translators, Inc. All rights reserved.
