A-pûn Awang 6
6
Dowuî Díng É Hkyô
1Myìdàm htoq má, xângzo byu pé myô jàt lò kômù, byìzô pé lé le hku bum akô nghut ri. 2Haú hkûn, Garai Gasâng é yùqzô pé#6:2 Garai Gasâng é yùqzô pé gâ é gi, Garai Gasang eq sêng é mauhkûng zô pé lé gâ é nghut lhê. gi, xângzo byu pê é byìzô pé yúng bum é lé myàng kôjáng, haú bang mâ é, yhángmòq o é lé hkyin yù mù, hâng yu bum akô nghut ri. 3Haû mù, haû Yhûmsîng Garai gi, “Xângzo byù gi, htên byùq sê é gùngsho nghut é yánmai, Ngá é Sô gi, yhâng chyáng ahtum abyùq nyi nyì râ a nghut lo; yhâng é chyungxe i-pyàt gi, 120 zàn za nghut râ nghut lhê.” ga taî ri.
4Buìnyì haú yòq pé má le, hau htâng má le, Nehpilim#6:4 Nehpilim gâ é gi, kô myhâng luî, wum-o a-tsam mó bò bang lé gâ é nghut lhê. gâ é bang myìdàm htoq má nyi akô; Garai Gasâng é yhang zô pé gi, xângzo byu pê é byìzô pé eq nyì zo kôluî, zodù wó bum akô nghut ri. Haú bang gi, góhkun lhê é sarhê mó pé eq myìng hû é bang nghut akô.
5Haû Yhûmsîng Garai gi, myìdàm htoq má xângzo byù hkâ-í yhang agè ashop é hkyô lé le, yhâng é i-myìt mai myìt é hkyô hkat hkangmó, hkâ-nhám le ashop é baú nghut é lé le, myàng ri. 6Haú hkûn, haû Yhûmsîng Garai gi, myìdàm htoq má xângzo byù hpan tô é lé nùngngham wó mù, myìt no byùq bê nghut ri. 7Haû mù, “Ngò gi, Ngò hpan tô é waxâng zo wuî lé, myìdàm htoq mai chyut lhoqhtûm pyám râ nghut lhê; byù lé le, gaunyhaû pé lé le, myì htoq má dô yê é jung pé lé le, maulat nghoqzô pé lé le, lhoqhtûm pyám râ nghut lhê; hkâsu mù gâ le, Ngò, yhángmòq lé hpan tô é nghut luî, nùngngham wó ri.” ga, haû Yhûmsîng Garai taî ri. 8Nghut kôlhang, No-aq gi, haû Yhûmsîng Garaî é myòq hí má, myòqdong wó é sû nghut ri.
9A-ô má kâ xûm tô é gi, No-aq é hkyô nghut lhê.
No-aq gi, díngmán sû, yhâng é i-pyàt mâ é byu pé má mara hûn jang a jòq é sû eq, Garai Gasang eq rahá nyì yàp é sû nghut ri. 10No-aq gi, yùqzo sum yuq wó ri; haú bang gi, Shem, Ham eq Yahpet pé nghut akô.
11Ahkuî, haû myìdàm htoq gi, Garai Gasâng é hí má, myìt gang bo bùm bekô nghut é htoq agó, lú lhum bàt zìk hkyô baú byíng zan tô ri. 12Garai Gasang gi, myìdàm htoq má, myìt gang mó bo bùm kô é hkyô lé myang ri; hkâsu mù gâ le, myìdàm htoq má, byù lhúnglhâng bang gi, yhûmsîng kut é hkyô má myìt gang bo bum é bang chyat dùt byùq bekô nghut ri. 13Haû mù, Garai Gasang gi, No-aq lé, “Ngò gi, byù lhúnglhâng bang lé lhoqhtûm pyám berâ; hkâsu mù gâ le, yhángmòq é yánmai, myìdàm htoq má lú lhum bàt zìk hkyô byíng zan to bê nghut ri. Ngò gi, gè gè yhang, yhángmòq lé le, myìdàm htoq lé le, lhoqhtên pyám râ nghut lhê. 14Haû mù, náng é matú, gohpera#6:14 Gohpera gâ é lé, Hebre dông haî lé gâ é hkyak a sé. sik èq wuìsanghpo ralhum saí aq; ahkaû má wàp pé saí mù, ahkaû shut le, shinggan shut le, sikgyi bùt to aq. 15Haú lé, nàng shí dông saí aq; haû wuìsanghpo gi, hîng hpyang 300 dúng, làm hpyang 50 dúng, myhâng hpyang 30 dúng kut àq. 16Wuìsanghpo hkûnghpaú má, radúng lhoqmyhang é myòqmyàng hkohot hkum htong aq; wuìsanghpo xêwâm má gi, hkum htông to luî, wuìsanghpo lé, a-o pyâm, gyorô pyâm eq ahtoq pyâm kut saî to aq. 17Ngò gi, mauhkûng ô mâ é kângsoq bo é jung bànshoq lé le, myìdàm htoq má nyi é, kâng bo é jung hkangmó lé le, lhoqhtên pyám râ matú, dowuî díng nhâng râ nghut lhê. Myìdàm htoq mâ é jung hkang jung mó gi, htên byòq byùq râ nghut lhê. 18Nghut kôlhang, Ngò gi, nàng eq dangshikaq to râ nghut mù, nàng gi, nungmyi, nungzô nhik wuî eq yháng nhiktâng wui é yhûmsîng myhî pé le mù, wuìsanghpo haú má wàng râ lhê. 19Nàng gi, kângsoq bo é dui jung lhúnglháng lé, azìng alo razúm zúm kut luî, wuìsanghpo haú má shuî háng mù, haú pé lé, nàng eq rahá kângsoq dui nyì nhâng râ dùt lhê. 20Nghoq a-myû hkangmó mâ é, gaunyhaú a-myû hkangmó mâ é, myigùng htoq mâ é dô yê é jung a-myû hkangmó mâ é razúm zúm, kângsoq wó dui nyì râ matú, náng chyáng lé lô kôrâ nghut lhê. 21Nàng gi, zo râ matú zoshuq jung hkangmó lé yù mù, náng é matú le, haú bâng é matú lé hkong to râ dùt lhê.” ga taî ri.
22No-aq gi, Garai Gasang mai yhang lé hkunmó hkyô é eq rajung za, jung hkangmó lé kut bê nghut ri.
Actualmente seleccionado:
A-pûn Awang 6: znot
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2025, Wycliffe Bible Translators, Inc.
