GENESIS 36
36
I p'olbalob Esaú
(1 Cr. 1.34-54)
1Jiñobʌch i p'olbal Esaú, i cha'chajplel i c'aba' Edom. 2-3Esaú tsi' pʌyʌ cha'tiquil i yijñam ch'oyolo' bʌ ti Canaán: Ada (i yalobil Elón jini xheteo), yic'ot Aholibama (i yalobil Aná; jini Aná i yalobilʌch Zibeón jini heveo). Tsi' pʌyʌ ja'el Basemat (i yalobil Ismael; jini Basemat i yijts'iñʌch Nebaiot). 4Ada tsi' yʌc'ʌ ti pañimil Elifaz, i yalobil Esaú. Basemat tsi' yʌc'ʌ ti pañimil Reuel. 5Aholibama tsi' yʌc'ʌ ti pañimil Jeús yic'ot Jaalam yic'ot Coré. Jiñobʌch ch'iton bʌ i yalobilob Esaú tsa' bʌ i yilayob pañimil ti' lumal Canaán.
6Esaú tsi' pʌyʌ majlel i yijñamob yic'ot ch'iton bʌ i yalobilob yic'ot xch'oc bʌ i yalobilob yic'ot pejtel año' bʌ ti' yotot yic'ot tiñʌme' tac yic'ot cabʌl alʌc'ʌl yic'ot pejtelel i chubʌ'an tsa' bʌ i taja ti' lumal Canaán. Tsa' majli ti yambʌ lum. Ñajt tsi' cʌyʌ Jacob i yijts'in. 7Come on i chubʌ'an ti cha'ticlel. Ma'anic tsa' mejli ti comol chumtʌl. Mach jasʌlic jini lum ba' tsa' poj ajniyob, come cabʌl i yʌlac'. 8Esaú tsa' chumle ti wits i c'aba' Seir. Edom jiñʌch i cha'chajplel bʌ i c'aba' Esaú.
9Jini edomob i p'olbalob Esaú. Esaú i tatʌch jini edomob año' bʌ ti wits i c'aba' Seir. 10-12I p'olbalob Esaú jiñobʌch:
Elifaz i yalobil Ada i yijñam Esaú, yic'ot Reuel i yalobil Basemat i yijñam Esaú. I yalobilob Elifaz jiñobʌch: Temán, Omar, Zefo, Gatam, Cenaz. Jini Timna i yijñam Elifaz, i yalobil bʌ Esaú tsi' yʌc'ʌ ti pañimil Amalec i yalobil Elifaz.
13Añʌch ja'el ch'iton bʌ i yalobilob Reuel: Nahat, Zera, Sama, Miza. Jiñobʌch i yalobilob Basemat i yijñam Esaú. 14Añʌch ja'el ch'iton bʌ i yalobilob Aholibama, yambʌ i yijñam Esaú, x'ixic bʌ i yalobil Aná. Jini Aná i yalobilʌch Zibeón. Aholibama tsi' yʌc'ʌ ti pañimil Jeús yic'ot Jaalam yic'ot Coré i yalobilob Esaú.
15-16Jini yumʌlob loq'uemo' bʌ ti Esaú:
Elifaz jini ascuñʌl bʌ i yalobil Esaú, Temán, Omar, Zefo, Cenaz, Coré, Gatam, Amalec. Jiñobʌch jini yumʌlob tilemo' bʌ ti Elifaz año' bʌ ti' lumal Edom. Jiñobʌch i p'olbalob Ada.
17Laj yumʌlob i p'olbalob Reuel i yalobil Esaú: Nahat, yic'ot Zera, yic'ot Sama, yic'ot Miza. Jiñobʌch i yalobilob Esaú yic'ot Basemat tsa' bʌ i yilayob pañimil ti Canaán. 18Jini ch'iton bʌ i yalobilob Esaú yic'ot Aholibama (i yixic'al Aná): Jeús, Jaalam, Coré. 19Jiñobʌch i yalobilob Esaú. Ti pejtelelob yumʌlob ti Edom.
20-21I p'olbal Seir, jini horeo, jiñobʌch: Lotán, Sobal, Zibeón, Aná, Disón, Ezer, Disán. Jiñobʌch yumʌlob horeojob chumulo' bʌ ti' lumal Edom. 22I yalobilob Lotán jiñobʌch Hori yic'ot Hemam. Jini xch'oc bʌ i yijts'in Lotán jiñʌch Timna.
23I yalobilob Sobal: Alván, Manahat, Ebal, Sefo, Onam. 24I yalobilob Zibeón: Aja yic'ot Aná. Jiñʌch Aná tsa' bʌ i taja ticʌw bʌ cuxul bʌ ja' ti tiquin bʌ lum che' bʌ tsi' buc'sa burro tac i cha'an Zibeón i tat. 25I yalobilob Aná: Disón yic'ot Aholibama. 26I yalobilob Disón: Hemdán, Esbán, Itrán, Querán. 27I yalobilob Ezer: Bilhán, Zaaván, Acán. 28I yalobilob Disán: Huz yic'ot Arán. 29Laj yumʌlob ti' tojlel horeojob: Lotán, yic'ot Sobal, yic'ot Zibeón, yic'ot Aná, 30yic'ot Disón, yic'ot Ezer, yic'ot Disán. Jiñobʌch yumʌlob ti' tojlel horeojob año' bʌ ti' lumal Seir. Jiñobʌch i c'aba' yumʌlob ti jujuntiquil.
31An ja'el reyob año' bʌ i ye'tel ti' lumal Edom che' maxto anic i yumob i yalobilob Israel:
32Bela i yalobil Beor tsi' cha'le yumʌl ti tejclum i c'aba' Dinaba ya' ti Edom. 33Tsa' chʌmi Bela. Jobad, i yalobil Zera ch'oyol bʌ ti Bosra, tsi' ch'ʌmbe i ye'tel Bela. 34Tsa' chʌmi Jobab. Husam ch'oyol bʌ ti' lumal Temán tsi' ch'ʌmbe i ye'tel Jobab. 35Tsa' chʌmi Husam. Hadad (i yalobil Bedad) tsi' ch'ʌmbe i ye'tel. Jiñʌch Hadad tsa' bʌ i mʌlbe Madián ya' ti Moab. Tsi' cha'le yumʌl ti jini tejclum i c'aba' Avit. 36Tsa' chʌmi Hadad. Samla ch'oyol bʌ ti Masreca tsi' ch'ʌmbe i ye'tel Hadad. 37Tsa' chʌmi Samla. Saúl ch'oyol bʌ ti Rehobot tsi' ch'ʌmbe i ye'tel Samla. 38Tsa' chʌmi Saúl. Baal Hanán i yalobil Acbor tsi' ch'ʌmbe i ye'tel Saúl. 39Tsa' chʌmi Baal Hanán. Hadar tsi' ch'ʌmbe i ye'tel Baal Hanán. Tsi' cha'le yumʌl ti jini tejclum i c'aba' Pau. I yijñam jiñʌch Mehetabel, x'ixic bʌ i yalobil Matred, x'ixic bʌ i yalobil Mezaab.
40-43Jiñobʌch i c'aba' tac yumʌlob loq'uemo' bʌ ti Esaú chumulo' bʌ ti jujump'ejl tejclum. Chucul ja'el i c'aba' tac tejclum ba' tsi' cha'leyob yumʌl jini yumʌlob: Timna, yic'ot Alva, yic'ot Jetet, yic'ot Aholibama, yic'ot Ela, yic'ot Pinón, yic'ot Cenaz, yic'ot Temán, yic'ot Mibzar, yic'ot Magdiel, yic'ot Iram. Jiñobʌch yumʌlob loq'uemo' bʌ ti Edom ti jujump'ejl xchumtʌl ya' ti' lumal. Esaú i tatʌch edomob.
Actualmente seleccionado:
GENESIS 36: ctuBI
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 1977, Wycliffe Bible Translators, Inc. All rights reserved.