Sawal la kal teglesa 6
6
1Yuguneina a djobot ala:
Ta djif heîd’a,
ma ndak le kam heîna, mi i ni lara ge?
Ma ndak huruk vum heîna, mi i nabo ma lara ba,
ei i haleizi d’ang nge?
(Ndad’u)
2Ti dala:
Ma an le kam heîna,
mi i kur asinem ma a pe agu
ma his ma afufuîna kua tetengâ
á pol tumiyô mama hur asinena,
á dut tamasa mi.
3Ma an le kam heîna ni mana,
an ni mamba mi,
mi nga mi pol tumiyô mama aduk tamasa.
Sawal la vahla
(6.4—7.11)
Zla d’a yam mba an le kat heîd’a
(Mamu)
4Mi dala:
Ndak ka an hurun vak heîd’a,
ndak djivî d’igi azì ma ngol ma Tirsa-na na,
ndak djivî d’igi Jerusalem na mi,
wani nda’î vama mandarâ d’igi azigarâ
a nga tok ad’u drapo mazid’a na mi.
5Ndak mbuttcha irak keyo,
kayam nga d’i djiwin akulo.
Tumus sa kaka ti ni d’igi
ades b’ogei suma a nga i sulugota kä
á i yam ahina d’a Galät-tina na.
6Siyak mi hapa ni d’igi
ades tumiyô suma a buzugï woi
aduk mbina ata yima mbusina na.
A nga tit ki b’oziyozina kakap
ma ar kalena nga d’i.
7Agozlok mi djifâ krovo kur baru mak ka zlupa kaka
d’igi abo vud’agu grenatna na.
8Aropma hamulîna a ni dok karagaya,
arop suma gureina hamulîna a ni dok klavandi,
yuguneina hamulîna a ndak nga á ndumba d’uo mi.
9Wani gugu manda, ti ni vat tu.
Ndjondjoî manda, ti nabo asut vat tu,
ni d’a ta vud’uta ti le kat heîd’a.
Yuguneina a golod’u, a nga dala:
Ar va mi lak ki!
Aropma hamulîna kamiyôm suma gureina
a nga gilet mi, a nga dala:
10Ni nge ndata ba,
ti ndei d’igi yima fod’a na,
ti djifâ d’igi tilâ na,
ti wile d’igi afata na,
ti ni vama mandarâ
d’igi azigar suma a nga tok ad’u drapo mazid’ina na ge?
11An nga ni i kur asine ma a pe agu nowana kuana
á gol agu ma deî awili kur horina,
á we na ni guguzlud’a nga d’i gat tchu?
D’oze agu grenatna nga mi b’o zu?
12An we d’uo, wani djib’er manda
ni d’igi an nga ni kur pus ma dur ayîna na.
(Aropma ki yuguneina)
Actualmente seleccionado:
Sawal la kal teglesa 6: BA
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.
Sawal la kal teglesa 6
6
1Yuguneina a djobot ala:
Ta djif heîd’a,
ma ndak le kam heîna, mi i ni lara ge?
Ma ndak huruk vum heîna, mi i nabo ma lara ba,
ei i haleizi d’ang nge?
(Ndad’u)
2Ti dala:
Ma an le kam heîna,
mi i kur asinem ma a pe agu
ma his ma afufuîna kua tetengâ
á pol tumiyô mama hur asinena,
á dut tamasa mi.
3Ma an le kam heîna ni mana,
an ni mamba mi,
mi nga mi pol tumiyô mama aduk tamasa.
Sawal la vahla
(6.4—7.11)
Zla d’a yam mba an le kat heîd’a
(Mamu)
4Mi dala:
Ndak ka an hurun vak heîd’a,
ndak djivî d’igi azì ma ngol ma Tirsa-na na,
ndak djivî d’igi Jerusalem na mi,
wani nda’î vama mandarâ d’igi azigarâ
a nga tok ad’u drapo mazid’a na mi.
5Ndak mbuttcha irak keyo,
kayam nga d’i djiwin akulo.
Tumus sa kaka ti ni d’igi
ades b’ogei suma a nga i sulugota kä
á i yam ahina d’a Galät-tina na.
6Siyak mi hapa ni d’igi
ades tumiyô suma a buzugï woi
aduk mbina ata yima mbusina na.
A nga tit ki b’oziyozina kakap
ma ar kalena nga d’i.
7Agozlok mi djifâ krovo kur baru mak ka zlupa kaka
d’igi abo vud’agu grenatna na.
8Aropma hamulîna a ni dok karagaya,
arop suma gureina hamulîna a ni dok klavandi,
yuguneina hamulîna a ndak nga á ndumba d’uo mi.
9Wani gugu manda, ti ni vat tu.
Ndjondjoî manda, ti nabo asut vat tu,
ni d’a ta vud’uta ti le kat heîd’a.
Yuguneina a golod’u, a nga dala:
Ar va mi lak ki!
Aropma hamulîna kamiyôm suma gureina
a nga gilet mi, a nga dala:
10Ni nge ndata ba,
ti ndei d’igi yima fod’a na,
ti djifâ d’igi tilâ na,
ti wile d’igi afata na,
ti ni vama mandarâ
d’igi azigar suma a nga tok ad’u drapo mazid’ina na ge?
11An nga ni i kur asine ma a pe agu nowana kuana
á gol agu ma deî awili kur horina,
á we na ni guguzlud’a nga d’i gat tchu?
D’oze agu grenatna nga mi b’o zu?
12An we d’uo, wani djib’er manda
ni d’igi an nga ni kur pus ma dur ayîna na.
(Aropma ki yuguneina)
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.