Jeremi 28
28
Jeremi ki ma djok vuna Hananiya
1Kur biza ndata tata, kid’a Sedekiyas amul ma Juda-na mi tin ad’ud’a á tamula kur til ma vahlâ hi bizad’a fid’id’id’a, Hananiya Azur goroma, ni ma djok vun ma Gabawon-na, mi dan zlad’a kur gong nga kud’ora hi Ma didinid’a avok suma ngat buzuna kablau suma petna ala: 2Ma didin ma ad’engêm kal petna, Alona hi Israel-lîna, mi dala: An kus dju’â hamul ma Babilon-nina woyo! 3Ar bizad’a mbà an mba ni hulongî ahle suma kur gong man nda kud’ora suma amul ma Babilon mi yozi ka hî mi i ki sed’ezi Babilon-na. 4Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.
5Ata yi máma ma djok vun Alona Jeremi mi hulong zla d’a ded’a mi ma djok vuna Hananiya avok suma ngat buzuna, avok ablau suma pet suma a nga kur gong nga kud’ora hi Ma didinid’ina. 6Mi dala: Amin! Ar Ma didina mi le hina, ar mi ndak vun zla d’a ang djogot teid’a, ar mi mba kahle suma kur gong mam mba kud’orina ki suma pet suma a yozi magombina ka hî! 7Wani ang hum zla d’a an nga ni dat mi ang kablau suma petnid’a. 8Suma djok vun suma a mba avoreina a djok vuna yam ambasa ablaud’a, yam leu d’a nglod’a ala: Ayî ma durâ, baktarad’a ki tugud’ei d’a tcho d’a tchi matna a nga mba. 9Wani le ma djok vuna mi djok vuna yam b’leng nga halasa ni, suma a mba wala Ma didina mi sunumï ni mam gagazi ni fata zla d’a mam djok vuna kata ti led’a.
10Ata yi máma ma djok vuna Hananiya mi hle dju’â woi kel ma djok vun Alona Jeremi, mi kuzum mbeyo. 11Hananiya mi de zlad’a avok suma pet ala: Ma didina mi dala: Ar bizad’a mbà an mba ni kus dju’â hi Nebukanezar amul ma Babilon-na woi kel andjaf suma pet. Ata yi máma ma djok vun Alona Jeremi mi ge tam mi hle lovot mamba.
12Wani bugol la ma djok vuna Hananiya mi kus dju’â woi kel Jeremi kusa, Ma didina mi de mi Jeremi ala: 13Ang i de mi Hananiya ala: Ma didina mi dala: Ang kus wa djuk ma aguna woyo, wani ang vrak ma kaweina balumu.
14Jeremi mi de kua ala: Ma didin ma ad’engêm kal petna, Alona hi Israel-lîna, mi dala: An nga ni ge djuk ma kaweina kel andjaf suma wana pet. A mba le sunda mi Nebukanezar amul ma Babilon-na. An mba ni hum azurei suma abageina abom mi.
15Ma djok vun Alona Jeremi mi de mi ma djok vuna Hananiya kua ala: Hananiya, ang huma! Ma didina mi sunungî nga d’i, wani ang nga zut suma á tin huruzi yam zla d’a kad’a. 16Ni kayam ndata ba, Ma didina mi dala: Gola! An nga ni diging ngei yam andagad’a ka hî, ang mba mit atchugoni, kayam ang de zla d’a kak djangûna ki an Ma didinina.
17Ma djok vuna Hananiya mi mit kur biza ndata, kur til ma kid’iziyana.
Actualmente seleccionado:
Jeremi 28: BA
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.
Jeremi 28
28
Jeremi ki ma djok vuna Hananiya
1Kur biza ndata tata, kid’a Sedekiyas amul ma Juda-na mi tin ad’ud’a á tamula kur til ma vahlâ hi bizad’a fid’id’id’a, Hananiya Azur goroma, ni ma djok vun ma Gabawon-na, mi dan zlad’a kur gong nga kud’ora hi Ma didinid’a avok suma ngat buzuna kablau suma petna ala: 2Ma didin ma ad’engêm kal petna, Alona hi Israel-lîna, mi dala: An kus dju’â hamul ma Babilon-nina woyo! 3Ar bizad’a mbà an mba ni hulongî ahle suma kur gong man nda kud’ora suma amul ma Babilon mi yozi ka hî mi i ki sed’ezi Babilon-na. 4Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.
5Ata yi máma ma djok vun Alona Jeremi mi hulong zla d’a ded’a mi ma djok vuna Hananiya avok suma ngat buzuna, avok ablau suma pet suma a nga kur gong nga kud’ora hi Ma didinid’ina. 6Mi dala: Amin! Ar Ma didina mi le hina, ar mi ndak vun zla d’a ang djogot teid’a, ar mi mba kahle suma kur gong mam mba kud’orina ki suma pet suma a yozi magombina ka hî! 7Wani ang hum zla d’a an nga ni dat mi ang kablau suma petnid’a. 8Suma djok vun suma a mba avoreina a djok vuna yam ambasa ablaud’a, yam leu d’a nglod’a ala: Ayî ma durâ, baktarad’a ki tugud’ei d’a tcho d’a tchi matna a nga mba. 9Wani le ma djok vuna mi djok vuna yam b’leng nga halasa ni, suma a mba wala Ma didina mi sunumï ni mam gagazi ni fata zla d’a mam djok vuna kata ti led’a.
10Ata yi máma ma djok vuna Hananiya mi hle dju’â woi kel ma djok vun Alona Jeremi, mi kuzum mbeyo. 11Hananiya mi de zlad’a avok suma pet ala: Ma didina mi dala: Ar bizad’a mbà an mba ni kus dju’â hi Nebukanezar amul ma Babilon-na woi kel andjaf suma pet. Ata yi máma ma djok vun Alona Jeremi mi ge tam mi hle lovot mamba.
12Wani bugol la ma djok vuna Hananiya mi kus dju’â woi kel Jeremi kusa, Ma didina mi de mi Jeremi ala: 13Ang i de mi Hananiya ala: Ma didina mi dala: Ang kus wa djuk ma aguna woyo, wani ang vrak ma kaweina balumu.
14Jeremi mi de kua ala: Ma didin ma ad’engêm kal petna, Alona hi Israel-lîna, mi dala: An nga ni ge djuk ma kaweina kel andjaf suma wana pet. A mba le sunda mi Nebukanezar amul ma Babilon-na. An mba ni hum azurei suma abageina abom mi.
15Ma djok vun Alona Jeremi mi de mi ma djok vuna Hananiya kua ala: Hananiya, ang huma! Ma didina mi sunungî nga d’i, wani ang nga zut suma á tin huruzi yam zla d’a kad’a. 16Ni kayam ndata ba, Ma didina mi dala: Gola! An nga ni diging ngei yam andagad’a ka hî, ang mba mit atchugoni, kayam ang de zla d’a kak djangûna ki an Ma didinina.
17Ma djok vuna Hananiya mi mit kur biza ndata, kur til ma kid’iziyana.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.