Isai 53
53
1Ni nge ba, mi he gagazid’a yam zla d’a ami tchat walata ge?
Ni nge ba, Ma didina mi tagam ad’eng mamba ge?
2Mi wul avoromî d’igi agu ma mi deî awilina na,
d’igi agu ma mi deî yam andaga d’a sod’ina na mi.
Mi nga ki djif foze mi wile tala ei golomu d’a d’i,
iram mbi nga djivid’a á togei irei kam á gola d’uo mi.
3Ni ma a golom is a noyôm mbeina mi.
Ni sama kur pupulukina, ni ma hat kur ndakina mi.
Mi hle tamî d’igi sama suma a hle yazi woi kam á golom mbuo na na.
A golom is, ei golomî va d’uo mi.
4Doli na ni mi zi ni ndak meid’a kamu,
mi hle ni pupuluk meid’a kamu,
ei golomî d’igi sama Alona mi ngoboma na,
d’igi ma Alona mi tom mi hulongôm yam kä na na mi.
5Wani mi fe mbilâ yam tcho meid’a,
a mired’emî yam tchila meid’a.
Ni to d’a a tomba ba, ti mbeï ki b’leng nga halasa;
ni kayam duru mamba ba, ei fei ki suta.
6Adjeu ei pet ni d’igi tumiyô suma a vit teina na,
nge nge pî mi tit ni kur lovot mamba.
Ma didina mi tinim tchila meid’a kam pet.
7A kid’eyêm iramu, wani mi ge yam kä,
mi mal nga vunam mbi.
Mi hle tamî d’igi gor timi ma a im ata yima ngatina na,
d’igi timi ma nga tchola mudjuk avok suma tchawama na,
bei mi mal vunam ba.
8A vum kad’enga, a kam sariyad’a kamu,
a kid’eyêm iramu.
Wani ni nge ba, mi djib’er yam zla mamba ata yi máma ge?
A hlum mbei yam andagad’a hi suma a nga ki irazina,
a tom to d’a matna ni yam tchod’a hi sum manid’a.
9A kam zulumî aduk suma asa’atna,
wani a tozomî ki suma ndjondjoîna.
Hina pet pî, mi le nga sa tcho d’i,
a fe nga zla d’a kad’a avunam mbuo mi.
10Ma didina tam lum djivid’a á tom ki ndaka.
Bugol la mi he tam vama ngat buzuna yam tchod’id’a,
mba mi we andjavamu,
burum mba mi i avogovogo,
mba mi i ki minda hi Ma didinid’a avogovok mi.
11Ma didina mi dala: Bugol ndak mamba,
mba mi we vuta hi ndak mambid’a,
tam mba d’i lum djivid’a kad’u.
Yam we mamba azong man ma d’ingêrâ mba mi mbut
suma ablaud’a suma d’ingêrâ,
kayam mi hle tchila mazid’a kamu.
12Ni kayam ndata ba,
an mba ni hum b’rau mamba ki suma nglona.
Mam mba mi b’rau ahle suma a hurumuzï
avun ayînina ki suma sib’ika
kayam mi he tam mbei á matna.
A ndumum zlapa ki suma tchila yam gata,
kayam mi hle tchod’a hi suma ablaud’a kamu,
mi tchen yam suma zlad’a nga kazina mi.
Actualmente seleccionado:
Isai 53: BA
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.
Isai 53
53
1Ni nge ba, mi he gagazid’a yam zla d’a ami tchat walata ge?
Ni nge ba, Ma didina mi tagam ad’eng mamba ge?
2Mi wul avoromî d’igi agu ma mi deî awilina na,
d’igi agu ma mi deî yam andaga d’a sod’ina na mi.
Mi nga ki djif foze mi wile tala ei golomu d’a d’i,
iram mbi nga djivid’a á togei irei kam á gola d’uo mi.
3Ni ma a golom is a noyôm mbeina mi.
Ni sama kur pupulukina, ni ma hat kur ndakina mi.
Mi hle tamî d’igi sama suma a hle yazi woi kam á golom mbuo na na.
A golom is, ei golomî va d’uo mi.
4Doli na ni mi zi ni ndak meid’a kamu,
mi hle ni pupuluk meid’a kamu,
ei golomî d’igi sama Alona mi ngoboma na,
d’igi ma Alona mi tom mi hulongôm yam kä na na mi.
5Wani mi fe mbilâ yam tcho meid’a,
a mired’emî yam tchila meid’a.
Ni to d’a a tomba ba, ti mbeï ki b’leng nga halasa;
ni kayam duru mamba ba, ei fei ki suta.
6Adjeu ei pet ni d’igi tumiyô suma a vit teina na,
nge nge pî mi tit ni kur lovot mamba.
Ma didina mi tinim tchila meid’a kam pet.
7A kid’eyêm iramu, wani mi ge yam kä,
mi mal nga vunam mbi.
Mi hle tamî d’igi gor timi ma a im ata yima ngatina na,
d’igi timi ma nga tchola mudjuk avok suma tchawama na,
bei mi mal vunam ba.
8A vum kad’enga, a kam sariyad’a kamu,
a kid’eyêm iramu.
Wani ni nge ba, mi djib’er yam zla mamba ata yi máma ge?
A hlum mbei yam andagad’a hi suma a nga ki irazina,
a tom to d’a matna ni yam tchod’a hi sum manid’a.
9A kam zulumî aduk suma asa’atna,
wani a tozomî ki suma ndjondjoîna.
Hina pet pî, mi le nga sa tcho d’i,
a fe nga zla d’a kad’a avunam mbuo mi.
10Ma didina tam lum djivid’a á tom ki ndaka.
Bugol la mi he tam vama ngat buzuna yam tchod’id’a,
mba mi we andjavamu,
burum mba mi i avogovogo,
mba mi i ki minda hi Ma didinid’a avogovok mi.
11Ma didina mi dala: Bugol ndak mamba,
mba mi we vuta hi ndak mambid’a,
tam mba d’i lum djivid’a kad’u.
Yam we mamba azong man ma d’ingêrâ mba mi mbut
suma ablaud’a suma d’ingêrâ,
kayam mi hle tchila mazid’a kamu.
12Ni kayam ndata ba,
an mba ni hum b’rau mamba ki suma nglona.
Mam mba mi b’rau ahle suma a hurumuzï
avun ayînina ki suma sib’ika
kayam mi he tam mbei á matna.
A ndumum zlapa ki suma tchila yam gata,
kayam mi hle tchod’a hi suma ablaud’a kamu,
mi tchen yam suma zlad’a nga kazina mi.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.