Isai 48
48
Ma didina nga mi de woi yam ahle suma awilina
1Agi suma hi Jakob suma nga yagi tagi ki simiyê Israel-lîna,
agi suma buzugugi ad’u andjafâ hi Juda-nina,
agi suma nga gunugi tagi ki simiyê Ma didinina,
agi suma nga tchenegi Alona hi Israel-lâ
bei gagazid’a bei d’ingêra ba na,
agi humugiya.
2Agi suma tagi nga lagi zlezleû ala a yagi ala:
Agi ni suma kur azì ma ngol ma a tinim iram vama na,
agi suma dengêgi tagi yam Alona hi Israel-lâ
ma a yum ala Ma didin ma ad’engêm kal petna na,
agi humugiya.
3An dagi adjeu dei yam ahle suma kalâ,
an hlagi vunanu, an dagi woi kazi mi.
Atogo hina zak an laziya, azi le mi.
4Wani an we agi ni suma yam mba ad’enga,
agi ni suma delegi ad’enga
d’igi kawei ma wurana na na,
agi ni suma vorogi ad’enga
d’igi kawei ma hleuna na na mi.
5Ni kayam ndata ba, an dagi wa woi
yam ahle suma a mba le ndazina.
An dagi woi kazi avok bei azi le
tala agi mba dagi ala: Ni filei mana ba, mi laziya,
d’oze ni filei ma an tched’ema d’oze ni filei ma an yoroma ba,
mi hazi vuna d’a d’uo mi.
6Agi humugiya! Agi djib’eregi yam ahle ndazina.
Agi ndak á dagi woi kazi d’uo zu?
Ki tchetchemba, an nga ni dagi woi
yam ahle suma awili suma a nga ngeid’a suma agi wazi nga d’uo na.
7Nga nahle suma adjeuna d’i.
Ki tchetchemba, a nga le.
Ni suma agi humuzi zlazi adjeu deina ba,
agi mba dagi ala agi wazi dä d’i.
8Wani agi humugi nga d’i,
agi min wagi ad’ud’a d’i,
agi djib’eregi nga d’uo mi.
An wagi agi ni suma mbut ira ki vut magid’a dei,
a yagi ala suma tchila yam gata mi.
9Wani ni kayam simiyên ba, an d’el vun ayî mana;
ni yam gile d’a ndak kan á giled’id’a ba,
an ve tan kagi tala an dabagi woi d’uo d’a.
10An yorogiya, wani nga ni d’igi suma
a yor kawei ma hapma na d’i.
An yorogi ni pad’agi woi ni kur ndaka.
11Ni yam o manda, ni yam o manda ba,
an min lahle ndazina.
Ni kayam me ba, simiyên mbut ndjendjed’a ge?
An nga ni he subur manda mi sama ding ngi.
Sama mba mi ndak vun nga hurâ hi Ma didina
12Ma didina mi de kua ala:
Agi Israel suma hi Jakob suma an yagina,
agi humugiya.
An tu ni Ma avo’â, an ni Ma danana mi.
13Ni kabon ba, an gäd’u andagad’a,
an b’eng akulod’a woi kabon ma ndjufâ.
An yaziya;
a tok tu, a mbeï avoronu.
14Agi pet, agi togogiya.
An nga ki banan ma kokodjo
ma mba mi ndak vun nga hur manina.
Mba mi te yam suma Babilon-na kad’eng manda.
Ni nge adigagi ba, mi de woi yam ahle ndazina ge?
Sa nga d’i.
15Anu, an de wa. An yumu, an mbamu;
sun mamba mba d’i labom djivid’a.
16Agi hud’ugï gevenu, agi humugiya.
Kad’u tinda dei an de nga zla d’a ngei gumun ndi.
Kad’u tinda hahle ndazinid’a dei, an nga.
Ki tchetchemba, Salad’a Ma didina
mi sununï zlapa ki Muzuk mama.
Ladjï agi humun ni hum ge!
17Ma didin ma wurak kagi ma tin tam irat vat
kagi Israel-lîna mi dala:
An Ma didina Alo magina,
an nga ni had’agi yam djivi magid’a,
an nga ni tinigi kur lovot ta agi nga tid’igi kuad’a.
18Ladjï agi gagi yagi kä ad’u vun man ma hed’a ni,
b’leng nga halas magid’a mba d’i mbut ni d’igi aluma na!
D’ingêr magid’a mba d’i mbut
ni d’igi abil ma kur alum ma ngolîna na mi.
19Grogi suma kurugina a mba zulî d’igi lesâ na,
grogi ngolona a mba zulî
d’igi les ma avun alum ma ngolîna na mi.
An mba ni hazazi simiyêzi woi d’i,
d’oze an mba ni tchazi simiyêzi woi avoron nduo mi.
Agi buzugugi woi avo Babilon
20Agi buzugugi woi avo Babilon,
agi ringîgi woi aduk suma Kalde-na.
Agi dagi woi ki delegi akulo ki aîd’a,
agi tchagi wal zla ndata woyo,
agi dagizi zlat teyo,
dagizi zlat tei avun dabid’a handagad’id’a,
agi dagi ala: Ma didina mi wurak wa
yam azungeî mam suma hi Jakob-ma.
21Vunazi mba mi so yam andaga d’a so
d’a gangras sa mba mi tinizi kuad’a d’i,
mba mi djangâzi mbina ata ahinad’a,
mba mi wak ahinad’a, mbina mba mi djang ngei mi.
22Ma didina mi dala:
B’leng nga halasa ti nga ni yam suma asa’atna d’i.
Actualmente seleccionado:
Isai 48: BA
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.
Isai 48
48
Ma didina nga mi de woi yam ahle suma awilina
1Agi suma hi Jakob suma nga yagi tagi ki simiyê Israel-lîna,
agi suma buzugugi ad’u andjafâ hi Juda-nina,
agi suma nga gunugi tagi ki simiyê Ma didinina,
agi suma nga tchenegi Alona hi Israel-lâ
bei gagazid’a bei d’ingêra ba na,
agi humugiya.
2Agi suma tagi nga lagi zlezleû ala a yagi ala:
Agi ni suma kur azì ma ngol ma a tinim iram vama na,
agi suma dengêgi tagi yam Alona hi Israel-lâ
ma a yum ala Ma didin ma ad’engêm kal petna na,
agi humugiya.
3An dagi adjeu dei yam ahle suma kalâ,
an hlagi vunanu, an dagi woi kazi mi.
Atogo hina zak an laziya, azi le mi.
4Wani an we agi ni suma yam mba ad’enga,
agi ni suma delegi ad’enga
d’igi kawei ma wurana na na,
agi ni suma vorogi ad’enga
d’igi kawei ma hleuna na na mi.
5Ni kayam ndata ba, an dagi wa woi
yam ahle suma a mba le ndazina.
An dagi woi kazi avok bei azi le
tala agi mba dagi ala: Ni filei mana ba, mi laziya,
d’oze ni filei ma an tched’ema d’oze ni filei ma an yoroma ba,
mi hazi vuna d’a d’uo mi.
6Agi humugiya! Agi djib’eregi yam ahle ndazina.
Agi ndak á dagi woi kazi d’uo zu?
Ki tchetchemba, an nga ni dagi woi
yam ahle suma awili suma a nga ngeid’a suma agi wazi nga d’uo na.
7Nga nahle suma adjeuna d’i.
Ki tchetchemba, a nga le.
Ni suma agi humuzi zlazi adjeu deina ba,
agi mba dagi ala agi wazi dä d’i.
8Wani agi humugi nga d’i,
agi min wagi ad’ud’a d’i,
agi djib’eregi nga d’uo mi.
An wagi agi ni suma mbut ira ki vut magid’a dei,
a yagi ala suma tchila yam gata mi.
9Wani ni kayam simiyên ba, an d’el vun ayî mana;
ni yam gile d’a ndak kan á giled’id’a ba,
an ve tan kagi tala an dabagi woi d’uo d’a.
10An yorogiya, wani nga ni d’igi suma
a yor kawei ma hapma na d’i.
An yorogi ni pad’agi woi ni kur ndaka.
11Ni yam o manda, ni yam o manda ba,
an min lahle ndazina.
Ni kayam me ba, simiyên mbut ndjendjed’a ge?
An nga ni he subur manda mi sama ding ngi.
Sama mba mi ndak vun nga hurâ hi Ma didina
12Ma didina mi de kua ala:
Agi Israel suma hi Jakob suma an yagina,
agi humugiya.
An tu ni Ma avo’â, an ni Ma danana mi.
13Ni kabon ba, an gäd’u andagad’a,
an b’eng akulod’a woi kabon ma ndjufâ.
An yaziya;
a tok tu, a mbeï avoronu.
14Agi pet, agi togogiya.
An nga ki banan ma kokodjo
ma mba mi ndak vun nga hur manina.
Mba mi te yam suma Babilon-na kad’eng manda.
Ni nge adigagi ba, mi de woi yam ahle ndazina ge?
Sa nga d’i.
15Anu, an de wa. An yumu, an mbamu;
sun mamba mba d’i labom djivid’a.
16Agi hud’ugï gevenu, agi humugiya.
Kad’u tinda dei an de nga zla d’a ngei gumun ndi.
Kad’u tinda hahle ndazinid’a dei, an nga.
Ki tchetchemba, Salad’a Ma didina
mi sununï zlapa ki Muzuk mama.
Ladjï agi humun ni hum ge!
17Ma didin ma wurak kagi ma tin tam irat vat
kagi Israel-lîna mi dala:
An Ma didina Alo magina,
an nga ni had’agi yam djivi magid’a,
an nga ni tinigi kur lovot ta agi nga tid’igi kuad’a.
18Ladjï agi gagi yagi kä ad’u vun man ma hed’a ni,
b’leng nga halas magid’a mba d’i mbut ni d’igi aluma na!
D’ingêr magid’a mba d’i mbut
ni d’igi abil ma kur alum ma ngolîna na mi.
19Grogi suma kurugina a mba zulî d’igi lesâ na,
grogi ngolona a mba zulî
d’igi les ma avun alum ma ngolîna na mi.
An mba ni hazazi simiyêzi woi d’i,
d’oze an mba ni tchazi simiyêzi woi avoron nduo mi.
Agi buzugugi woi avo Babilon
20Agi buzugugi woi avo Babilon,
agi ringîgi woi aduk suma Kalde-na.
Agi dagi woi ki delegi akulo ki aîd’a,
agi tchagi wal zla ndata woyo,
agi dagizi zlat teyo,
dagizi zlat tei avun dabid’a handagad’id’a,
agi dagi ala: Ma didina mi wurak wa
yam azungeî mam suma hi Jakob-ma.
21Vunazi mba mi so yam andaga d’a so
d’a gangras sa mba mi tinizi kuad’a d’i,
mba mi djangâzi mbina ata ahinad’a,
mba mi wak ahinad’a, mbina mba mi djang ngei mi.
22Ma didina mi dala:
B’leng nga halasa ti nga ni yam suma asa’atna d’i.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.