Isai 45
45
Sirus ni ma Alona mi tinim iram vama
1Ma didina mi tin Sirus iram vamu,
mi vum kabom ma ndjufâ
á tchuk andjaf suma kä woi avoromu,
mi tinim á kus yam amuleina,
á mal bap ma avun agre’â mbàna woi avorom
tala vun agre’â mi hulong duk avorom mbuo d’a.
Ma didina mi dum ala:
2An mba ni tit avorongû,
an mba ni blas yima djodjohlâ kä woi avorongû,
an mba ni kus vun agrek
ma a lum ki kawei ma hleunina woyo,
an mba ni kus vun agrek
ma a lum ki kawei ma wuranina woi ndjondjom mi.
3An mba ni hang ndjondjoî d’a nga ngeid’id’a
ki ndjondjoî d’a nga ngei d’a gumunda
tala ang wala ni an Ma didina Alona hi Israel-lâ
ma mi yang ki simiyêngâ d’a.
4Yam od’a hazong mana Jakob Israel ma an mana,
an yang ki simiyêngû,
an hang ngola avok bei ang wan ba.
5An ni Ma didina, ma ding nga d’i.
Alo ma ding nga woi keng vam mbi, ni an tu.
An djining ad’enga atang
d’igi sana mi djin d’i’â furum na
avok bei ang wan ba,
6kayambala tinï ad’ud’a abo ma yorogona dei
gak nde sä woi abo ma fladegena
tala suma a wala Alo ma ding nga woi keng vam mbuo d’a.
An ni Ma didina, ma ding nga d’i.
7An le b’od’a, an le nduvunda mi.
An le b’leng nga halasa, an le ndaka mi.
Ni an Ma didina ba, ni lahle ndazina wan pet mi.
8Ar akulod’a ti lau d’engzenga
d’igi mbina mi lau woi na,
ar d’ugula ti se d’ingêra d’igi alona mi se na,
ar andagad’a ti mal vunat á mba ki suta,
ti deî d’ingêra d’igi ahlena a deî na mi.
Gola! Wana nahle suma an Ma didina ni lazina.
Lubu ma ab’lorina ki ma d’al ma min deina
9Ni zla d’a hohoud’a
yam vama nga mi tchi tuguyod’a ki sama minima.
Dei ma aduk dei ma andagad’a
ma mba mi de mi sama minima ala:
Ang le ni me na ge na nga zu?
D’oze vama sana mi luma mba mi de mi sama mi luma ala:
Na ni abong mi nga ko zi ge zu?
10Ni zla d’a hohoud’a yam sama mi de mabum ala:
Ni kayam me ba, ang vud’un nge na.
Ni zla d’a hohoud’a yam sama mi de masum ala:
Ni kayam me ba, ndak vud’un nge na mi.
11Ma didin ma tin tam irat vat yam Israel
ma mi minima mi dala:
Na ni sana ndak á djobon yam vama nga mbana,
d’oze mi han vuna yam grona
ki sun nda an lat kabonda mi zu?
12Ni an ba ni landagad’a,
ni le suma a nga kaka kurutna pet.
Ni an ba ni b’eng akulod’a woyo,
ni he vuna mahle suma kurutna pet mi.
13Ma didin ma ad’engêm kal petna mi dala:
Ni an ba ni tchol Sirus akulo yam d’ingêr manda,
an mba ni blas lovot mamba kä avoromu.
Mam mba mi minin azì man ma ngolâ akulo,
mba mi tchuk man suma dangeina akulo
bei wuraka bei ve he d’a hawad’a ba mi.
Alona mi nga avo hatagi tu
14Ma didina mi dala: Agi Israel-lâ,
fed’a hi suma Ezipte-nid’a
ki beged’a hi suma Etiyopi-nid’a
ki d’a hi suma Sabe suma fuyogeinid’a
mba d’i kalï avo hatagiya,
mba d’i arî magid’a mi.
A mba tit blogogi ki kindjingâ aseziya,
a mba dagi zlad’a ki hud’a ala:
Alona navo hatagi tu, ma ding nga d’i.
15Ang Alona hi Israel-lîna, angî ma sut suma.
Gagazi, angî Alo ma nga ngeid’ina.
16Gola! Suma a min fileinina a mbut zulona,
a tchuk susub’ok, a nga i ki yazi tchoka kä.
17Wani agi Israel-lâ, ni yam Ma didina ba,
agi fagi suta, ni sut ta didinda.
Agi mba mbud’ugi zulona d’i,
agi mba tchugugi susub’ok kuo mi gak didin.
Sut ta a de woi kat teteta
18Ma didina Alo ma tu gid’engâ
ni ma lakulod’a, ni ma landagad’a,
mi minit mi sirat
tala ti kak hawa d’uo, suma a kak kurud’u na,
mi dala: An ni Ma didina,
alo ma ding nga woi keng vam mbi, ni an tu.
19An de nga zlad’a kur yima ngeid’a
d’oze kur yima nduvunda d’i,
an de nga mandjafâ hi Jakob-ma ala
a halan hawa yagu d’i.
An Ma didina ni de ni zla d’a d’ingêra,
ni de ni zla d’a irata mi.
Mbut hurâ handjaf sumina
20Ma didina mi de kua ala:
Agi andjaf suma a prud’ugi woina,
agi mbeyegïya, agi hud’ugïya, agi togogïya.
Suma a nga zï agu mazi ma a tched’em fileina
d’oze suma a nga tchen alo ma ndak á sut sa d’uo na
ni suma yazi nga kazi d’uo na.
21Agi tchagi wala agi dagi woi yam ahle ndazina.
Ar suma a tok tazi a de tazi d’alâ.
Ni nge ba, mi de woi yam ahle ndazina kad’u tinda
mi de woi kazi avok dedei ge?
Nga ni an Ma didina d’uo zu?
Alo ma ding nga woi kengên ndi.
An tu nAlo ma d’ingêr ma sut suma.
Alo ma ding nga d’i.
22Agi suma sä avun dabid’a handagad’ina,
agi hulongôgï gevenu.
Hina agi mba fagi suta, kayam an nAlona.
Alo ma ding nga woi kengên ndi.
23An nga ni gun tan ki an tanda.
Zla d’a ndavunda ni zla d’a irata.
An mba djok vunan ndi.
Suma pet a mba tchuk guguvazi kä avoronu,
suma pet a mba gun tazi ki simiyên mi.
24A mba de kan ala: Nata Ma didina tu ba,
ang fe d’ingêra kad’enga.
Suma pet suma a mba dur ayîna ki sed’ena
a mba mbeï geven ki zulona.
25Wani andjaf Israel-lâ pet a mba mbut
suma bei zlad’a kazina ni yam anu,
a mba subur tazi mi.
Actualmente seleccionado:
Isai 45: BA
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.
Isai 45
45
Sirus ni ma Alona mi tinim iram vama
1Ma didina mi tin Sirus iram vamu,
mi vum kabom ma ndjufâ
á tchuk andjaf suma kä woi avoromu,
mi tinim á kus yam amuleina,
á mal bap ma avun agre’â mbàna woi avorom
tala vun agre’â mi hulong duk avorom mbuo d’a.
Ma didina mi dum ala:
2An mba ni tit avorongû,
an mba ni blas yima djodjohlâ kä woi avorongû,
an mba ni kus vun agrek
ma a lum ki kawei ma hleunina woyo,
an mba ni kus vun agrek
ma a lum ki kawei ma wuranina woi ndjondjom mi.
3An mba ni hang ndjondjoî d’a nga ngeid’id’a
ki ndjondjoî d’a nga ngei d’a gumunda
tala ang wala ni an Ma didina Alona hi Israel-lâ
ma mi yang ki simiyêngâ d’a.
4Yam od’a hazong mana Jakob Israel ma an mana,
an yang ki simiyêngû,
an hang ngola avok bei ang wan ba.
5An ni Ma didina, ma ding nga d’i.
Alo ma ding nga woi keng vam mbi, ni an tu.
An djining ad’enga atang
d’igi sana mi djin d’i’â furum na
avok bei ang wan ba,
6kayambala tinï ad’ud’a abo ma yorogona dei
gak nde sä woi abo ma fladegena
tala suma a wala Alo ma ding nga woi keng vam mbuo d’a.
An ni Ma didina, ma ding nga d’i.
7An le b’od’a, an le nduvunda mi.
An le b’leng nga halasa, an le ndaka mi.
Ni an Ma didina ba, ni lahle ndazina wan pet mi.
8Ar akulod’a ti lau d’engzenga
d’igi mbina mi lau woi na,
ar d’ugula ti se d’ingêra d’igi alona mi se na,
ar andagad’a ti mal vunat á mba ki suta,
ti deî d’ingêra d’igi ahlena a deî na mi.
Gola! Wana nahle suma an Ma didina ni lazina.
Lubu ma ab’lorina ki ma d’al ma min deina
9Ni zla d’a hohoud’a
yam vama nga mi tchi tuguyod’a ki sama minima.
Dei ma aduk dei ma andagad’a
ma mba mi de mi sama minima ala:
Ang le ni me na ge na nga zu?
D’oze vama sana mi luma mba mi de mi sama mi luma ala:
Na ni abong mi nga ko zi ge zu?
10Ni zla d’a hohoud’a yam sama mi de mabum ala:
Ni kayam me ba, ang vud’un nge na.
Ni zla d’a hohoud’a yam sama mi de masum ala:
Ni kayam me ba, ndak vud’un nge na mi.
11Ma didin ma tin tam irat vat yam Israel
ma mi minima mi dala:
Na ni sana ndak á djobon yam vama nga mbana,
d’oze mi han vuna yam grona
ki sun nda an lat kabonda mi zu?
12Ni an ba ni landagad’a,
ni le suma a nga kaka kurutna pet.
Ni an ba ni b’eng akulod’a woyo,
ni he vuna mahle suma kurutna pet mi.
13Ma didin ma ad’engêm kal petna mi dala:
Ni an ba ni tchol Sirus akulo yam d’ingêr manda,
an mba ni blas lovot mamba kä avoromu.
Mam mba mi minin azì man ma ngolâ akulo,
mba mi tchuk man suma dangeina akulo
bei wuraka bei ve he d’a hawad’a ba mi.
Alona mi nga avo hatagi tu
14Ma didina mi dala: Agi Israel-lâ,
fed’a hi suma Ezipte-nid’a
ki beged’a hi suma Etiyopi-nid’a
ki d’a hi suma Sabe suma fuyogeinid’a
mba d’i kalï avo hatagiya,
mba d’i arî magid’a mi.
A mba tit blogogi ki kindjingâ aseziya,
a mba dagi zlad’a ki hud’a ala:
Alona navo hatagi tu, ma ding nga d’i.
15Ang Alona hi Israel-lîna, angî ma sut suma.
Gagazi, angî Alo ma nga ngeid’ina.
16Gola! Suma a min fileinina a mbut zulona,
a tchuk susub’ok, a nga i ki yazi tchoka kä.
17Wani agi Israel-lâ, ni yam Ma didina ba,
agi fagi suta, ni sut ta didinda.
Agi mba mbud’ugi zulona d’i,
agi mba tchugugi susub’ok kuo mi gak didin.
Sut ta a de woi kat teteta
18Ma didina Alo ma tu gid’engâ
ni ma lakulod’a, ni ma landagad’a,
mi minit mi sirat
tala ti kak hawa d’uo, suma a kak kurud’u na,
mi dala: An ni Ma didina,
alo ma ding nga woi keng vam mbi, ni an tu.
19An de nga zlad’a kur yima ngeid’a
d’oze kur yima nduvunda d’i,
an de nga mandjafâ hi Jakob-ma ala
a halan hawa yagu d’i.
An Ma didina ni de ni zla d’a d’ingêra,
ni de ni zla d’a irata mi.
Mbut hurâ handjaf sumina
20Ma didina mi de kua ala:
Agi andjaf suma a prud’ugi woina,
agi mbeyegïya, agi hud’ugïya, agi togogïya.
Suma a nga zï agu mazi ma a tched’em fileina
d’oze suma a nga tchen alo ma ndak á sut sa d’uo na
ni suma yazi nga kazi d’uo na.
21Agi tchagi wala agi dagi woi yam ahle ndazina.
Ar suma a tok tazi a de tazi d’alâ.
Ni nge ba, mi de woi yam ahle ndazina kad’u tinda
mi de woi kazi avok dedei ge?
Nga ni an Ma didina d’uo zu?
Alo ma ding nga woi kengên ndi.
An tu nAlo ma d’ingêr ma sut suma.
Alo ma ding nga d’i.
22Agi suma sä avun dabid’a handagad’ina,
agi hulongôgï gevenu.
Hina agi mba fagi suta, kayam an nAlona.
Alo ma ding nga woi kengên ndi.
23An nga ni gun tan ki an tanda.
Zla d’a ndavunda ni zla d’a irata.
An mba djok vunan ndi.
Suma pet a mba tchuk guguvazi kä avoronu,
suma pet a mba gun tazi ki simiyên mi.
24A mba de kan ala: Nata Ma didina tu ba,
ang fe d’ingêra kad’enga.
Suma pet suma a mba dur ayîna ki sed’ena
a mba mbeï geven ki zulona.
25Wani andjaf Israel-lâ pet a mba mbut
suma bei zlad’a kazina ni yam anu,
a mba subur tazi mi.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.