Isai 32
32
Amul ma mba mi le sun nda djivid’a mi sumina
1Kur bur máma amulâ mba mi tamula ki d’ingêra,
mam suma nglona a mba te yamba ki d’ingêra mi.
2Nge nge pî adigazi mba mi mbut ni
d’igi anguzu ma mi d’el simetnina na,
d’oze yima ngei ma mi d’el babar ma ngolîna na,
d’oze d’igi mbiyo ma mi djang
yam andaga d’a so d’a gangrasina na,
d’oze d’igi anguzu ahina d’a ngol la
yam andaga d’a sod’id’a na mi.
3Suma a nga gol yinina a mba tchem irazi d’i,
suma a nga huma a mba hum mbei tetet mi.
4Suma bei wad’ud’a ba na
a mba mbut suma ned’a á wad’ud’a,
suma ambrozlod’a
a mba de zlad’a atogo tchatchap woi tetet mi.
5A mba he ngola mi suma lilid’a d’i,
d’oze a mba yi suma mbut ira ala ni suma djivina d’uo mi.
6Kayam suma lilid’a a de ni zla d’a lilid’a,
huruzi ni tinda yam sun nda tchod’a
á le sun nda ata yat tuo d’a,
á de zla d’a tchod’a yam Ma didina mi.
A nga he tena mi sama meid’a tchuma d’i,
a nga d’el lovota á he mbina mi sama vunam sona mi.
7Sunda hi suma mbut irid’a ni sun nda tchod’a,
a nga nga huruzi á le tchod’a
á ba suma hohoud’a woi ki zla d’a kad’a.
Sama houd’a zla mamba ti le ni ki djivid’a ko,
a b’lagat teyo.
8Wani sama djivina mi nga hurumî yam vama djivina,
nga mi ve tam ad’enga yam nga hur mam ma djivina mi.
Ge hum mba marop suma Jerusalem-mid’a
9Agi arop suma nga kaka hawa en na,
agi tchologi akulo humundiya!
Agi gro arop suma nga kaka halasâ,
agi tinigi humagi humagi zla manda!
10Ar bizad’a tu ki burâ tcha,
agi arop suma nga kaka halasâ, agi mba zlagagiya,
kayam sa mba mi dut vud’a guguzlu d’oze awu d’uo d’a.
11Agi arop suma nga kaka en na, agi lagi mandarâ!
Agi arop suma nga kaka halasâ, agi zlagagiya!
Agi fogogi baruna woi atagiya, aragi gandilad’a,
agi djinigi d’i’â furugi mi.
12Agi tchagi abogi kurugiya,
agi tchigi yam asine ma djivina ki guguzlu d’a vut heîd’a mi.
13Kekerezeuna kaweid’a
a nga deî yam andagad’a hi sum manid’a,
a nga deî kur azì ma lara ma suma a nga le furîd’a kuana,
kur azì ma ngol ma suma a nga le vuna kuana mi.
14Kayam a ar azì ma amula
kazì ma ngol ma suma a nga le vuna kua gandjauna woyo.
Yima ndingâ ki gong nga fiyak ka ndjola,
a mba mbut ni domi ma ngeid’a yam koro ma abageina ki iram fafat,
a mba mbut ni yima pol d’uwarâ mi.
Ma didina mi mbut ahlena vazi zenen
15Wani bur tu Ma didina mba mi voï Muzuk mama kei kä.
Hur fulâ mba mi mbut nandaga d’a a pagu ma vuta kuad’a,
mba mi mbut nagu d’a ndindika mi.
16D’ingêra mba d’i kak azina hur fulâ,
d’ingêra mba d’i te leud’a kur asine ma a pagu ma vuta kuana.
17D’ingêra mba d’i mba ki halasa,
ti mba d’i mba ki tchugota ki tuk tad’a gak didin mi.
18Sum mana a mba kak ki b’leng nga halasa,
a mba kak bei va lazi ba,
a mba kak kur yima kak ma tchugotna mi.
19Wani mogoina mba mi kizak agud’a woi atogo zak,
azì ma ngolâ mba mi feî mi.
20Agi suma nga zaragi awuna avun mbina
ata yima lara ge pet
suma nga aragi amuzleina ki korona a tit hawa
bei gazi ziyona asezi kä ba na,
agi lagi furîd’a.
Actualmente seleccionado:
Isai 32: BA
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.
Isai 32
32
Amul ma mba mi le sun nda djivid’a mi sumina
1Kur bur máma amulâ mba mi tamula ki d’ingêra,
mam suma nglona a mba te yamba ki d’ingêra mi.
2Nge nge pî adigazi mba mi mbut ni
d’igi anguzu ma mi d’el simetnina na,
d’oze yima ngei ma mi d’el babar ma ngolîna na,
d’oze d’igi mbiyo ma mi djang
yam andaga d’a so d’a gangrasina na,
d’oze d’igi anguzu ahina d’a ngol la
yam andaga d’a sod’id’a na mi.
3Suma a nga gol yinina a mba tchem irazi d’i,
suma a nga huma a mba hum mbei tetet mi.
4Suma bei wad’ud’a ba na
a mba mbut suma ned’a á wad’ud’a,
suma ambrozlod’a
a mba de zlad’a atogo tchatchap woi tetet mi.
5A mba he ngola mi suma lilid’a d’i,
d’oze a mba yi suma mbut ira ala ni suma djivina d’uo mi.
6Kayam suma lilid’a a de ni zla d’a lilid’a,
huruzi ni tinda yam sun nda tchod’a
á le sun nda ata yat tuo d’a,
á de zla d’a tchod’a yam Ma didina mi.
A nga he tena mi sama meid’a tchuma d’i,
a nga d’el lovota á he mbina mi sama vunam sona mi.
7Sunda hi suma mbut irid’a ni sun nda tchod’a,
a nga nga huruzi á le tchod’a
á ba suma hohoud’a woi ki zla d’a kad’a.
Sama houd’a zla mamba ti le ni ki djivid’a ko,
a b’lagat teyo.
8Wani sama djivina mi nga hurumî yam vama djivina,
nga mi ve tam ad’enga yam nga hur mam ma djivina mi.
Ge hum mba marop suma Jerusalem-mid’a
9Agi arop suma nga kaka hawa en na,
agi tchologi akulo humundiya!
Agi gro arop suma nga kaka halasâ,
agi tinigi humagi humagi zla manda!
10Ar bizad’a tu ki burâ tcha,
agi arop suma nga kaka halasâ, agi mba zlagagiya,
kayam sa mba mi dut vud’a guguzlu d’oze awu d’uo d’a.
11Agi arop suma nga kaka en na, agi lagi mandarâ!
Agi arop suma nga kaka halasâ, agi zlagagiya!
Agi fogogi baruna woi atagiya, aragi gandilad’a,
agi djinigi d’i’â furugi mi.
12Agi tchagi abogi kurugiya,
agi tchigi yam asine ma djivina ki guguzlu d’a vut heîd’a mi.
13Kekerezeuna kaweid’a
a nga deî yam andagad’a hi sum manid’a,
a nga deî kur azì ma lara ma suma a nga le furîd’a kuana,
kur azì ma ngol ma suma a nga le vuna kuana mi.
14Kayam a ar azì ma amula
kazì ma ngol ma suma a nga le vuna kua gandjauna woyo.
Yima ndingâ ki gong nga fiyak ka ndjola,
a mba mbut ni domi ma ngeid’a yam koro ma abageina ki iram fafat,
a mba mbut ni yima pol d’uwarâ mi.
Ma didina mi mbut ahlena vazi zenen
15Wani bur tu Ma didina mba mi voï Muzuk mama kei kä.
Hur fulâ mba mi mbut nandaga d’a a pagu ma vuta kuad’a,
mba mi mbut nagu d’a ndindika mi.
16D’ingêra mba d’i kak azina hur fulâ,
d’ingêra mba d’i te leud’a kur asine ma a pagu ma vuta kuana.
17D’ingêra mba d’i mba ki halasa,
ti mba d’i mba ki tchugota ki tuk tad’a gak didin mi.
18Sum mana a mba kak ki b’leng nga halasa,
a mba kak bei va lazi ba,
a mba kak kur yima kak ma tchugotna mi.
19Wani mogoina mba mi kizak agud’a woi atogo zak,
azì ma ngolâ mba mi feî mi.
20Agi suma nga zaragi awuna avun mbina
ata yima lara ge pet
suma nga aragi amuzleina ki korona a tit hawa
bei gazi ziyona asezi kä ba na,
agi lagi furîd’a.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.