Isai 28
28
(d) NGOPA KI VUN MA HLE MA DINGÂ
(28—35)
Babar ma ngol ma b’lak ahlena avo Samari-na
1Wana ni zla d’a hohoud’a yam azì ma ngol ma Samari
ma hle tam d’igi avaval la subur ra d’a suma Efraim
suma a gurut ki sümina a kulubut kazina d’a.
Nazì ma akulo yam yima nding
ma avun hor ra tub’ad’a.
Ni ma djif mama nga mi ngal wiwilik
yam mam suma a nga gurut ki süma
d’igi b’o d’a yak keid’a na na.
2Gola! Sama ad’eng ma sib’ik ma Salad’a mi sunumina nga mi djïya.
Mi ni d’igi alo ma se ki mogoinina na,
mi ni d’igi babar ma ngol ma mi b’lak ahlenina na,
mi ni d’igi alo ma mi se mbina heî ma hle yina
d’igi toliyonda na na.
Mam mba mi b’lak yam andagad’a woi kad’enga na mi.
3Mba mi miret avaval la subur tad’a
hi suma Efraim suma a gurut ki sümina kä kasemu.
4Gola! Mba mi miret b’o d’a yak kei d’a djifa hi Samari-d’a kä kasemu.
Nazì ma akulo yam yima nding ma avun hor ra tub’ad’ina.
Samari mba d’i mbut ni d’igi tulum ma mi ne avok yam ma vutina na.
Sama mi wum avok kikidjina,
mi ndod’om hur abom mi gum avunam mi ligim atogo zak!
5Kur bur máma Ma didin ma ad’engêm kal petna mba mi mbut navaval la wiled’a ki djum mba subura yam mam suma a arâ. 6Mba mi zut suma ka sariyad’a á ka sariya d’a d’ingêra, mba mi had’enga mi suma a nga dik suma djangûna woi avun agre’îna mi.
Suma a nga gurut ki sümina a nga las ma djok vuna
7Wani azi tazid’a a nga hle titigir abo süm guguzlud’a,
a vit tei abo süm ma ayîna.
Suma ngat buzuna ki suma djok vuna,
a nga hle titigir abo süm ma ayîna mi.
Süm guguzlud’a kal kaziya, a vit tei abo süm ma ayîna.
Ata yima a nga djok vun Alonina, a nga hle titigir,
a nga tcha tata kur sariya mazi d’a kad’a mi.
8Yam tabul mazina pet mi ni oîd’a ki vin ma azi nga vinima,
ahle suma ndjendjed’a a nga ata yima lara ge pet,
yima hawana nga d’uo mi.
9A dala: Ni nge ba, mam min had’am wed’a ge?
Ni nge ba, mam min had’am wad’ud’a mi ge?
Ni mi kem suma a ar ambira bei tched’ina,
d’oze suma a d’elezi woi avun apona bei tched’ina zu?
10Vun ma hed’a yam ndram vun ma hed’a,
vun ma hed’a yam ndram vun ma hed’a;
gata yam ndrat gata, gata yam ndrat gata;
ka hî nde, sä hî nde mi.
11Gagazi, Ma didina mba mi de zlad’a mi sum ndazina
navun suma ambrozlod’a avun ma dingâ mi!
12Mi dazi ala: Gol yima tuk tad’a ba wana:
Agi aragi sama mi seîna mi tuk tamu.
Gol yima halasâ ba wana: Wani azi min humum mbi.
13Zlad’a hi Ma didinid’a mba d’i mbut atazi ni hina: Vun ma hed’a yam ndram vun ma hed’a, vun ma hed’a yam ndram vun ma hed’a; gata yam ndrat gata, gata yam ndrat gata; ka hî nde, sä hî nde mi. Kayambala kur tit mazid’a a puk kazigazi a kuza d’a tala a nde kur dauna mi vazi kä ndindingû d’a mi.
Ahina d’a djik gonga akulod’a
14Kayam ndata, agi suma las suma,
agi suma nga tagi yam suma Jerusalem-mina,
ar agi humugi zlad’a hi Ma didinid’a.
15Agi nga dagi ala: Ami djinimi vunami ki matna,
ami vami banad’a ki yima azuleina.
Fata tugud’ei d’a tcho d’a tchi matna
ti ndja abot tei ti kala, mba d’i fami d’i.
Kayam ami mbud’umi zla d’a kad’a
ni yi mami ma ngei tad’a,
aboi ma kad’a ni yi mami ma kaka mi.
16Ni kayam ndata ba, Salad’a Ma didina mi dala:
Gola! An tin nga ahina d’a gäd’u gonga kur Siyon,
nahina d’a an kugut dad’a,
nahina d’a guzut kal tegles sa nga tchola ad’enga ngungud’a.
Sama deng tam atatna,
mba mi ka’î ad’enga d’igi ndat na mi.
17An mba ni hle gagazid’a d’igi regle ma nga ahlena na,
an mba ni hle d’ingêra d’igi nivo ma gol gongîyona na mi.
Mogoina mba mi pleyêgi yima ka zla
ma agi ngeyegi tagi kuana woyo,
mbina mba mi hle yi magi ma aboi
ma agi kagagi kuana woi mi.
18Vun magi ma djin ma agi djinim ki matnina,
mba mi but teyo,
bana d’a agi vat ki yima azuleinid’a,
mba d’i but tei mi.
Fata tugud’ei d’a tcho d’a tchi matna
ti ndja abot tei ti kala,
mba d’i mired’egi kä kased’u.
19Yorogo d’a lara ge andjege ki faleya,
ata yima lara ma ti mba d’i kalâ,
mba d’i vagiya.
Ni siwel mata go ba, mba d’i mbud’ugi mandarâ!
20D’igi zla d’a d’ogola de na ala:
Azanga mi gid’enga,
sana mi ndak á mat tam mbei kam mbi;
borogona mi fiyaka keû,
sana mi ndak á zlubum kam mbuo mi.
21Kayam Ma didina mba mi tchol akulo
d’igi mi tchol yam ahina d’a Perasim-mba na,
mba mi tchol ki hur ma zala
d’igi mi tchol ki hur ma zala
kur hor ra Gabawon-nda na
á le sun mam mba atchapa,
á ndak vun sun mam mba yoyouna mi.
22Ki tchetchemba, ar agi sanagi ad’u zla manda d’i. Le d’uo ni, ziyo ma a djinigi ki na mba mi sirit kelegiya. Kayam Ma didina mi nga wa hurum á b’lak ambasa da’. An hum zla ndata navun Salad’a Ma didin ma ad’engêm kal petna tamba.
Ned’a hi sama zumid’a ki d’a hAlonid’a
23Agi tinigi humagiya, agi humugiya!
Agi tinigi humagi djiviya, agi humugi zla manda!
24Sama nga mi zum á zar awunina,
mi ba ni ata zuma ba zu?
Mi zum zum mi ba nata blasa ki hersena ba mi zu?
25Le mi blas yina ka abo tam tu da ni,
mi ya’î dilagauna ki dandigod’eid’a kam mbuo zu?
Mi zar awuna ni yam zuma akulo,
mi zar awu orsâ nata yima a ngama,
mi zar awu epotrena
ni ir hagad’a hasinena mi d’uo zu?
26Alo mama mi had’am á tit kaziya,
mi had’am gat mamba mi.
27Sa nga mi to dilagauna ki kawei ma sina d’i,
sa nga mi to dandigod’eid’a ki pus ma to awuna d’uo mi.
Wani a po dilagauna ni ki totogod’a,
a wak dandigod’eid’a ni ki mbigeud’a mi.
28A to awuna, wani a ba natam tod’a ba d’i,
akulumeina a nga tan pusâ kamu,
wani ná hazlam mbei d’i.
29Zla ndata ti tcholï nata
Ma didin ma ad’engêm kal petna;
d’al mama ni vama atchapma,
we mamba ti kal ngola mi.
Actualmente seleccionado:
Isai 28: BA
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.
Isai 28
28
(d) NGOPA KI VUN MA HLE MA DINGÂ
(28—35)
Babar ma ngol ma b’lak ahlena avo Samari-na
1Wana ni zla d’a hohoud’a yam azì ma ngol ma Samari
ma hle tam d’igi avaval la subur ra d’a suma Efraim
suma a gurut ki sümina a kulubut kazina d’a.
Nazì ma akulo yam yima nding
ma avun hor ra tub’ad’a.
Ni ma djif mama nga mi ngal wiwilik
yam mam suma a nga gurut ki süma
d’igi b’o d’a yak keid’a na na.
2Gola! Sama ad’eng ma sib’ik ma Salad’a mi sunumina nga mi djïya.
Mi ni d’igi alo ma se ki mogoinina na,
mi ni d’igi babar ma ngol ma mi b’lak ahlenina na,
mi ni d’igi alo ma mi se mbina heî ma hle yina
d’igi toliyonda na na.
Mam mba mi b’lak yam andagad’a woi kad’enga na mi.
3Mba mi miret avaval la subur tad’a
hi suma Efraim suma a gurut ki sümina kä kasemu.
4Gola! Mba mi miret b’o d’a yak kei d’a djifa hi Samari-d’a kä kasemu.
Nazì ma akulo yam yima nding ma avun hor ra tub’ad’ina.
Samari mba d’i mbut ni d’igi tulum ma mi ne avok yam ma vutina na.
Sama mi wum avok kikidjina,
mi ndod’om hur abom mi gum avunam mi ligim atogo zak!
5Kur bur máma Ma didin ma ad’engêm kal petna mba mi mbut navaval la wiled’a ki djum mba subura yam mam suma a arâ. 6Mba mi zut suma ka sariyad’a á ka sariya d’a d’ingêra, mba mi had’enga mi suma a nga dik suma djangûna woi avun agre’îna mi.
Suma a nga gurut ki sümina a nga las ma djok vuna
7Wani azi tazid’a a nga hle titigir abo süm guguzlud’a,
a vit tei abo süm ma ayîna.
Suma ngat buzuna ki suma djok vuna,
a nga hle titigir abo süm ma ayîna mi.
Süm guguzlud’a kal kaziya, a vit tei abo süm ma ayîna.
Ata yima a nga djok vun Alonina, a nga hle titigir,
a nga tcha tata kur sariya mazi d’a kad’a mi.
8Yam tabul mazina pet mi ni oîd’a ki vin ma azi nga vinima,
ahle suma ndjendjed’a a nga ata yima lara ge pet,
yima hawana nga d’uo mi.
9A dala: Ni nge ba, mam min had’am wed’a ge?
Ni nge ba, mam min had’am wad’ud’a mi ge?
Ni mi kem suma a ar ambira bei tched’ina,
d’oze suma a d’elezi woi avun apona bei tched’ina zu?
10Vun ma hed’a yam ndram vun ma hed’a,
vun ma hed’a yam ndram vun ma hed’a;
gata yam ndrat gata, gata yam ndrat gata;
ka hî nde, sä hî nde mi.
11Gagazi, Ma didina mba mi de zlad’a mi sum ndazina
navun suma ambrozlod’a avun ma dingâ mi!
12Mi dazi ala: Gol yima tuk tad’a ba wana:
Agi aragi sama mi seîna mi tuk tamu.
Gol yima halasâ ba wana: Wani azi min humum mbi.
13Zlad’a hi Ma didinid’a mba d’i mbut atazi ni hina: Vun ma hed’a yam ndram vun ma hed’a, vun ma hed’a yam ndram vun ma hed’a; gata yam ndrat gata, gata yam ndrat gata; ka hî nde, sä hî nde mi. Kayambala kur tit mazid’a a puk kazigazi a kuza d’a tala a nde kur dauna mi vazi kä ndindingû d’a mi.
Ahina d’a djik gonga akulod’a
14Kayam ndata, agi suma las suma,
agi suma nga tagi yam suma Jerusalem-mina,
ar agi humugi zlad’a hi Ma didinid’a.
15Agi nga dagi ala: Ami djinimi vunami ki matna,
ami vami banad’a ki yima azuleina.
Fata tugud’ei d’a tcho d’a tchi matna
ti ndja abot tei ti kala, mba d’i fami d’i.
Kayam ami mbud’umi zla d’a kad’a
ni yi mami ma ngei tad’a,
aboi ma kad’a ni yi mami ma kaka mi.
16Ni kayam ndata ba, Salad’a Ma didina mi dala:
Gola! An tin nga ahina d’a gäd’u gonga kur Siyon,
nahina d’a an kugut dad’a,
nahina d’a guzut kal tegles sa nga tchola ad’enga ngungud’a.
Sama deng tam atatna,
mba mi ka’î ad’enga d’igi ndat na mi.
17An mba ni hle gagazid’a d’igi regle ma nga ahlena na,
an mba ni hle d’ingêra d’igi nivo ma gol gongîyona na mi.
Mogoina mba mi pleyêgi yima ka zla
ma agi ngeyegi tagi kuana woyo,
mbina mba mi hle yi magi ma aboi
ma agi kagagi kuana woi mi.
18Vun magi ma djin ma agi djinim ki matnina,
mba mi but teyo,
bana d’a agi vat ki yima azuleinid’a,
mba d’i but tei mi.
Fata tugud’ei d’a tcho d’a tchi matna
ti ndja abot tei ti kala,
mba d’i mired’egi kä kased’u.
19Yorogo d’a lara ge andjege ki faleya,
ata yima lara ma ti mba d’i kalâ,
mba d’i vagiya.
Ni siwel mata go ba, mba d’i mbud’ugi mandarâ!
20D’igi zla d’a d’ogola de na ala:
Azanga mi gid’enga,
sana mi ndak á mat tam mbei kam mbi;
borogona mi fiyaka keû,
sana mi ndak á zlubum kam mbuo mi.
21Kayam Ma didina mba mi tchol akulo
d’igi mi tchol yam ahina d’a Perasim-mba na,
mba mi tchol ki hur ma zala
d’igi mi tchol ki hur ma zala
kur hor ra Gabawon-nda na
á le sun mam mba atchapa,
á ndak vun sun mam mba yoyouna mi.
22Ki tchetchemba, ar agi sanagi ad’u zla manda d’i. Le d’uo ni, ziyo ma a djinigi ki na mba mi sirit kelegiya. Kayam Ma didina mi nga wa hurum á b’lak ambasa da’. An hum zla ndata navun Salad’a Ma didin ma ad’engêm kal petna tamba.
Ned’a hi sama zumid’a ki d’a hAlonid’a
23Agi tinigi humagiya, agi humugiya!
Agi tinigi humagi djiviya, agi humugi zla manda!
24Sama nga mi zum á zar awunina,
mi ba ni ata zuma ba zu?
Mi zum zum mi ba nata blasa ki hersena ba mi zu?
25Le mi blas yina ka abo tam tu da ni,
mi ya’î dilagauna ki dandigod’eid’a kam mbuo zu?
Mi zar awuna ni yam zuma akulo,
mi zar awu orsâ nata yima a ngama,
mi zar awu epotrena
ni ir hagad’a hasinena mi d’uo zu?
26Alo mama mi had’am á tit kaziya,
mi had’am gat mamba mi.
27Sa nga mi to dilagauna ki kawei ma sina d’i,
sa nga mi to dandigod’eid’a ki pus ma to awuna d’uo mi.
Wani a po dilagauna ni ki totogod’a,
a wak dandigod’eid’a ni ki mbigeud’a mi.
28A to awuna, wani a ba natam tod’a ba d’i,
akulumeina a nga tan pusâ kamu,
wani ná hazlam mbei d’i.
29Zla ndata ti tcholï nata
Ma didin ma ad’engêm kal petna;
d’al mama ni vama atchapma,
we mamba ti kal ngola mi.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Azumeina Bible © Alliance Biblique du Tchad, 1999.