Salmos 3
3
1Xrana' Dios, ba naxánle̱'e̱ benne' dxeledábague̱' neda'.
Benne' zante̱ dxeledíl-lale̱ne̱' neda'.
2Benne' zante̱ dxelenné̱' chia': “Quebe guselá Dios le̱'.”
3Lue', Xrana' Dios, dxucú'uju' neda'.
Nacu' Benne' dxebéle̱na', ne Benne' dxuzé̱ chawe̱' neda'.
4Gudxezre xa'a, bláwizra' Xrana' Dios,
na' Le̱' beche̱be̱' chia' naga zue̱' lu xi'a lá'azxa chee̱'.
5Guta', ne gusia',
na' bebana' lawe' da nuxru Xrana' neda'.
6Quebe zreba' gaxúa gaxúa bénneache,
benne' zaj naxéchaje̱' neda'.
7Guzé̱, Xrana' Dios.
Bselá neda', Dios chia'.
Be̱n we̱' xraga benne' ca' dxeledíl-lale̱ne̱' neda',
ne guzuzruj lazxa benne' xriwe̱' ca'.
8Xel-la' weselá za' lu na'u, Xrana' Dios.
Be̱n da chawe' chee̱ bénneache chiu'.
Actualmente seleccionado:
Salmos 3: zat
Destacar
Compartir
Comparar
Copiar
¿Quieres guardar tus resaltados en todos tus dispositivos? Regístrate o Inicia sesión
© 1981, Wycliffe Bible Translators, Inc. All rights reserved.
