Números 16
16
Coré, Datán y Abiram Moiséspa contran sharkuyashqan
1Leví trïbupitami juk runa Coré#Jud. 11. jutiyuq karqan. Pay karqan Coat ayllupita Izharpa surinmi. Rubén trïbupitanami Datán, Abiram y On kayarqan. Datán y Abiramqa Eliabpa surinkunami karqan. Onnami Peletpa surin karqan. 2Paykunami ishkay pachak pisqa chunka (250) runakunawan Moiséspa contran sharkuyarqan. Lapanpis yäsikuq y reqish runakunami kayarqan. 3Paykunami shuntakaykur Moiséstawan Aarónta niyarqan: <<¡Aläpanami alquysakaykäyämanki! Lapansimi Tayta Diospaq santu kansi. Lapansitami yanapaykämansipis. Sayno kaykaptinqa ¿imanirtaq qamkunala munayyuq kayashqaykita yarpaykäyanki?>>
4Sayno niyaptinmi ima ruraytapis mana kamäpakushpan Moisés lätakuykurqan. 5Nirkurmi Coréta y wakin runakunatapis nirqan: <<Waray tutami Tayta Dios musyasimäshun mayqansipis santu kashqansita.#2Tim. 2.19. Santu kaqmi paypa kaykan. Pay akrashqan kaqkunalami payta sirviyänanpaq nawpanman yaykuyanqa. 6Waray tuta shayämunki cada ünuyki inciensu qoshnisikuyänaykikunata apakurkur. 7Saykunaman shanshata winarkur inciensuwan qoshnisiyanki Tayta Diospa nawpancho. Tayta Dios akrashqan kaqmi nawpancho sirvinanpaq santu kanqa. ¡Levitakuna, qamkunaqa aläpami Tayta Diosta rabyanaykäsiyanki!>>
8Nirkurnami Coréta Moisés nirqan: <<Levitakuna, shumaq wiyayämay. 9Tayta Diosmi Israel mayikikunapita akrayäshushkanki payta sirvir lapan runakunapa trukan Sagrädu Tolducho ruraykunata rurayänaykipaq. ¿Manaku saywan contentakuyanki? 10Qamta y levita mayikikunatapis Tayta Diosmi churayäshushkanki nawpancho sirviyänaykipaq. ¿Kananqa cüra kaytanaku munaykäyanki? 11¿Sayno yarparku Aarónpa contran sharkuykäyanki? Aarónpa contran sharkurqa Tayta Diospa contranmi sharkuykäyanki>>.
12Nirkurnami Moisés qayasirqan Eliabpa surinkuna Datánta y Abiramta. Qayasiptinmi paykuna niyarqan: <<Manami aywayäshaqsu. 13Kutir Moisésta wilayanki: <Egiptucho lichipis abëjapa mishkinpis yakunöraq aska kaykaptin kay sunyaq jirkacho wanuyänäpaq pushayämar ¿alita rurashqaykitaku yarpaykanki? Jinamanpis ¿mandaqnïkuna kaytaraqku munaykanki? 14Kananyaqpis manami chäsiyämashkankiraqsu yakunöraq aska lichipis abëjapa mishkinpis kashqan nacionman. Manami chakratapis üva plantaraqtapis rikasiyämashkankiraqsu. ¿Imayyaqtaq saynöla engañayämanki? Saymi shamuytapis munayäsu> >>.
15Sayno niyashqanta wilaptinmi Moisés fiyupa rabyanashpan Tayta Diosta nirqan: <<¡Paykuna inciensuwan qoshnisiyaptin ama chaskiysu, Taytay! Noqa manami ni juk ashnulantapis qechushkäsu ni imaypis paykunata wajupashkäsu>>.
16Saypitanami Coréta Moisés nirqan: <<Waray tuta mandayta munaq mayikikunawan Tayta Diospa nawpanman shayämunki. Saychömi Aarónpis kaykanqa. 17Cada ünuyki inciensu qoshnisikunaykita inciensuntinta Tayta Diospa nawpanman apayämuy. Saymi ishkay pachak pisqa chunka (250) qoshnisikuna kanqa. Saynölami Aarónpis inciensu qoshnisikunanta apamunqa>>.
18Moisés nishqannölami cada ünun qoshnisikunanman shanshata y inciensuta winarkur Tinkuna Toldu patiuman shayämurqan. Saychömi Moiséswan Aarónpis kaykäyarqan. 19Moiséspa y Aarónpa contran sharkuqkuna Coréwan saycho shuntakash kaykäyaptinmi Tayta Diospa chipipiynin rikakämurqan. 20Saypitanami Moiséstawan Aarónta Tayta Dios nirqan: 21<<¡Kanan hörami kay runakunata ushakäsishaq! ¡Paykunapa nawpanpita jukla witikuyay!>>
22Sayno niptinmi Moiséswan Aarón lakikuyashpan pasaman lätakuykur niyarqan: <<¡Tayta Dios! Qammi lapan runakunatapis kawayta qonki. ¿Juk runala jusalikushqanpitasuraq lapan runakunata ushakaykasinki?>>
23Sayno niyaptinmi Tayta Dios nirqan: 24<<Israel runakunata niy Coré, Datán y Abiram täyashqan toldunkuna nawpanpita jukläman witikuyänanpaq>>.
25Saymi ruwakur lätaraykäyashqanpita sharkurkur Israel mayor runakunawan Moisés aywayarqan Datánwan Abiram kaykäyashqanman. 26Chaykurmi runakunata Moisés nirqan: <<Kay jusasapa runakunapa toldunkuna nawpanpita witikuyay. Paykunapa imantapis ama yatayaysu. Manasayqa paykunapa jusankunapitami wanuyanki>>.
27Niptinmi lapan runakuna witikuyarqan Corépa, Datánpa y Abirampa toldunkuna nawpanpita. Abiramwan Datánnami toldunkunapa punkuncho warminkunawan wamrankunawan kaykäyarqan. 28Saypitami runakunata Moisés nirqan: <<Kananmi tantiyayanki Tayta Dios kachamash kaptin imatapis pay nimashlanta rurashqäta. 29Kay runakuna wakin runakunanöpis ali wanuypa wanuyaptinmi musyayanki Tayta Dios mana kachamashqanta. 30Pasata Tayta Dios kichakäsir lapan imaykantinta say runakunata kawaykaqta ultakurkuptinmi isanqa musyayanki Tayta Diospa contran sharkuyashqanta>>.
31Moisés sayno niptinmi say runakuna ichiraykäyashqan kaqpa pasa kichakar 32Coréta, Datánta, Abiramta, ayllunkunata y imaykankunatapis ultakurkurqan. 33Sayno kawaykaqta ultakurkurmi pasa wichqakäkurqan. Saynöpami lapan imaykankunawan Israel runakunapita paykuna ushakäyarqan. 34Pasa kichakaptin qaparäyashqanta wiyarmi nawpancho kaykaq Israel runakunapis qaparaykar qeshpiyashpan niyarqan: <<¡Noqansitapis pasa ultakarkamashwantaq!>>
35Saynölami Tayta Diospa nawpanpita nina shamur usharqan ishkay pachak pisqa chunka (250) inciensuwan qoshnisiq runakunatapis.
36 36 (17.1) Saypitanami Moisésta Tayta Dios nirqan: 37 37 (17.2) <<Say wanuq runakunapa qoshnisikuyänan sagrädumi kaykan. Sayno kaykaptinqa Aarónpa surin Eleazarta kachay ninapita jipinanpaq y qoshnisikunancho shanshata shuntarkur campamentupita karuman talimunanpaq. 38 38 (17.3) Noqapa nawpächo inciensuwan qoshnisiyashqanpitami cada qoshnisikunan sagräduna kaykan. Saymi cada wanuq runapa qoshnisikunanta llapshayaqpaq sulurkasir altarman enchapasinki. Sayta rikarmi Israel runakuna conträ sharkuyanqanasu>>.
39 39 (17.4) Saymi wanuq runakunapa inciensu qoshnisikuyänankunata cüra Eleazar shuntar llapshayashqanyaq sulurkasir altarman enchapasirqan. Saykunaqa broncipita rurashqami karqan. 40 40 (17.5) Altarman sayno enchapasirqan pipis sayta rikar Tayta Diospa nawpancho inciensuta lutala mana qoshnisinanpaqmi. Saynöpami Aarónpita miraqkunala Tayta Diospa nawpancho qoshnisiyänanpaq kayarqan. Lutala qoshnisiq kaqqa Coré y munayyuq kayta munaq mayinkuna wanuyashqannömi wanuyanqa. Coréta y yanapaqninkunata sayno päsarqan Moisésta Tayta Dios nishqannölami.
41 41 (17.6) Saypita waraynin junaqmi Israel runakuna yapay Moiséstawan Aarónta qayapar niyarqan: <<¡Qamkunami Tayta Dios akrashqan runakunata wanuykäsiyanki!>>
42 42 (17.7) Moiséspa y Aarónpa contran sharkuyänanpaq shuntakarmi elaqpita rikaskiyarqan Tinkuna Tolduta pukutay sapaskiqta y Tayta Diospa chipipiynin asikyämuqta. 43 43 (17.8) Saymi Moiséswan Aarón Tinkuna Toldu patiuman aywayarqan. 44 44 (17.9) Saychömi Moisésta Tayta Dios nirqan: 45 45 (17.10) <<¡Say runakunapita witikuyay! ¡Paykunata jukla ushakäsishaq!>>
Sayno niptinmi Moiséswan Aarón fiyupa lakikuyashpan pasaman lätakuykuyarqan. 46 46 (17.11) Saymi Aarónta Moisés nirqan: <<Tayta Dios fiyupa rabyarmi runakunata ushakaykäsin. Kanan altarman jukla aywar inciensu qoshnisikunaykiman shanshatawan inciensuta winay. Sayta apakurkur runakuna kaykäyashqanman aywar Tayta Diosta manakuy paykunata perdonananpaq>>.
47 47 (17.12) Moisés nishqannölami qoshnisikunanta aptakurkur Aarónqa runakuna wanuykäyashqanman cörriyla aywarqan. Saychömi inciensuwan qoshnisishpan say runakunapaq Tayta Diosta manakurqan runakunata perdonananpaq. 48 48 (17.13) Wanushkunapa y kawaykaqkunapa chawpincho Tayta Diosta ruwakuptinmi pipis wanurqannasu. 49 49 (17.14) Saycho wanuyarqan chunka chusku waranqa qanchis pachak (14,700) runakunami. Sayno kayarqan Coréwan wanuqkunata mana yupaylapami. 50 50 (17.15) Runakuna manana wanuyaptinnami Aarón kutirqan Tinkuna Toldu patiucho Moisés kaykashqan kaqman.
Actualmente seleccionado:
Números 16: qvhB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2003, Wycliffe Bible Translators, Inc. All rights reserved.
Números 16
16
Coré, Datán y Abiram Moiséspa contran sharkuyashqan
1Leví trïbupitami juk runa Coré#Jud. 11. jutiyuq karqan. Pay karqan Coat ayllupita Izharpa surinmi. Rubén trïbupitanami Datán, Abiram y On kayarqan. Datán y Abiramqa Eliabpa surinkunami karqan. Onnami Peletpa surin karqan. 2Paykunami ishkay pachak pisqa chunka (250) runakunawan Moiséspa contran sharkuyarqan. Lapanpis yäsikuq y reqish runakunami kayarqan. 3Paykunami shuntakaykur Moiséstawan Aarónta niyarqan: <<¡Aläpanami alquysakaykäyämanki! Lapansimi Tayta Diospaq santu kansi. Lapansitami yanapaykämansipis. Sayno kaykaptinqa ¿imanirtaq qamkunala munayyuq kayashqaykita yarpaykäyanki?>>
4Sayno niyaptinmi ima ruraytapis mana kamäpakushpan Moisés lätakuykurqan. 5Nirkurmi Coréta y wakin runakunatapis nirqan: <<Waray tutami Tayta Dios musyasimäshun mayqansipis santu kashqansita.#2Tim. 2.19. Santu kaqmi paypa kaykan. Pay akrashqan kaqkunalami payta sirviyänanpaq nawpanman yaykuyanqa. 6Waray tuta shayämunki cada ünuyki inciensu qoshnisikuyänaykikunata apakurkur. 7Saykunaman shanshata winarkur inciensuwan qoshnisiyanki Tayta Diospa nawpancho. Tayta Dios akrashqan kaqmi nawpancho sirvinanpaq santu kanqa. ¡Levitakuna, qamkunaqa aläpami Tayta Diosta rabyanaykäsiyanki!>>
8Nirkurnami Coréta Moisés nirqan: <<Levitakuna, shumaq wiyayämay. 9Tayta Diosmi Israel mayikikunapita akrayäshushkanki payta sirvir lapan runakunapa trukan Sagrädu Tolducho ruraykunata rurayänaykipaq. ¿Manaku saywan contentakuyanki? 10Qamta y levita mayikikunatapis Tayta Diosmi churayäshushkanki nawpancho sirviyänaykipaq. ¿Kananqa cüra kaytanaku munaykäyanki? 11¿Sayno yarparku Aarónpa contran sharkuykäyanki? Aarónpa contran sharkurqa Tayta Diospa contranmi sharkuykäyanki>>.
12Nirkurnami Moisés qayasirqan Eliabpa surinkuna Datánta y Abiramta. Qayasiptinmi paykuna niyarqan: <<Manami aywayäshaqsu. 13Kutir Moisésta wilayanki: <Egiptucho lichipis abëjapa mishkinpis yakunöraq aska kaykaptin kay sunyaq jirkacho wanuyänäpaq pushayämar ¿alita rurashqaykitaku yarpaykanki? Jinamanpis ¿mandaqnïkuna kaytaraqku munaykanki? 14Kananyaqpis manami chäsiyämashkankiraqsu yakunöraq aska lichipis abëjapa mishkinpis kashqan nacionman. Manami chakratapis üva plantaraqtapis rikasiyämashkankiraqsu. ¿Imayyaqtaq saynöla engañayämanki? Saymi shamuytapis munayäsu> >>.
15Sayno niyashqanta wilaptinmi Moisés fiyupa rabyanashpan Tayta Diosta nirqan: <<¡Paykuna inciensuwan qoshnisiyaptin ama chaskiysu, Taytay! Noqa manami ni juk ashnulantapis qechushkäsu ni imaypis paykunata wajupashkäsu>>.
16Saypitanami Coréta Moisés nirqan: <<Waray tuta mandayta munaq mayikikunawan Tayta Diospa nawpanman shayämunki. Saychömi Aarónpis kaykanqa. 17Cada ünuyki inciensu qoshnisikunaykita inciensuntinta Tayta Diospa nawpanman apayämuy. Saymi ishkay pachak pisqa chunka (250) qoshnisikuna kanqa. Saynölami Aarónpis inciensu qoshnisikunanta apamunqa>>.
18Moisés nishqannölami cada ünun qoshnisikunanman shanshata y inciensuta winarkur Tinkuna Toldu patiuman shayämurqan. Saychömi Moiséswan Aarónpis kaykäyarqan. 19Moiséspa y Aarónpa contran sharkuqkuna Coréwan saycho shuntakash kaykäyaptinmi Tayta Diospa chipipiynin rikakämurqan. 20Saypitanami Moiséstawan Aarónta Tayta Dios nirqan: 21<<¡Kanan hörami kay runakunata ushakäsishaq! ¡Paykunapa nawpanpita jukla witikuyay!>>
22Sayno niptinmi Moiséswan Aarón lakikuyashpan pasaman lätakuykur niyarqan: <<¡Tayta Dios! Qammi lapan runakunatapis kawayta qonki. ¿Juk runala jusalikushqanpitasuraq lapan runakunata ushakaykasinki?>>
23Sayno niyaptinmi Tayta Dios nirqan: 24<<Israel runakunata niy Coré, Datán y Abiram täyashqan toldunkuna nawpanpita jukläman witikuyänanpaq>>.
25Saymi ruwakur lätaraykäyashqanpita sharkurkur Israel mayor runakunawan Moisés aywayarqan Datánwan Abiram kaykäyashqanman. 26Chaykurmi runakunata Moisés nirqan: <<Kay jusasapa runakunapa toldunkuna nawpanpita witikuyay. Paykunapa imantapis ama yatayaysu. Manasayqa paykunapa jusankunapitami wanuyanki>>.
27Niptinmi lapan runakuna witikuyarqan Corépa, Datánpa y Abirampa toldunkuna nawpanpita. Abiramwan Datánnami toldunkunapa punkuncho warminkunawan wamrankunawan kaykäyarqan. 28Saypitami runakunata Moisés nirqan: <<Kananmi tantiyayanki Tayta Dios kachamash kaptin imatapis pay nimashlanta rurashqäta. 29Kay runakuna wakin runakunanöpis ali wanuypa wanuyaptinmi musyayanki Tayta Dios mana kachamashqanta. 30Pasata Tayta Dios kichakäsir lapan imaykantinta say runakunata kawaykaqta ultakurkuptinmi isanqa musyayanki Tayta Diospa contran sharkuyashqanta>>.
31Moisés sayno niptinmi say runakuna ichiraykäyashqan kaqpa pasa kichakar 32Coréta, Datánta, Abiramta, ayllunkunata y imaykankunatapis ultakurkurqan. 33Sayno kawaykaqta ultakurkurmi pasa wichqakäkurqan. Saynöpami lapan imaykankunawan Israel runakunapita paykuna ushakäyarqan. 34Pasa kichakaptin qaparäyashqanta wiyarmi nawpancho kaykaq Israel runakunapis qaparaykar qeshpiyashpan niyarqan: <<¡Noqansitapis pasa ultakarkamashwantaq!>>
35Saynölami Tayta Diospa nawpanpita nina shamur usharqan ishkay pachak pisqa chunka (250) inciensuwan qoshnisiq runakunatapis.
36 36 (17.1) Saypitanami Moisésta Tayta Dios nirqan: 37 37 (17.2) <<Say wanuq runakunapa qoshnisikuyänan sagrädumi kaykan. Sayno kaykaptinqa Aarónpa surin Eleazarta kachay ninapita jipinanpaq y qoshnisikunancho shanshata shuntarkur campamentupita karuman talimunanpaq. 38 38 (17.3) Noqapa nawpächo inciensuwan qoshnisiyashqanpitami cada qoshnisikunan sagräduna kaykan. Saymi cada wanuq runapa qoshnisikunanta llapshayaqpaq sulurkasir altarman enchapasinki. Sayta rikarmi Israel runakuna conträ sharkuyanqanasu>>.
39 39 (17.4) Saymi wanuq runakunapa inciensu qoshnisikuyänankunata cüra Eleazar shuntar llapshayashqanyaq sulurkasir altarman enchapasirqan. Saykunaqa broncipita rurashqami karqan. 40 40 (17.5) Altarman sayno enchapasirqan pipis sayta rikar Tayta Diospa nawpancho inciensuta lutala mana qoshnisinanpaqmi. Saynöpami Aarónpita miraqkunala Tayta Diospa nawpancho qoshnisiyänanpaq kayarqan. Lutala qoshnisiq kaqqa Coré y munayyuq kayta munaq mayinkuna wanuyashqannömi wanuyanqa. Coréta y yanapaqninkunata sayno päsarqan Moisésta Tayta Dios nishqannölami.
41 41 (17.6) Saypita waraynin junaqmi Israel runakuna yapay Moiséstawan Aarónta qayapar niyarqan: <<¡Qamkunami Tayta Dios akrashqan runakunata wanuykäsiyanki!>>
42 42 (17.7) Moiséspa y Aarónpa contran sharkuyänanpaq shuntakarmi elaqpita rikaskiyarqan Tinkuna Tolduta pukutay sapaskiqta y Tayta Diospa chipipiynin asikyämuqta. 43 43 (17.8) Saymi Moiséswan Aarón Tinkuna Toldu patiuman aywayarqan. 44 44 (17.9) Saychömi Moisésta Tayta Dios nirqan: 45 45 (17.10) <<¡Say runakunapita witikuyay! ¡Paykunata jukla ushakäsishaq!>>
Sayno niptinmi Moiséswan Aarón fiyupa lakikuyashpan pasaman lätakuykuyarqan. 46 46 (17.11) Saymi Aarónta Moisés nirqan: <<Tayta Dios fiyupa rabyarmi runakunata ushakaykäsin. Kanan altarman jukla aywar inciensu qoshnisikunaykiman shanshatawan inciensuta winay. Sayta apakurkur runakuna kaykäyashqanman aywar Tayta Diosta manakuy paykunata perdonananpaq>>.
47 47 (17.12) Moisés nishqannölami qoshnisikunanta aptakurkur Aarónqa runakuna wanuykäyashqanman cörriyla aywarqan. Saychömi inciensuwan qoshnisishpan say runakunapaq Tayta Diosta manakurqan runakunata perdonananpaq. 48 48 (17.13) Wanushkunapa y kawaykaqkunapa chawpincho Tayta Diosta ruwakuptinmi pipis wanurqannasu. 49 49 (17.14) Saycho wanuyarqan chunka chusku waranqa qanchis pachak (14,700) runakunami. Sayno kayarqan Coréwan wanuqkunata mana yupaylapami. 50 50 (17.15) Runakuna manana wanuyaptinnami Aarón kutirqan Tinkuna Toldu patiucho Moisés kaykashqan kaqman.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2003, Wycliffe Bible Translators, Inc. All rights reserved.