Hiob 4
4
Elifas well am treesten
1Dan säd Elifas von Teman:
2Woascht du die hoolen kjennen,
wan eena waut to die sajcht?
Woo saul eena hia stell bliewen?
3Ekj weet, daut du väle hast Rot jejäft;
du hast dee, dee schwak wieren, stoakj jemoakt.
4Du hast kunt, dee waut sikj vestaupten, Moot toospräakjen;
du hast de enjekjnekjte Kjnee jeholpen jlikj to stonen.
5Oba, nu daut die daut traft, weetst du die doa nich met;
du vefieescht die nu, daut et bat die es.
6Velatst du die nich opp diene Ieaforcht fa Gott,
stetst du die nich doaropp, daut du emma daut rajchte deist?
7Denkj doaräwa no;
es jeemols een oschuldja omjekomen,
ooda dee, dee rajcht deed, veschmäten worden?
8Ekj hab daut foaken jeseenen
daut dee wäa schlajchtet enplieecht
un Trubbel seien deit,
krakjt daut enne Arnt trigj kjricht. #Spr 22,8
9Wan Gott eemol sien Wint komen lat,
dan es daut ut met däm;
een Puff von sienen Oaja riemt däm tosied.
10De Leiw mach brellen un grollen,
oba Gott brakjt ar äare Tänen ut;
11wan see nich fräten kaun, kjemt see om,
un äare junge woaren vestreit.
12Doa schlikjt sikj een Wuat aun mie naun,
mien Ua kunn daut meist nich vestonen.
13Ekj must goot nodenkjen, waut ekj jedreemt haud,
wiels ekj haud sea faust jeschlopen. #(13-17) Hiob 33,15-18; 1Mo 15,12
14Oba dan wort mie angst un ekj tekjt,
un aul miene Knoakes scheddaden.
15Doa kjeem een Wint äwa mie,
un mie stunden aule Hoa to Boaj.
16Waut ekj doa ver mie sach, hilt stell,
oba ekj kunn daut nich goot utmoaken.
Ieescht wia daut stell, oba dan hieed ekj wäm sajen:
17Kaun een Mensch jerajcht sennen ver Gott?
Kaun daut, waut Gott jemoakt haft,
sikj rein hoolen fa Gott? #1Kjen 8,46; Psa 14,3; Spr 20,9
18Hee kaun sikj nich gaunz opp siene himlische Deena veloten,
un beschulcht siene Enjel met Fäla, #Hiob 15,15
19woo woat hee dan nich dee,
waut von Leem jemoakt sent,
dee waut von Ieed komen
un waut aus Kjniepasch vedrekjt woaren?
20Zemorjes sent see doa, un zeowes sent see doot;
dee sent wajch un kjeena denkjt aun dee.
21Daut Zelt woat oppjehowen,
un dan es doa nuscht jebläwen;
kjeena woat doa kluak ut.
Actualmente seleccionado:
Hiob 4: PB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.
