Hiob 11
11
Zofar von Naama sajcht uk: Lieden kjemt von schuldich sennen
1Dan säd Zofar von Naama:
2Sull eena nich waut sajen to soo väl Wieed,
un es dee, dee väl rät, emma rajcht?
3Sull wie stell sennen, wiels du väl sajchst,
un sull kjeena die beschämen wan du spotten deist?
4Du sajchst, daut es aula soo aus du daut sajchst,
un daut du ver Gott oschuldich best. #Hiob 9,21; 10,7
5Mucht Gott emol sien Mul opmoaken
un die waut sajen,
6un die weeten loten, woo deep Weisheit es.
Doa es mea aus eene Sied to de Weisheit.
Jleew daut, daut hee die nich aul diene Sinden väahelt. #Psa 51,8
7Kaust du vestonen, waut Gott weet?
Kaust du bat aule Jrensen däm vestonen,
dee aule Macht haft?
8Siene Weisheit jeit wieda aus bat däm Himmel,
waut kaust du doamet doonen?
Dee rieekjt wieda aus bat Scheol,
waut kaust du doavon weeten?
9Dee rieekjt wieda aus de Ieed deit,
un es breeda aus daut Mäa.
10Wan hee wua han jeit un wäm faustnemt,
un däm ver Jerecht stalt,
wäa kaun am opphoolen?
11Hee weet wäa hinjarigjsch es.
Wan doa waut schlajchtet ver am es,
woat hee daut nich enwoaren?
12De Oschult woat ieescht dan kluak woaren,
wan de willa Äsel een Mensch to Welt brinjt.
13Oba wan du die met dien Hoat no am dreien woascht,
un met diene Henj no am langen woascht,
14wan du daut schlajchte en diene Haunt oppriemst,
un doa kjeene Sind en dien Hus blift,
15dan kaust du dien Kopp onen eene Sinden Plak huach hoolen,
un brow un onen Forcht sennen.
16Dan woascht du dien Älent vejäten kjennen,
soo aus de Äwaschwamunk, dee aufjerant es.
17Dan wudd die dien Läwen dacha aus opp Meddach sennen,
un waut diesta es, wudd oppdachen aus de Morjen.
18Du wurscht kjennen mootich un voll Hopninj sennen;
du wurscht die romkjikjen un ruich schlopen gonen. #(18 un 19) Psa 4,9
19Du wurscht die utreiwen onen daut die wäa enjst,
un väle wudden die aunschmeichlen.
20Oba de gottloose woat daut Uagenlicht vegonen,
an woat kjeen Utwajch op bliewen,
de latsta Odem es äare eensje Hopninj. #Hiob 8,14
Actualmente seleccionado:
Hiob 11: PB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.
