1. Samuel 2
2
Hana äa Dankjebäd
1Un Hana säd en äa Jebäd:
Har, mien Hoat rant äwa fa die.
Em Harn es miene Krauft soo väl mea.
Ekj kjikj frintlich ver dee waut mie trozten,
soo frei ekj mie to diene Help. #(1-10) Luk 1,46-55
2Doa es kjeena waut heilich es, soo aus de Har.
Hee steit gaunz auleen;
wie sent ons noanich soo secha
aus bie onsen Gott. #1Mo 49,24; 5Mo 4,35; 32,18; Psa 18,32
3Siet nich prauzich
un rät nich huach rut;
de Har es een Gott dee doa omweet,
un hee woat aules rechten.
4Hee schleit daut Jewäa von de majchtje twei,
un halpt dee, dee stolpren.
5De rikje sent Hauntoabeida jeworden,
daut see to äten haben,
oba dee waut hungaden haben nu.
Dee waut kjeene Kjinja haud, haft säwen,
un dee waut väl Kjinja haud, es auleen.
6De Har jeft Läwen un nemt daut uk;
hee fieet em Grauf nenn, un uk doa rut. #5Mo 32,39; Psa 71,20
7Hee moakt oam un hee moakt rikj;
hee stat rauf, un hee häft opp. #Psa 75,8
8Hee häft de oame ut däm Drakj,
un däm Pracha ut siene Oamoot,
soo daut dee eene Städ mank de Aunjeseene haben,
un opp een Ierenstool to seeten komen.
Däm Harn jehieet de Gruntsteen von de Ieed;
de Welt es doa nopp jesat. #Psa 113,7-8
9Hee paust no dee opp, waut am tru sent,
oba de beese jeroden em diestren nenn;
met siene ieejne Krauft blift kjeena aum stonen. #Psa 33,16
10Dee waut jäajen am sent, woat hee twei bräakjen;
jäajen dee woat hee em Himmel rumlen.
De Har woat aules oppe Ieed rechten;
hee woat sienen Kjennich stoakj moaken,
un sienen Jeweiden groote Macht jäwen.
11Aus see foadich wieren, jinjen Elkana un Hana no Hus no Rama, un de Jung bleef bie däm Priesta Eli un deend däm Harn.
Eli un siene Säns
12Eli siene Säns wieren schomploose Mana. Dee jeewen nuscht rom om däm Harn. 13See hauden daut emma soo jehaut, daut wan eena een Opfa brocht, daut dan wäarent daut Fleesch noch koakt, kjeem de Priesta met eene dree tinje Gaufel 14un spekjt eemol en dän Gropen ooda en de Paun nenn un hilt dan daut fa sikj waut hee oppjespekjt haud. Soo deeden see emma bie Silo met de Opfa waut aule Israeliten doa brochten. 15Oba nu, aul ea see daut Fat vebrent hauden, kjeem de Priesta sien Deena aul, un säd to däm, dee doa een Opfa muak: Jeff emol waut Fleesch, waut de Priesta baken kaun. Hee well nich jekoaktet Fleesch, hee well bloos reiwet. 16Un wan de Maun dan säd: Lot ons ieescht daut Fat vebrennen, un dan kjenn jie soo väl nämen aus jie wellen, dan säd de Deena: Nä, du motst mie daut nu jäwen. Wan nich, dan näm ekj daut met Jewault. 17Soo vesindijden dee junge Mana sikj sea ver däm Harn. See veachten daut Opfa fa däm Harn.
18Samuel bleef bie siene Oabeit ver däm Harn, un druach aul aus een Jung emma daut jeweide lienzeichne Schalduak. #(18 un 19) 1Sam 22,18; 2Mo 28,4-6 19Un siene Mutta muak jieda Joa een langet Hamd fa am toom äwatrakjen, un brocht am daut wan see kjeemen om äa Opfa to brinjen. 20Un Eli jeef Elkana un Hana eenen Säajen un säd: Mucht de Har junt Kjinja jäwen derch dise Fru, doafäa daut see däm Harn disen Jung jejäft haft. Un dan jinjen see wada no äa Tus. 21Un de Har säajend Hana un jeef ar noch dree Säns un twee Dajchta. Un Samuel wia en däm Deenst fa däm Harn aus hee oppwoss. #Luk 1,80
22Eli wort aul sea oolt, un hee hieed aules waut siene Säns aulawäajen en Israel deeden. Hee wist daut see met de Frues schleepen, dee biem Engank von daut Vesaumlungszelt deenden. #2Mo 38,8 23Hee säd to an: Wuarom doo jie soont? Ekj hia von aule Lied daut jie schlajchtet doonen. 24Junges, hieet doch opp doamet. Daut es nuscht goodet, waut däm Harn siene Lied sikj äwa junt vetalen. 25Wan een Mensch jäajen eenen aundren Mensch sindicht, dan kaun Gott vemedlen, oba wan eena jäajen däm Harn sindicht, wäa kaun fa däm vemedlen? Oba de Junges horchten goanich no äaren Voda. Daut wia däm Harn sien Wellen an omtobrinjen. #Hiob 16,20-21 26De Jung Samuel woss opp un neem too en aunseenen ver Gott un ver Menschen. #Luk 2,52
27Doa kjeem emol een Maun, dee Gott deend no Eli un säd to am: Dit es waut de Har sajcht: Aus de Nokomen von dien Staumvoda noch en Ägipten unja däm Kjennich siene Jewault wieren, kjeem ekj no an. 28Un don wäld ekj am von ut aul de Stam en Israel, daut hee sull mien Priesta sennen un wudd no däm Aultoa gonen, doa Weiruak brennen, un daut jeweide Schalduak ver mie brucken. Ekj jeef dien Voda un siene Nokomen aul de veschiedne Opfa derch Fia, dee fa de Israeliten wieren. #4Mo 18,8-20; 5Mo 18,1 29Wuarom sieekj jie no jun ieejnen Jewenst von de Opfa waut ekj junt oppjejäft hab? Du jefst diene Säns mea Iea aus mie, doaderch daut see daut baste Stekj von jieda Opfa nämen, waut mien Volkj de Israeliten brinjen? 30Wäajen dise Sachen sajcht de Har, Israel äa Gott nu: Ekj hab verhäa vesproaken daut dien Staumvoda siene Nokomen, un doaderch diene Famielje, opp emma woaren fa mie en däm Tempel nenn un rut gonen, oba nu sajcht de Har: Daut kaun ekj bloos nich mea. Ekj woa dee ieren dee mie ieren, un dee waut mie veachten woa ekj weinich räakjnen. #2Mo 28,1; Mal 3,16-18 31Nu horch! Doa woat eene Tiet komen wua ekj diene Krauft un de Krauft von dien Staumvoda siene Nokomen woa auf moaken, soo daut doa nich mea een oola Maun mank june Nokomen woat sennen. #1Kjen 2,27 32Jie woaren dan betta un aufjenstich sennen, wan jie seenen woo rikj ekj daut äwaje Poat von Israel moaken woa, un doa woat nienich mea een Maun een huaget ella kjrieen en june Famielje. 33Deejanja, däm ekj noch woa loten no mienen Aultoa gonen, woat sikj de Uagen uthielen un em Hoat jrämen. Een jiedra dee en june Famielje tookomen woat, woat derch daut Schwieet stoawen. 34Un wan du sitst daut diene beid Säns, Hofni un Pinhas, aum selwjen Dach stoawen woaren, dan woascht weeten daut ekj de Woarheit saj. #1Sam 4,11 35Un ekj woa doano seenen, daut ekj eenen truen Priesta kjrie, dee doa aules doonen woat waut ekj em Senn un em Plon hab. Däm woa ekj een bestendjet Aumt jäwen, un hee woat opp emma ver mienen Jesaulwden nenn un rut gonen. #1Kjen 2,35; Heb 5,4-6 36Un dee waut en diene Famielje woaren äwabliewen, woaren motten disen Priesta prachren daut see waut Jelt ooda waut Broot kjrieen, un woaren froagen, auf see nich en eene von de Priesta äare Städen kjennen sennen, daut see waut Broot to äten kjrieen.
Actualmente seleccionado:
1. Samuel 2: PB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.
1. Samuel 2
2
Hana äa Dankjebäd
1Un Hana säd en äa Jebäd:
Har, mien Hoat rant äwa fa die.
Em Harn es miene Krauft soo väl mea.
Ekj kjikj frintlich ver dee waut mie trozten,
soo frei ekj mie to diene Help. #(1-10) Luk 1,46-55
2Doa es kjeena waut heilich es, soo aus de Har.
Hee steit gaunz auleen;
wie sent ons noanich soo secha
aus bie onsen Gott. #1Mo 49,24; 5Mo 4,35; 32,18; Psa 18,32
3Siet nich prauzich
un rät nich huach rut;
de Har es een Gott dee doa omweet,
un hee woat aules rechten.
4Hee schleit daut Jewäa von de majchtje twei,
un halpt dee, dee stolpren.
5De rikje sent Hauntoabeida jeworden,
daut see to äten haben,
oba dee waut hungaden haben nu.
Dee waut kjeene Kjinja haud, haft säwen,
un dee waut väl Kjinja haud, es auleen.
6De Har jeft Läwen un nemt daut uk;
hee fieet em Grauf nenn, un uk doa rut. #5Mo 32,39; Psa 71,20
7Hee moakt oam un hee moakt rikj;
hee stat rauf, un hee häft opp. #Psa 75,8
8Hee häft de oame ut däm Drakj,
un däm Pracha ut siene Oamoot,
soo daut dee eene Städ mank de Aunjeseene haben,
un opp een Ierenstool to seeten komen.
Däm Harn jehieet de Gruntsteen von de Ieed;
de Welt es doa nopp jesat. #Psa 113,7-8
9Hee paust no dee opp, waut am tru sent,
oba de beese jeroden em diestren nenn;
met siene ieejne Krauft blift kjeena aum stonen. #Psa 33,16
10Dee waut jäajen am sent, woat hee twei bräakjen;
jäajen dee woat hee em Himmel rumlen.
De Har woat aules oppe Ieed rechten;
hee woat sienen Kjennich stoakj moaken,
un sienen Jeweiden groote Macht jäwen.
11Aus see foadich wieren, jinjen Elkana un Hana no Hus no Rama, un de Jung bleef bie däm Priesta Eli un deend däm Harn.
Eli un siene Säns
12Eli siene Säns wieren schomploose Mana. Dee jeewen nuscht rom om däm Harn. 13See hauden daut emma soo jehaut, daut wan eena een Opfa brocht, daut dan wäarent daut Fleesch noch koakt, kjeem de Priesta met eene dree tinje Gaufel 14un spekjt eemol en dän Gropen ooda en de Paun nenn un hilt dan daut fa sikj waut hee oppjespekjt haud. Soo deeden see emma bie Silo met de Opfa waut aule Israeliten doa brochten. 15Oba nu, aul ea see daut Fat vebrent hauden, kjeem de Priesta sien Deena aul, un säd to däm, dee doa een Opfa muak: Jeff emol waut Fleesch, waut de Priesta baken kaun. Hee well nich jekoaktet Fleesch, hee well bloos reiwet. 16Un wan de Maun dan säd: Lot ons ieescht daut Fat vebrennen, un dan kjenn jie soo väl nämen aus jie wellen, dan säd de Deena: Nä, du motst mie daut nu jäwen. Wan nich, dan näm ekj daut met Jewault. 17Soo vesindijden dee junge Mana sikj sea ver däm Harn. See veachten daut Opfa fa däm Harn.
18Samuel bleef bie siene Oabeit ver däm Harn, un druach aul aus een Jung emma daut jeweide lienzeichne Schalduak. #(18 un 19) 1Sam 22,18; 2Mo 28,4-6 19Un siene Mutta muak jieda Joa een langet Hamd fa am toom äwatrakjen, un brocht am daut wan see kjeemen om äa Opfa to brinjen. 20Un Eli jeef Elkana un Hana eenen Säajen un säd: Mucht de Har junt Kjinja jäwen derch dise Fru, doafäa daut see däm Harn disen Jung jejäft haft. Un dan jinjen see wada no äa Tus. 21Un de Har säajend Hana un jeef ar noch dree Säns un twee Dajchta. Un Samuel wia en däm Deenst fa däm Harn aus hee oppwoss. #Luk 1,80
22Eli wort aul sea oolt, un hee hieed aules waut siene Säns aulawäajen en Israel deeden. Hee wist daut see met de Frues schleepen, dee biem Engank von daut Vesaumlungszelt deenden. #2Mo 38,8 23Hee säd to an: Wuarom doo jie soont? Ekj hia von aule Lied daut jie schlajchtet doonen. 24Junges, hieet doch opp doamet. Daut es nuscht goodet, waut däm Harn siene Lied sikj äwa junt vetalen. 25Wan een Mensch jäajen eenen aundren Mensch sindicht, dan kaun Gott vemedlen, oba wan eena jäajen däm Harn sindicht, wäa kaun fa däm vemedlen? Oba de Junges horchten goanich no äaren Voda. Daut wia däm Harn sien Wellen an omtobrinjen. #Hiob 16,20-21 26De Jung Samuel woss opp un neem too en aunseenen ver Gott un ver Menschen. #Luk 2,52
27Doa kjeem emol een Maun, dee Gott deend no Eli un säd to am: Dit es waut de Har sajcht: Aus de Nokomen von dien Staumvoda noch en Ägipten unja däm Kjennich siene Jewault wieren, kjeem ekj no an. 28Un don wäld ekj am von ut aul de Stam en Israel, daut hee sull mien Priesta sennen un wudd no däm Aultoa gonen, doa Weiruak brennen, un daut jeweide Schalduak ver mie brucken. Ekj jeef dien Voda un siene Nokomen aul de veschiedne Opfa derch Fia, dee fa de Israeliten wieren. #4Mo 18,8-20; 5Mo 18,1 29Wuarom sieekj jie no jun ieejnen Jewenst von de Opfa waut ekj junt oppjejäft hab? Du jefst diene Säns mea Iea aus mie, doaderch daut see daut baste Stekj von jieda Opfa nämen, waut mien Volkj de Israeliten brinjen? 30Wäajen dise Sachen sajcht de Har, Israel äa Gott nu: Ekj hab verhäa vesproaken daut dien Staumvoda siene Nokomen, un doaderch diene Famielje, opp emma woaren fa mie en däm Tempel nenn un rut gonen, oba nu sajcht de Har: Daut kaun ekj bloos nich mea. Ekj woa dee ieren dee mie ieren, un dee waut mie veachten woa ekj weinich räakjnen. #2Mo 28,1; Mal 3,16-18 31Nu horch! Doa woat eene Tiet komen wua ekj diene Krauft un de Krauft von dien Staumvoda siene Nokomen woa auf moaken, soo daut doa nich mea een oola Maun mank june Nokomen woat sennen. #1Kjen 2,27 32Jie woaren dan betta un aufjenstich sennen, wan jie seenen woo rikj ekj daut äwaje Poat von Israel moaken woa, un doa woat nienich mea een Maun een huaget ella kjrieen en june Famielje. 33Deejanja, däm ekj noch woa loten no mienen Aultoa gonen, woat sikj de Uagen uthielen un em Hoat jrämen. Een jiedra dee en june Famielje tookomen woat, woat derch daut Schwieet stoawen. 34Un wan du sitst daut diene beid Säns, Hofni un Pinhas, aum selwjen Dach stoawen woaren, dan woascht weeten daut ekj de Woarheit saj. #1Sam 4,11 35Un ekj woa doano seenen, daut ekj eenen truen Priesta kjrie, dee doa aules doonen woat waut ekj em Senn un em Plon hab. Däm woa ekj een bestendjet Aumt jäwen, un hee woat opp emma ver mienen Jesaulwden nenn un rut gonen. #1Kjen 2,35; Heb 5,4-6 36Un dee waut en diene Famielje woaren äwabliewen, woaren motten disen Priesta prachren daut see waut Jelt ooda waut Broot kjrieen, un woaren froagen, auf see nich en eene von de Priesta äare Städen kjennen sennen, daut see waut Broot to äten kjrieen.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.