1. Samuel 11
11
Saul leit daut Volkj jäajen de Amonita
1Dan kjeem de Kjennich Nahasch von Amon met sien Kjrichsvolkj no Jabesch en de Jäajent von Gilead un stald runtom de Staut sien Loaga opp. Un de Mana von Jabesch säden däm Kjennich Nahasch: Moak een Kontrakt met ons, un dan woa wie diene Deena woaren. #1Sam 31,11 2Un Nahasch, de Amonita, säd: Ekj woa opp eene Bedinjunk eenen Kontrakt met junt moaken. Ekj well jieda eenen von junt daut rajchte Uag utpuaksen un doamet eene Schaund opp daut gaunze Israel brinjen. 3Un de Mana von Jabesch säden: Jeff ons säwen Doag om daut gaunze Israel weeten to loten von dit. Wan ons kjeena halpen kjemt, dan woa wie ons oppjäwen ver junt. 4Aus de Norecht no Gibea, wua Saul wond, kjeem, un de Menschen hieeden waut äare Loag wia, hielden see lud. 5Dan kjeem Saul met een Ossen Jespaun vom Flekj, un hee fruach: Waut es loos? Wuarom hiel jie aula? Un see säden am waut fa eene Norecht von Jabesch jekomen wia. 6Aus hee daut hieed, kjeem Gott sien Jeist en Krauft opp am, un hee wort sea doll. #Rech 13,25 7Hee schlacht twee Ossen un schneet dee en Stekja. Dan schekjt hee Mana met de Stekja Fleesch un leet sajen: Een jiedra dee nich met Saul un Samuel kjemt woat siene Ossen soo vehakt kjrieen. Un doa kjeem eene Forcht fa Gott opp daut Volkj un jieda eena kjeem halpen. #Rech 19,29 8Saul vesaumeld dee bie Besek. Doa wieren 300.000 von Israel jekomen un 30.000 von Juda. 9Dan säden see to dee waut von Jabesch jekomen wieren: Got sajcht june Lied, daut ea daut morjen woat heet woaren, woa jie jerat sennen. Un aus dee, dee de Norecht druagen, de Mana en Jabesch säden, waut jeworden wia, freiden de Lied en de Staut sikj. 10Un see schekjten eene Norecht no Nahasch: Morjen woa wie ons die äwajäwen. Dan kaust du krakjt soo doonen met ons, aus du west. 11Dän näakjsten Dach haud Saul sien Kjrichsvolkj en dree Deels jedeelt, un aul tiedich jreepen see de Amonita aun. See jewonnen dän Dach, un bat daut heet wort, hauden see dee vejoacht, daut noanich twee toop jebläwen wieren, von dee waut met daut Läwen doavon kjeemen.
12Un eenje Israeliten säden to Samuel: Wua sent dee, dee fruagen auf Saul äwa ons rejieren sull! Brinjt dee äwadäl, daut wie dee aufschaufen kjennen. #1Sam 10,27 13Oba Saul säd: Vondoag woa wie kjeenem aufschaufen. Vondoag haft de Har ons jerat. #1Sam 14,45 14Un Samuel säd: Well wie no Gilgal gonen un onsen Kjennich sien Aumt fresch enfieren. #1Sam 10,8 15Dan kjeem daut gaunze Volkj toop bie Gilgal un see muaken Saul to äaren Kjennich doa ver däm Harn. See opfaden Dankopfa fa däm Harn. Aun dän Dach freiden Saul un aul de Mana von Israel sikj sea.
Actualmente seleccionado:
1. Samuel 11: PB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.
1. Samuel 11
11
Saul leit daut Volkj jäajen de Amonita
1Dan kjeem de Kjennich Nahasch von Amon met sien Kjrichsvolkj no Jabesch en de Jäajent von Gilead un stald runtom de Staut sien Loaga opp. Un de Mana von Jabesch säden däm Kjennich Nahasch: Moak een Kontrakt met ons, un dan woa wie diene Deena woaren. #1Sam 31,11 2Un Nahasch, de Amonita, säd: Ekj woa opp eene Bedinjunk eenen Kontrakt met junt moaken. Ekj well jieda eenen von junt daut rajchte Uag utpuaksen un doamet eene Schaund opp daut gaunze Israel brinjen. 3Un de Mana von Jabesch säden: Jeff ons säwen Doag om daut gaunze Israel weeten to loten von dit. Wan ons kjeena halpen kjemt, dan woa wie ons oppjäwen ver junt. 4Aus de Norecht no Gibea, wua Saul wond, kjeem, un de Menschen hieeden waut äare Loag wia, hielden see lud. 5Dan kjeem Saul met een Ossen Jespaun vom Flekj, un hee fruach: Waut es loos? Wuarom hiel jie aula? Un see säden am waut fa eene Norecht von Jabesch jekomen wia. 6Aus hee daut hieed, kjeem Gott sien Jeist en Krauft opp am, un hee wort sea doll. #Rech 13,25 7Hee schlacht twee Ossen un schneet dee en Stekja. Dan schekjt hee Mana met de Stekja Fleesch un leet sajen: Een jiedra dee nich met Saul un Samuel kjemt woat siene Ossen soo vehakt kjrieen. Un doa kjeem eene Forcht fa Gott opp daut Volkj un jieda eena kjeem halpen. #Rech 19,29 8Saul vesaumeld dee bie Besek. Doa wieren 300.000 von Israel jekomen un 30.000 von Juda. 9Dan säden see to dee waut von Jabesch jekomen wieren: Got sajcht june Lied, daut ea daut morjen woat heet woaren, woa jie jerat sennen. Un aus dee, dee de Norecht druagen, de Mana en Jabesch säden, waut jeworden wia, freiden de Lied en de Staut sikj. 10Un see schekjten eene Norecht no Nahasch: Morjen woa wie ons die äwajäwen. Dan kaust du krakjt soo doonen met ons, aus du west. 11Dän näakjsten Dach haud Saul sien Kjrichsvolkj en dree Deels jedeelt, un aul tiedich jreepen see de Amonita aun. See jewonnen dän Dach, un bat daut heet wort, hauden see dee vejoacht, daut noanich twee toop jebläwen wieren, von dee waut met daut Läwen doavon kjeemen.
12Un eenje Israeliten säden to Samuel: Wua sent dee, dee fruagen auf Saul äwa ons rejieren sull! Brinjt dee äwadäl, daut wie dee aufschaufen kjennen. #1Sam 10,27 13Oba Saul säd: Vondoag woa wie kjeenem aufschaufen. Vondoag haft de Har ons jerat. #1Sam 14,45 14Un Samuel säd: Well wie no Gilgal gonen un onsen Kjennich sien Aumt fresch enfieren. #1Sam 10,8 15Dan kjeem daut gaunze Volkj toop bie Gilgal un see muaken Saul to äaren Kjennich doa ver däm Harn. See opfaden Dankopfa fa däm Harn. Aun dän Dach freiden Saul un aul de Mana von Israel sikj sea.
Actualmente seleccionado:
:
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.