Génesis 1
1
Diosin nantifi onihuani cuscan
1Nantifi nan non oiainfo oni huataima Diosin nai yafi mai oni huaquin tau huani. 2Tau huaquin mai yafi unu pashcanan huataima. Nantifi ununhuancoin ipaoni. Natian ipaoni cuscarama. Faquishihuacoin iyopaoni. Nishfomanhuan cuscaraton faquishihuan huaa ini. Diosin Yoshin Sharapan amanaon cahuacacainquin oiancuni.
3Ascashon Diosin yoiquin,
—Shafan ihuu, —huaino. Shafanriscatani. Ahuun tsainmansi oni huani. 4Man asca huashon Diosin shafan oian shara ini. Ascashon Diosin shafan yafi faquish pashcanan huani. 5Man pashcanan huashon anuni shafan punaran huafain faquish yamuran huani. Nanscafin osha fusti huaquin tau huani.
6Ascashori Diosin yoini, —Unun pashcahuu. Nai fomancaya unu huafain ananmanrinoari unu inon, —huaino nanscacoin ani. 7Diosin unu nai fomancaya huafain ananmanri pashcanan huani. Ascashon unu atirifi nai muran icaino atirifi ananmanri ini. 8Ascashori unu pashcanan huaqui amanaonri unu icaino ananmanri unu inon huashon. Nan amanaonrinoa anuqui nairan huani. Nanscaran osha rafutan huani.
9Ascashon Diosin yoiquin amanaon nai icaino anamanri unu inon. Ascatan nan unuri tiri futsa icaino mai muto tiri futsa inon huani. Ascaino nanscacoin ani. 10Ascashon nan mai mutori anuquin mairan huafain nan unu anuquin unuhuanran huani. Ascahuashon Diosin oian shara ini.
11Asca huatan Diosin afanan yoini. —Nantifi yono futsa futsatapafo fimiya icain ushuyafo inon. Ihui fimitiofori mai ano foainon, —huani. Ascaino nanscacoin ani. 12Ascaino nan Diosin yoia cuscacoin mai ano yono futsa futsatapafo fimiyacain ushuyafo yafi ihui fimiyafori nanscarafosi foainifo. Asca huashon Diosin oian sharacoin ini. 13Nanscafi osha rafu non fustitan huaniquin.
14Ascashon Diosin yoini isca huaquin, —Nai arishon yamu mai ano chashaifo icain shafantan chashairi inon, —Ascatari shafan yafi yamu pashcanan huani. —Nanhuunshon faritifi tapifain oshutifiri tapifain shafatifi nanfohuunshon non onanon. 15Ascan nai arishon chashaino nan maitio shafan inon, —Diosin huani. Ascaino nanscacoin ani. 16Ascashon nan chashai uhuapa rafu. Futsan yamu chashai uhuapama huafain futsa nan uhuapacai shafatan chashai huani. Ascashon nan shafatan chashai anuquin fariran huafain nan yamu chashairi anuquin oshuran huani. Ascashon nan yamu chashai futsaforifi fasi ichapacai anuqui fishiforan huani. 17Diosin nantifi naihuun nutani maifoti chashanon ishon. 18Asca huashon shafantan fari chashaino yamutan fishifo futan oshu chashanon huafain shafan yafi faquish pashcanan huani. Asca huashon Diosin oian sharacoin ini. 19Nanscafin osha rafu non rafuritan huaniquin.
20Ascatari Diosin yoiquin unu murannoafo shiman futsa futsatapafo yafi nan unu muran icafo inon huafain puiyafori mai ano noyamisifo inon huani. 21Ascashon shimanoanfori unu murannoafo oni huafain nantifi unu muran niafo onihuafain puiyafo futsa futsatapafo onihuani cuscan Diosin oian sharacoin ini. 22Ascashon Diosin oian nantifi onihua cuscan shara oinquin yoini isca huaquin, —Unu muran icafoan facu ichapa icain puiyaton facufo maifoti ichapa cainonfo, —ishon yoini. Ato shara huashoni. 23Nanscafin mucu fustiti oshatan huaniquin.
24Ascatan Diosin afanan yoini, —Yoina inahuamutiofo futsa futsatapafo icain naman sharatirofori inonfo. Ascatan yoina futsa futsatapafo inonfo, —ishon Diosin yoini. Ascaino nanscacoin ani. 25Ascashon nantifi yoinafo futsa futsatapafo onihuafain inahuamutiofo futsa futsatapafo onihuafain naman sharatiofori onihuani. Diosin oian sharacoin ini.
26Asca huashon Upa Diosin yoiquin isca huani, —Natian non nocofunuri oni huanon non shinain cuscara arifi shinanon. Ascano nan mai anoafo futan unu murannoafo non nan noyamisifori nanfoan ato ifo inon, —ishon yoini.
27Ascatan Diosin nocofunu onihuani ahuun shinan cuscara icain a cuscara inon. Ascashon nocofunu yafi ainfo onihuani. 28Asca huatan Diosin ato yoisharani, —Isharacain ichapa cai sharacahuun. Nan maitio iishcaquin. Ascano nantifi shimanfo unu murannoa icain puiya nan noyamisifo icain mai anoafo ato ifo icain yoina futsa futsatapafo non mai ano sharatirofo man ato ifo iishcaquin.
29Nan yono fana ushuyafo non fana fimiyafo non ihui fimiyafori un mia inain min pinon. 30Ascan nan yoina inahuamutiofo yafi yoinafo nan maitio icafo non puiya fomancaya anoafo ato fasi yafi mani pui inain arifi pinonfo, —ishon Diosin yoini.
31Ascashon Diosin nan oni hua cuscan oian nantifi sharacoin ini. Nanscarafin mucu fustiti yafi mucu foshca fusti oshata huaniquin.
Actualmente seleccionado:
Génesis 1: mcd
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2008, Wycliffe Bible Translators, Inc. All rights reserved.
Génesis 1
1
Diosin nantifi onihuani cuscan
1Nantifi nan non oiainfo oni huataima Diosin nai yafi mai oni huaquin tau huani. 2Tau huaquin mai yafi unu pashcanan huataima. Nantifi ununhuancoin ipaoni. Natian ipaoni cuscarama. Faquishihuacoin iyopaoni. Nishfomanhuan cuscaraton faquishihuan huaa ini. Diosin Yoshin Sharapan amanaon cahuacacainquin oiancuni.
3Ascashon Diosin yoiquin,
—Shafan ihuu, —huaino. Shafanriscatani. Ahuun tsainmansi oni huani. 4Man asca huashon Diosin shafan oian shara ini. Ascashon Diosin shafan yafi faquish pashcanan huani. 5Man pashcanan huashon anuni shafan punaran huafain faquish yamuran huani. Nanscafin osha fusti huaquin tau huani.
6Ascashori Diosin yoini, —Unun pashcahuu. Nai fomancaya unu huafain ananmanrinoari unu inon, —huaino nanscacoin ani. 7Diosin unu nai fomancaya huafain ananmanri pashcanan huani. Ascashon unu atirifi nai muran icaino atirifi ananmanri ini. 8Ascashori unu pashcanan huaqui amanaonri unu icaino ananmanri unu inon huashon. Nan amanaonrinoa anuqui nairan huani. Nanscaran osha rafutan huani.
9Ascashon Diosin yoiquin amanaon nai icaino anamanri unu inon. Ascatan nan unuri tiri futsa icaino mai muto tiri futsa inon huani. Ascaino nanscacoin ani. 10Ascashon nan mai mutori anuquin mairan huafain nan unu anuquin unuhuanran huani. Ascahuashon Diosin oian shara ini.
11Asca huatan Diosin afanan yoini. —Nantifi yono futsa futsatapafo fimiya icain ushuyafo inon. Ihui fimitiofori mai ano foainon, —huani. Ascaino nanscacoin ani. 12Ascaino nan Diosin yoia cuscacoin mai ano yono futsa futsatapafo fimiyacain ushuyafo yafi ihui fimiyafori nanscarafosi foainifo. Asca huashon Diosin oian sharacoin ini. 13Nanscafi osha rafu non fustitan huaniquin.
14Ascashon Diosin yoini isca huaquin, —Nai arishon yamu mai ano chashaifo icain shafantan chashairi inon, —Ascatari shafan yafi yamu pashcanan huani. —Nanhuunshon faritifi tapifain oshutifiri tapifain shafatifi nanfohuunshon non onanon. 15Ascan nai arishon chashaino nan maitio shafan inon, —Diosin huani. Ascaino nanscacoin ani. 16Ascashon nan chashai uhuapa rafu. Futsan yamu chashai uhuapama huafain futsa nan uhuapacai shafatan chashai huani. Ascashon nan shafatan chashai anuquin fariran huafain nan yamu chashairi anuquin oshuran huani. Ascashon nan yamu chashai futsaforifi fasi ichapacai anuqui fishiforan huani. 17Diosin nantifi naihuun nutani maifoti chashanon ishon. 18Asca huashon shafantan fari chashaino yamutan fishifo futan oshu chashanon huafain shafan yafi faquish pashcanan huani. Asca huashon Diosin oian sharacoin ini. 19Nanscafin osha rafu non rafuritan huaniquin.
20Ascatari Diosin yoiquin unu murannoafo shiman futsa futsatapafo yafi nan unu muran icafo inon huafain puiyafori mai ano noyamisifo inon huani. 21Ascashon shimanoanfori unu murannoafo oni huafain nantifi unu muran niafo onihuafain puiyafo futsa futsatapafo onihuani cuscan Diosin oian sharacoin ini. 22Ascashon Diosin oian nantifi onihua cuscan shara oinquin yoini isca huaquin, —Unu muran icafoan facu ichapa icain puiyaton facufo maifoti ichapa cainonfo, —ishon yoini. Ato shara huashoni. 23Nanscafin mucu fustiti oshatan huaniquin.
24Ascatan Diosin afanan yoini, —Yoina inahuamutiofo futsa futsatapafo icain naman sharatirofori inonfo. Ascatan yoina futsa futsatapafo inonfo, —ishon Diosin yoini. Ascaino nanscacoin ani. 25Ascashon nantifi yoinafo futsa futsatapafo onihuafain inahuamutiofo futsa futsatapafo onihuafain naman sharatiofori onihuani. Diosin oian sharacoin ini.
26Asca huashon Upa Diosin yoiquin isca huani, —Natian non nocofunuri oni huanon non shinain cuscara arifi shinanon. Ascano nan mai anoafo futan unu murannoafo non nan noyamisifori nanfoan ato ifo inon, —ishon yoini.
27Ascatan Diosin nocofunu onihuani ahuun shinan cuscara icain a cuscara inon. Ascashon nocofunu yafi ainfo onihuani. 28Asca huatan Diosin ato yoisharani, —Isharacain ichapa cai sharacahuun. Nan maitio iishcaquin. Ascano nantifi shimanfo unu murannoa icain puiya nan noyamisifo icain mai anoafo ato ifo icain yoina futsa futsatapafo non mai ano sharatirofo man ato ifo iishcaquin.
29Nan yono fana ushuyafo non fana fimiyafo non ihui fimiyafori un mia inain min pinon. 30Ascan nan yoina inahuamutiofo yafi yoinafo nan maitio icafo non puiya fomancaya anoafo ato fasi yafi mani pui inain arifi pinonfo, —ishon Diosin yoini.
31Ascashon Diosin nan oni hua cuscan oian nantifi sharacoin ini. Nanscarafin mucu fustiti yafi mucu foshca fusti oshata huaniquin.
Actualmente seleccionado:
:
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2008, Wycliffe Bible Translators, Inc. All rights reserved.