کردار ‮کورتە باسێک‬

کورتە باسێک

پەڕتووکی کرداری نێردراوان تەواوکەری مژدەیە بەگوێرەی نووسینی لۆقا و سەربوردەی بەردەوامی کارەکانی عیسایە. ئەم پەڕتووکە سەرچاوەیەکی مێژووییە و بە تایبەتی باس لە پەرەسەندنی کڵێسا دەکات. لە پێشەکی پەڕتووکی مزگێنی بەپێی نووسینی لۆقا شتێکی کورت لەسەر کەسایەتی لۆقا باسکراوە.

هەروەها ئەم سیپارەیە باسی قۆناغەکانی دروستبوونی کڵێسا دەکات، لەگەڵ سەرەتای لەدایکبوونی کڵێسا و چۆنیەتی بڵاوبوونەوەی لە ئیسرائیل و دواتریش گەشەکردن و پەرەسەندنی لە دەریای ناوەڕاست هەتا شاری ڕۆما. هەروەها ئاماژە بەو بەڵێنەی مەسیح دەکات کە دەفەرموێت: «کاتێک ڕۆحی پیرۆزتان دێتە سەر، هێز وەردەگرن و بۆ من دەبنە شایەت، لە ئۆرشەلیم و هەموو یەهودیا و سامیرە، تاکو ئەوپەڕی زەوی.» ‏(1‏:8‏)‏ ئەم سیپارەیە باسی هەر سێ قۆناغەکەی شایەتیدانیش دەکات:

1. شایەتیدانی قوتابییەکان لە ئۆرشەلیم ‏(1‏:1‏–7‏:60‏)‏.

2. شایەتیدانی قوتابییەکان لە یەهودیا و سامیرە ‏(8‏:1‏–12‏:25‏)‏.

3. شایەتیدانی قوتابییەکان هەتا ئەوپەڕی زەوی ‏(13‏:1‏–28‏:31‏)‏.

هەروەها باسی ئەوە دەکات چۆن ڕۆحی پیرۆز لە ڕۆژی پەنجایەمین هاتە سەریان و شایەتییان بۆ نەتەوەکان دا، هاتنەدی بەڵێنەکەی عیسا بوو، ئەمە دەستپێکێکی گەورە بوو بۆ کڵێسا. گرنگی تایبەتیشی داوە بە خزمەت و وتارەکانی پەترۆس و ستیفانۆس و پۆڵس.

Actualmente seleccionado:

کردار ‮کورتە باسێک‬: KSS

Destacar

Copiar

Comparar

¿Quieres guardar tus resaltados en todos tus dispositivos? Regístrate o Inicia sesión

‫کتێبی پیرۆز، کوردی سۆرانی ستاندەر™

‫مافی چاپکردن پاێزراوە © ١٩٩٨، ٢٠١١، ٢٠١٦، ٢٠٢٠ ‎Biblica, Inc‎.‎

‫بە مۆڵەتی لایەنی بڵاوکار بەکارهاتووە. هەموومافەەەکانی پارێزراوە.

Holy Bible, Kurdi Sorani Standard™‎

Más información sobre كوردی سۆرانی ستانده‌رد