Sal 70
70
SALMO 70
Wul coln muc'uc
(Sal 40.13-17)
Sb'it David jun tic tzc'an junc mach tzjucb'tzan b'it yic tzc'anx scolwal Dios.
1Mamin Jehová in Diosal ach, colwjan̈ wet' muc'uc, cotn̈ mu'c wul in a colo'.
2A eb' tznib'n to tzin chami, q'uixw cab' 'el eb', somchj cab' 'el eb'. 'At cab' eb' 'elc 'a scal sq'uixwc'ojlal, atn eb' tznib'n tzin 'ixtni.
3A eb' tzin tzetzni, 'at cab' eb' 'elc yuj sq'uixwc'ojlal.
4Palta ax smasnil eb' tzyal sb'a 'ayach, niwtj cab' stzaljc'ojlal eb'. A eb' tznib'n a colwal, yal cab' eb' 'ixtic: A Dios caw niwn ton yel'chi, xchi cab' eb'.
5An xo tic, caw wal 'oltaquin, cusc'ojlaln̈ej waji. Yuj cha, tzwaln 'ixtic: Ach in Diosal, cotn̈ wul in a colo', ach 'aych 'ochn̈ej wet'oc, colwjan̈ wet' muc'uc. Caw man̈ e'c tiempo Mamin Jehová, xin chi.
Actualmente seleccionado:
Sal 70: CSS
Destacar
Compartir
Comparar
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
