Sal 47
47
SALMO 47
A Dios Rey 'a yib'n̈ smasnil
Sb'it eb' yin̈tl Coré jun tic tzc'anlb'ej junc mach tzjucb'tzan b'it
1E masnil ex wit chon̈ab', qui po'c qui c'ab'. Calc qui b'a 'a tzaljc'ojlal 'a Dios.
2Yujto a Jehová caw niwn yel'chi, 'ay pax smay; Yajl yaj 'a yib'n̈ smasnil lum lum tic.
3A 'ix 'a'n jun tzo'n̈ chon̈b' 'a yol qui c'ab'ec, 'ix can jun tzo'n̈ nacion̈ 'a yaln̈ cujec.
4A si'lni qui macl lumec, atn lum 'ajtil cajn on̈ 'ec' an̈ yin̈tl on̈c Jacob tic, atn jun chamc'ojlb'il yu'uj.
5A Dios 'ix q'ue 'a 'aj 'ay sdespacho 'a scal 'aw yic tzaljc'ojlal, 'aj tz'utz'x strompeta.
6B'itn coyec, caw wal b'itn coyc 'a Dios. B'itn coyc 'a qui Reyal.
7A Dios rey yaj 'a yib'n̈ smasnil lum lum tic. B'itn coyc yet' qui wach' paxti 'a 'a.
8A Dios 'aych yajlil 'a yib'n̈ junjn nacion̈. Wocn 'ec' 'a sdespacho to cojn 'ay yico'.
9'Ix laj syam sb'a eb' 'anma niwn yel'ch 'a junjn chon̈ab'. 'Ix 'och eb' qui tz'acb'oc an̈ schon̈b' on̈c tic, atn sDiosal qui mam 'ichm Abraham.
10Cojn Dios 'ay yic eb' yajl 'ay 'a yolyib'n̈q'uinl tic. Cojxn̈ej 'ec'b'al yel'ch 'a yib'n̈ smasnil.
Actualmente seleccionado:
Sal 47: CSS
Destacar
Compartir
Comparar
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
