Sal 30
30
SALMO 30
B'it yic alj yuj diosal 'a Jehová
A jun tic sb'it David yic tz'och yopiso yatut Dios
1Mamin Jehová tzach in b'itnej yet' in wach' paxti', yujto ach in a sic'q'ue wan 'a scal in yailal; ma'ix a nib'j in sb'uch eb' 'ajc'ojl yajch 'ayin.
2Ach in Diosal, xin c'an a colwal, 'ix a'n b'oxc in c'ojol.
3In 'a col-l 'a yol sc'ab' chamel, 'ix a'n pax in q'uinal, ma'in a chaj 'at 'a scal eb' chamnac.
4Ex to yic ex xo Jehová wet'oc, b'itn̈ coyc 'a 'a, calc wach' paxti 'a jun mach to Niwn Yel'chi.
5Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.
6A yic caw te'n waji, in nan 'ixtic: May xon b'a'n̈ 'oj in telw 'ejm yuj junc tas, xin chi.
7Mamin Jehová, yet' wal swach'l a c'ojol in e'n can 'och 'a 'aj may tas tzin 'i'ni. Palta ax yic xe'n 'el a b'a 'a in tz'ey, in somchj 'el yuj xiwc'ojlal.
8Tzin tew 'aych Mamin Jehová, to a 'aych tzwaln in b'a.
9¿Tas to a ganar wet'oc, q'uinloc tzin chami, tzlajw cha, tzin mucxi? Ax in poccal ¿tom tztac' to ach sb'itnani? ¿Tom tztac' to yaln wach' paxti 'aych yuj tas wach' tza b'o'o?
10'Ab' wal tas tzwala, 'o'ch cab' wal a c'ojl 'ayin, colwjan̈ wet'oc.
11Ach in Diosal, a 'in yailal xa meltztej 'och in tzaljc'ojlaloc; 'ix ej can 'el in cusc'ojlal, ax tzaljc'ojlal 'ix a'cn 'och 'ayin.
12Ma'oj stac' to sictac 'oj waji. 'Oj ach in b'itnoc, ax waln wach' paxti 'aych 'a smasnil tiempo.
Actualmente seleccionado:
Sal 30: CSS
Destacar
Compartir
Comparar
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
