Sal 28
28
SALMO 28
A Jehová tzyab' tas tzalx 'a 'a
Sb'it David jun tic
1Mamin Jehová, cojxn̈ej 'aych 'aj 'oj wal in b'a, yujto 'icha to in n̈aq'uen aji. Man̈ e'l a sat 'ayin. Toto tzej 'el a sat 'ayin, to 'ixta', ax 'ijnoc am in 'atcn 'a scal eb' chamnc cha.
2'Ab' wal tas tzwala yic tzin c'ann a colwal wet'oc, yic tzin mojn q'ue in c'ab' 'a atut.
3Man̈ junc tzotj e'n 'ec' in q'uinl yet' eb' maysch'olnil sb'eyb'al. Wach' cob' tzyutj paxtinc sb'a eb', palta ax 'a snab'en eb', cojxn̈ej maysch'olnil nab'il yuj eb'.
4B'eyc'ojlej eb', a tzyal tas tz'el sb'on eb'. A tzyal wal jantc smul eb', 'ixta tzotj a'n spac 'a eb'.
5Smasnil tas tza b'o'o, caw may yel'ch 'a sat eb' maysch'olnil snab'en. Yuj cha, ach cab' tza satl eb', man̈x cab' b'a'n̈ tzpitzw chan̈ eb'.
6¡Alx cab' wach' paxti 'aych Mamin Jehová! Yujto 'ix ab' tas xwal 'a yic 'ayn 'ec' 'a scal in yailal.
7Mamin Jehová ach 'aych 'och wipoc, 'aych 'och wen̈loc 'icha junc q'ue'en; ach wa'ch yipc in c'ojol, caw ach colwjn̈ej wet'oc. Yuj cha, caw wal tzin tzalji, 'oj in b'itnoc a b'i, ax waln yuj diosal 'ayach.
8Ach 'aych 'och yipc sc'ojl eb' a chon̈ab', tzach colwj pax 'ayin, to sreyl in eb', to sic'b'iln 'el o'oj.
9Mamin Jehová colwjan̈ 'ayn̈ an̈ a chon̈b' on̈ tic, 'ac' a yaxilal 'a quib'n̈ an̈ to ec xo caji. 'Ilt on̈ 'icha tzyac' junc 'ilm calnelu, tan̈wj on̈ 'a smasnil tiempo.
Actualmente seleccionado:
Sal 28: CSS
Destacar
Compartir
Comparar
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
