Sal 148
148
SALMO 148
A tas b'ob'il yuj Jehová*r* yal cab' wach' paxti 'a 'a
1¡Alx cab' wach' paxti 'a Jehová!
¡Alx cab' wach' paxti 'a Jehová 'a schan̈il satcha'an̈!
2A eb' yángel Dios, atn smasnil eb' soldado yic satcha'an̈, yal cab' eb' wach' paxti 'a 'a.
3A c'u, 'uj yet' smasnil c'anal, yal cab' eb' swach' paxti 'a Jehová.
4A satcha'an̈ yet' a a 'ay 'a yib'n̈ satcha'an̈, yal cab' eb' wach' paxti 'a 'a.
5Yal cab' eb' swach' paxti 'a Jehová, yujto a 'ix alni yic xb'o eb'.
6A 'ix b'on smasnil jun tzo'n̈ tic, sec 'ayc' 'a smasnil tiempo. 'Ix yaln can paxi, to may tz'aj sjelmj eb'.
7A smasnil tas 'ay 'a sat lum tic, yal cab' swach' paxti 'a Jehová, no niwc noc' 'ay 'a yojl a mar yet' 'a xab'l yich a',
8raya, sacb'at, sacb'acum, 'asun, yet' 'ic'n̈ab', yiclumn̈ej cab' eb' 'a tas tzyala,
9lum niwc witz, lum tzalan, eb' te c'ute' yet' eb' te te tzsatni,
10no cajb'en noc', no calte'al noc', no ch'ic yet' no tzjuc sb'a 'a sat lu'um,
11eb' sreyl yolyib'n̈q'uinl tic, smasnil eb' chon̈ab', smasnil eb' niwc yajal, eb' juez tz'a'n mandar yolyib'n̈q'uinl tic,
12eb' winac, eb' 'ix 'ix, eb' 'unin yet' eb' 'ichmtac 'anma'.
13Smasnil eb' tic, yal cab' eb' swach' paxti 'a Jehová, yujto cojn ton niwn yel'chi, a stzictznial, 'ayc'n̈ej 'a sat lum tic yet' 'a satcha'an̈.
14A 'ix 'a'n qui jelnal an̈ schon̈b' on̈c tic, sec tzon̈ b'inaxec an̈ yiclum on̈c tic, yujto an̈ yin̈tl on̈c Israel tic, an̈ on̈ yijec 'ochch 'a stz'ey.
¡Alx cab' wach' paxti 'a Jehová!
Actualmente seleccionado:
Sal 148: CSS
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
