Sal 142
142
SALMO 142
Mamin, a 'aych tzin col in b'a
A jun tic slesl David yic sc'ub'n 'el sb'a 'a yol n̈aq'ue'en
1Mamin Jehová, caw wal 'ip waln in b'a 'ayach, tzwac' 'ip in c'ann 'ayach to tz'o'ch a c'ojl 'ayin.
2A 'a ojltac ata tz'at wal in b'a, a 'a ojltac ata tz'at wal in cusc'ojlal.
3A yic caw 'ayn 'och 'a in cusc'ojlal, ach xo Mamin, ojc xo pax yilx in b'e 'aj tzin 'ochi. A 'a jun b'e 'aj wan in b'ey cha, ata 'ay 'ejm ch'an̈ yal yuj eb' 'ajc'ojl yajch 'ayin.
4'Ilt nab'n 'a in wach' c'ab', toc 'ay mach 'ayc' wet'oc, yujto may mach 'ojtnac in. May xon mach tzin colni, toc 'ay mach tz'och 'il wu'uj.
5Ax 'aych xwal in b'a, 'ix waln 'aych 'ixtic: Mamin Jehová a 'aych wach' in coln in b'a, nib'b'ilch wuj 'a yib'n̈ smasnil tas 'ay 'ayn oj 'a sat lum lum tic, xin chi.
6'Ab' wal yel waw waln in b'a 'ayach, yujto man̈x 'a wip tzwab'i. Coln 'el 'a yol sc'ab' eb' tzin pechn b'eyc'oc, yujto yel xo caw 'ay yip eb' 'a wib'an̈.
7Coln 'elt 'a scal in yailal, sec 'oj stac' waln in wach' paxti 'aych 'a scal eb' 'anma tojl snab'en. 'Oj 'och oyn eb' 'a in tz'ey yic 'oj yab'nc eb' to wach' tzin otej.
Actualmente seleccionado:
Sal 142: CSS
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
