Sal 129
129
SALMO 129
A Jehová tzcolwji
B'it yic sc'ochx eb' israel 'a Jerusalén
1Ex wit israelal, til wal jun tzo'n̈ yailal 'ix ya'ch eb' 'ajc'ojl chi 'a quib'n̈ec yic cochc can chon̈b'al. Calc cab' 'ixtic:
2Yic cochc can chon̈b'al, til wal eb' x'a'n cab' syail, palta ma'ix techj yuj eb' 'ayn̈ec.
3'Ix smac' eb' yich qui patquec, caw checl x'aj staj schic'l yich qui patquilec chi yuj eb',
4palta ax Jehová caw wal tojl snab'en, a 'on̈ colnec 'elt 'a yol sc'ab' eb' maysch'olnil cha, xqui chic cab'i'.
5'El cab' sq'uixwel eb' 'ajc'ojl yajch 'a Sión, pax cab' eb' 'a spatic.
6Lajn cab' tz'aj eb' 'icha te c'ultc tzpa'chan̈ 'a yib'n̈ junc n̈a, jab' wal tz'eq'ui, tztacj pax muc'uc.
7A jun tzo'n̈ c'ultc cha, matz yam sb'a 'a yol sc'ab' junc mach. May mach tzpolni, matz tac' pax sjalx tzec'an yic tzyi'n 'at junc mach 'a yatut.
8A yic tzlaj 'ec' eb' 'anma 'a stz'ey te c'ultc cha, toc 'ay eb' tzaln 'ixtc 'a eb' te': Ya' cab' Jehová syaxilal 'a eyib'an̈; 'a sb'i Dios tzqui c'ann yaxilal 'a eyib'an̈, tom xchi eb'.
Actualmente seleccionado:
Sal 129: CSS
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
