Sal 120
120
SALMO 120
Lesl yuj tas 'ay smay
B'it yic sc'ochx eb' israel 'a Jerusalén
1A yic 'ayn 'och 'a in somc'ojlal, ax 'aych Mamin Jehová ata xwal in b'a, yuj cha, in a ta'wni.
2Mamin Jehová coln 'el 'a yol sc'ab' eb' 'a'm 'es 'a in patquil, eb' to tznan chan̈ junc paxti 'a nab'an̈ej.
3Ex 'a'm 'es, 'in tzeyixtj paxti eb' quit 'anma'il, ¿tas tze na'a? ¿Tom ma'oj yac' Dios junc niwn yailal 'a eyib'an̈?
4A tas 'oj jawc 'a eyib'an̈, atn yailal 'icha junc jul-lab' tzc'anx 'a owal, caw jay, tzn̈ilchj sc'a'l 'a ye cha.
5An xo tic, caw 'oltaquin, ton̈j 'e'lb'a wec' jaye'oc c'u 'a lum Mésec, in can 'a scal eb' cajn 'ec' 'a lum Cedar.
6Caw niwn tiempo in 'ec' cajn 'a scal eb' 'anma matz nib'n junc'ojlal.
7A yic tzwaln 'a eb' yuj junc'ojlal cha, ax eb', a owl tznib'j eb'.
Actualmente seleccionado:
Sal 120: CSS
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
