Sal 1
1
LIBRO 1
(Salmos 1—41)
SALMO 1
Eb' wach', yet' eb' tu sb'eyb'al
1Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.
2A yic eb', to tzchamc'ojlej eb' sley Jehová, nab'iln̈ej yuj eb' 'a sc'ual, yac'wlil.
3Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.
4Palta ax eb' tu sb'eyb'al, man̈ 'ichcta 'oj 'aj 'el'ch eb'. A eb' cha, lajn eb' 'icha solcal trigo, tz'ijx 'at yuj 'ic'.
5Yuj cha, a eb' tu sb'eyb'al, 'oj 'ochcn 'a yib'n̈ eb' yic 'oj 'och b'eyc'ojlal. A eb' tzb'on maysch'olnil, caw may xon yaln eb' yic sc'och 'a 'aj 'oj syam sb'a eb' tojl snab'en.
6A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.
Actualmente seleccionado:
Sal 1: CSS
Destacar
Compartir
Comparar
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
