Nm 22
22
'Awtb'il win Balaam yuj win Balac
1'Ix cotx eb' israel, axta xjaw eb' 'a lum ya'lical Moab, 'a stojlal 'aj tzq'uel c'u 'a sla'nil sti a Jordán, 'a yojltac Jericó.
2Ax xyab'n win Balac sreyl Moab, yunnal Zipor, tas 'ix 'aj eb' amorreo yuj eb' israel cha. 3'Ix xiw chan̈ yet' eb' 'anma 'ay 'a yol yic Moab, yujto 'ix yil eb', to caw niwn sb'isl eb' israel cha. 4Yuj cha, 'ix yaln eb' 'anma yic Moab 'a eb' yichm wincal chon̈b' Madián 'ixtic: Smasnil jun tzo'n̈ 'anma tic, 'oj juwc 'el qui lum tic yuj eb', 'icha wal tz'aj slajw 'el te c'ultc yuj no wacax, 'ixta 'oj 'aj lu'um, xchi eb'.
5Yuj cha, 'ix 'at ya'nc win Balac cot jun win 'ay tas tztac' yu'uj, atn Balaam, win yunnal Beor. Ata cajn win 'a jun lugar tzcuch Petor, 'a sla'nil sti a Éufrates 'a yol smacb'en Amav. 'Ix ya'n 'at Balac jun tzo'n̈ schecb' 'a Balaam cha, yic tz'at yalnc eb' 'a 'ixtic: A 'a Egipto, ata 'ix cot jun chon̈b'al eb' 'anma', ax ticnec 'ix b'ut'j 'ejm eb' 'a sat in lu'um, 'ix jaw eb' 'a in tz'ey. 6Yuj cha, cotn̈ muc'uc, wul catb'tzej can jun tzo'n̈ 'anma tic in c'ana', yujto caw jeln pax eb' 'a quib'n̈ on̈. Comnoc 'oj stac' wa'n ganar wi'n 'el eb' 'a yol in chon̈b' tic. Yujto wojtac, a tas tza catb'tzej, yet' tas 'aj tzal a wach' paxti', to tz'el'chn̈ej, xchi Balac.
7Ax eb' yichm wincal chon̈b' Moab yet' eb' yic Madián, 'ix 'at eb' 'a 'ajtil 'ayc' Balaam cha. Caw niwn tumn 'ix yij 'at eb', sec tztojcn eb' jun tzo'n̈ catb' cha. A yic xc'och eb' 'a Balaam, 'ix yaln eb' schecnb'il yet' yuj Balac. 8Ax Balaam cha, 'ix yal 'a eb' 'ixtic:
—A ticnec, cann̈ec wet' 'a jun 'ac'wl tic. A 'a tic 'oj e wayi, ax yic 'oj sacb'oc 'el q'uic'an, ax wa'n spac e checnb'il tic, a tzyal tas 'oj yutc Jehová yaln 'ayin, xchi 'a eb'. Yuj cha, 'ix way 'ejm eb' yichm wincal chon̈b' Moab 'a yatut Balaam. 9Palta ax Dios 'ix sch'ox sb'a 'a Balaam, 'ix sc'anb'n 'a 'ixtic:
—¿Mach jun tzo'n̈ winc chi 'ayc' et' cha? xchi.
10'Ix ta'w Balaam 'ix yaln 'ixtic:
—A Balac a 'ay schecb' ewinac, win yunnal Zipor sreyl Moab, to tzwul yac' win alxoc 'ayin, 11tolab' 'ay jun chon̈b'al eb' 'anma xcot 'a Egipto, ax ticnec xb'ut'j ab' 'ejm eb' 'a sat slu'um. Yuj cha, to tznib'j win tzin 'at 'a schon̈ab' yic tz'at in catb'tzan can jun tzo'n̈ 'anma cha, sec wach' 'oj techjoc spechn 'el win eb' 'anma chi 'a sat slum cha, xchi.
12Yuj cha, 'ix yaln Dios 'a 'ixtic:
—Man̈ ach 'at yet' jun tzo'n̈ winc cha, matz tac' a catb'tzan jun tzo'n̈ 'anma cha, yujto an tzwac' in wach'c'ojlal 'a yib'n̈ eb', xchi Dios.
13Ax yic 'ix sacb'el 'a junx c'u cha, 'ix q'ue wan Balaam, 'ix yaln 'a eb' schecb' win Balac chi 'ixtic:
—A ticnec paxn̈ec 'a e chon̈ab', yujto a Jehová matz in schaj 'at eyet' 'a e chon̈b' cha, xchi.
14Ax eb' yichm wincal chon̈b' Moab, 'ix meltzj eb' 'a 'aj 'aycn Balac, 'ix yaln eb' sc'och 'a 'ixtic:
—A Balaam ma'ix yal sc'ojl xcot quet' on̈, xchi eb'.
15Palta ax win Balac, ma'ix schaj yab'i', yuj cha, 'ix schecn pax jaywn̈ xo ewin 'ec'b'al yopiso 'a yib'n̈ ewin xit' cha, 'ec'b'al xo sb'isl eb' 'ix 'atxi. 16'Ix 'atx eb' 'a win Balaam, 'ix yaln eb' 'a win 'ixtic:
—On̈ schecx cot Balac, win yunnal Zipor 'ayach, yic tzwul calnoc: To man̈ 'a mac'c tas tzyala. 17Yujto tzyal 'ixtc 'ayach: Caw niwn yel'ch 'oj ach wutoc. A tas 'oj a c'an 'ayin, 'oj wa'n̈j 'ayach. Yuj cha, tzin tew wal 'ayach, to tza yiclj a coti, yic tza catb'tzan jun tzo'n̈ 'anma tic, xchi Balac, xchi eb' 'a 'a.
18Palta 'ix ta'w Balaam 'a eb', xyaln 'ixtic:
—Wach'xam b'ut'jnac sdespacho Balac yet' smasnil q'uen oro mto q'uen plata yic tzya'n 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'. 19Palta tzwal 'ayex, tztac' e can wet' 'a jun 'ac'wl tic, ax wilni tas 'oj yutc Jehová yaln 'ayin, xchi 'a eb'.
20Ax 'a jun 'ac'wl cha, 'ix sch'oxn sb'a Dios 'a Balaam, 'ix yaln 'a 'ixtic:
—Toto ojn̈ej 'ix japx jun tzo'n̈ winc cha, q'uen̈ wa'an tztac' a 'at yet' eb', palta cojn tas 'oj wal 'ayach, a chi tz'at a b'o', xchi.
Tenb'il 'och wan Balaam*r* yuj jun yángel Jehová
21Ax 'a junx c'u cha, 'ix q'ue wan Balaam, xya'n 'och stz'um jun 'axna, 'ix 'at yet' eb' yichm wincal chon̈b' Moab. 22'Ix q'ue Balaam 'a yib'n̈ no 'axna cha, x'och tza'n chawn̈ eb' schecb' yu'uj.
Palta ax Dios 'ix cot yowl 'a 'a, yujto 'ix 'at yet' eb' winc cha. Yuj cha, ax jun yángel Jehová 'ix wul macnoc yol sb'e, sec man̈xtzac stac' yeq'ui. 23A no 'axna cha, 'ix yil sb'a no 'a jun yángel Jehová lin̈n 'ec' 'a yol b'e, yamb'il jun espada yu'uj. Yuj cha, 'ix yi'n 'el sb'a no 'a yol b'e cha. 'Ix 'at no 'a calcte', 'ix syamn 'och Balaam sma'n no', sec tz'ochx no 'a yol b'e cha. 24Ax jun yángel Jehová cha, 'ix 'ochx lin̈n jun 'ejm xo 'a yol b'e 'aj caw lot'an. A 'a scal nan̈l te uva, ata tz'ec' jun b'e cha, ax q'uen q'ue'en, a q'uen latz'b'il scol-lalc 'a sti b'e cha. 25A yic xyiln pax sb'a no 'axna chi 'a jun yángel Jehová cha, 'ix squiln 'och sb'a no 'a sat q'uen q'uen chi 'a sti b'e cha. 'Ix sc'an̈tzan 'och no yoc win Balaam chi 'a sat q'ue'en. Yuj cha, 'ix sma'n pax win no jun 'ejm xo. 26Ax jun yángel Jehová cha, 'ix b'ab'lj yuj eb', ax wal 'a jun lugar 'aj caw lot'n b'e cha, ata 'ix 'ochx lin̈an. Ata', may xon 'aj wach' yel no 'a sti b'e cha. 27'Ix yiln pax sb'a no 'axna chi 'a jun yángel Jehová cha. 'Ix 'em lachn no 'a sat lu'um, yujto man̈x 'a 'aj wach' sc'och no'. Yuj cha, caw 'ix cot yowl Balaam, syamn 'och win sma'n no yet' sc'ococh. 28Ax 'a jun rato cha, 'ix ya'n Jehová paxtinc no 'axna cha, xyaln no 'ixtc 'a win Balaam:
—¿Tas tzach wutej, yuj cha, yox 'ejmal xo in a ma'n tic? xchi no'.
29—Yujto yel xo wal tzin extej. ¡Comnoc wal 'ay junc q'uen espada 'ayc' 'a in tz'ey tic, wal tic tzach in tzu'n can chamoc! xchi win 'a no'.
30Palta ax no 'axna cha, 'ix yaln no 'ixtc 'a winac:
—A chej waj 'a smasnil tiempo. Tzach 'ochn̈j 'a wib'an̈. May 'aj 'ixta xon tzach wutej, xchi no'.
—Yel ton tzala, xchi Balaam.
31Ax Jehová 'ix ch'oxn yil Balaam jun yángel cha. Lin̈n 'ec' 'a snan̈l yol b'e, yamb'il jun q'uen espada yu'uj. A yic xyiln sb'a Balaam 'a jun ángel cha, 'ix 'em n̈ojnjoc 'a sat lu'um, masnto squil 'ejm snan̈l sat. 32Yuj cha, xyaln jun yángel Jehová chi 'a 'ixtic:
—¿Tas yuj 'ix a mac' no a 'axna chi 'ox 'ejem? An ton 'ix in mac yol a b'e tic, yujto maysch'olnil tas tz'at a nib'j a b'o'. 33A no chej tic, in yil no', yuj cha, xyi'n 'el sb'a no 'ox 'ejm 'a yol b'e tic. Q'uinloc ma'ix snitzl sb'a no', tox ach in milcn cham ticnec, ax no 'axna tic, matz cham no', xchi jun ángel cha.
34Xlajw cha, 'ix ta'w Balaam 'a jun yángel Jehová chi 'ixtic:
—'Ix 'och wal ton in mul. Man̈ wojcoc toto ach tza mac yol in b'e tic, yuj cha, toto matz yal a c'ojl tzin 'ati, tztac' in meltzji, xchi.
35Palta 'ix ta'w jun yángel Jehová chi 'ixtc 'a Balaam:
—Tztac' cab' a 'at yet' jun tzo'n̈ 'anma tic, palta cojn tas 'oj wac' ala', a chi 'oj ala', xchi.
Yuj cha, 'ix 'at Balaam yet' eb' schecb' win Balac cha.
'Ix 'at Balac scha Balaam
36Ax yic xyab'n sb'a Balac to wan sc'och Balaam, 'ix wul schanc 'a jun chon̈b' 'ay 'a yol yic Moab, 'a sla'nil sti a niwquil a Arnón, atn jun 'ay 'a sti mon̈jon cha. 37'Ix yaln win Balac 'ixtc 'a Balaam: Caw wal yelc'ojlal 'awtb'ilch cot wu'uj. ¿Tas pax yuj 'ijn matz ach jawi? ¿Am a nani to ma'oj tza'wnoc wa'n tas tza nib'ej? xchi.
38'Ix ta'w Balaam, xyaln 'a Balac 'ixtic:
—Man̈ ach 'och 'il, 'ayn xo 'ec' et'oc. Palta may tas 'oj stac' waln 'a yol wico', cojn tas 'oj yac' Dios wala', atn chi 'oj stac' walni, xchi.
39Xlajw cha, 'ix 'at Balaam yet' win Balac 'a chon̈b' Quiriat-huzot. 40Ata 'ix yac' win Balac milxoc no wacax yet' no calnelu, sec tz'ajx no schi Balaam yet' eb' 'ichmtac winc ajun yet' cha.
41Ax 'a yic sq'uin̈b'il 'a junx c'u, 'ix yi'n 'at Balac chi win Balaam. Xlajw cha, xyi'n q'ue 'a sjolm jun lum witz tzcuch Bamot-baal, yujto ata checl scamplamento eb' israel.
Actualmente seleccionado:
Nm 22: CSS
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
Nm 22
22
'Awtb'il win Balaam yuj win Balac
1'Ix cotx eb' israel, axta xjaw eb' 'a lum ya'lical Moab, 'a stojlal 'aj tzq'uel c'u 'a sla'nil sti a Jordán, 'a yojltac Jericó.
2Ax xyab'n win Balac sreyl Moab, yunnal Zipor, tas 'ix 'aj eb' amorreo yuj eb' israel cha. 3'Ix xiw chan̈ yet' eb' 'anma 'ay 'a yol yic Moab, yujto 'ix yil eb', to caw niwn sb'isl eb' israel cha. 4Yuj cha, 'ix yaln eb' 'anma yic Moab 'a eb' yichm wincal chon̈b' Madián 'ixtic: Smasnil jun tzo'n̈ 'anma tic, 'oj juwc 'el qui lum tic yuj eb', 'icha wal tz'aj slajw 'el te c'ultc yuj no wacax, 'ixta 'oj 'aj lu'um, xchi eb'.
5Yuj cha, 'ix 'at ya'nc win Balac cot jun win 'ay tas tztac' yu'uj, atn Balaam, win yunnal Beor. Ata cajn win 'a jun lugar tzcuch Petor, 'a sla'nil sti a Éufrates 'a yol smacb'en Amav. 'Ix ya'n 'at Balac jun tzo'n̈ schecb' 'a Balaam cha, yic tz'at yalnc eb' 'a 'ixtic: A 'a Egipto, ata 'ix cot jun chon̈b'al eb' 'anma', ax ticnec 'ix b'ut'j 'ejm eb' 'a sat in lu'um, 'ix jaw eb' 'a in tz'ey. 6Yuj cha, cotn̈ muc'uc, wul catb'tzej can jun tzo'n̈ 'anma tic in c'ana', yujto caw jeln pax eb' 'a quib'n̈ on̈. Comnoc 'oj stac' wa'n ganar wi'n 'el eb' 'a yol in chon̈b' tic. Yujto wojtac, a tas tza catb'tzej, yet' tas 'aj tzal a wach' paxti', to tz'el'chn̈ej, xchi Balac.
7Ax eb' yichm wincal chon̈b' Moab yet' eb' yic Madián, 'ix 'at eb' 'a 'ajtil 'ayc' Balaam cha. Caw niwn tumn 'ix yij 'at eb', sec tztojcn eb' jun tzo'n̈ catb' cha. A yic xc'och eb' 'a Balaam, 'ix yaln eb' schecnb'il yet' yuj Balac. 8Ax Balaam cha, 'ix yal 'a eb' 'ixtic:
—A ticnec, cann̈ec wet' 'a jun 'ac'wl tic. A 'a tic 'oj e wayi, ax yic 'oj sacb'oc 'el q'uic'an, ax wa'n spac e checnb'il tic, a tzyal tas 'oj yutc Jehová yaln 'ayin, xchi 'a eb'. Yuj cha, 'ix way 'ejm eb' yichm wincal chon̈b' Moab 'a yatut Balaam. 9Palta ax Dios 'ix sch'ox sb'a 'a Balaam, 'ix sc'anb'n 'a 'ixtic:
—¿Mach jun tzo'n̈ winc chi 'ayc' et' cha? xchi.
10'Ix ta'w Balaam 'ix yaln 'ixtic:
—A Balac a 'ay schecb' ewinac, win yunnal Zipor sreyl Moab, to tzwul yac' win alxoc 'ayin, 11tolab' 'ay jun chon̈b'al eb' 'anma xcot 'a Egipto, ax ticnec xb'ut'j ab' 'ejm eb' 'a sat slu'um. Yuj cha, to tznib'j win tzin 'at 'a schon̈ab' yic tz'at in catb'tzan can jun tzo'n̈ 'anma cha, sec wach' 'oj techjoc spechn 'el win eb' 'anma chi 'a sat slum cha, xchi.
12Yuj cha, 'ix yaln Dios 'a 'ixtic:
—Man̈ ach 'at yet' jun tzo'n̈ winc cha, matz tac' a catb'tzan jun tzo'n̈ 'anma cha, yujto an tzwac' in wach'c'ojlal 'a yib'n̈ eb', xchi Dios.
13Ax yic 'ix sacb'el 'a junx c'u cha, 'ix q'ue wan Balaam, 'ix yaln 'a eb' schecb' win Balac chi 'ixtic:
—A ticnec paxn̈ec 'a e chon̈ab', yujto a Jehová matz in schaj 'at eyet' 'a e chon̈b' cha, xchi.
14Ax eb' yichm wincal chon̈b' Moab, 'ix meltzj eb' 'a 'aj 'aycn Balac, 'ix yaln eb' sc'och 'a 'ixtic:
—A Balaam ma'ix yal sc'ojl xcot quet' on̈, xchi eb'.
15Palta ax win Balac, ma'ix schaj yab'i', yuj cha, 'ix schecn pax jaywn̈ xo ewin 'ec'b'al yopiso 'a yib'n̈ ewin xit' cha, 'ec'b'al xo sb'isl eb' 'ix 'atxi. 16'Ix 'atx eb' 'a win Balaam, 'ix yaln eb' 'a win 'ixtic:
—On̈ schecx cot Balac, win yunnal Zipor 'ayach, yic tzwul calnoc: To man̈ 'a mac'c tas tzyala. 17Yujto tzyal 'ixtc 'ayach: Caw niwn yel'ch 'oj ach wutoc. A tas 'oj a c'an 'ayin, 'oj wa'n̈j 'ayach. Yuj cha, tzin tew wal 'ayach, to tza yiclj a coti, yic tza catb'tzan jun tzo'n̈ 'anma tic, xchi Balac, xchi eb' 'a 'a.
18Palta 'ix ta'w Balaam 'a eb', xyaln 'ixtic:
—Wach'xam b'ut'jnac sdespacho Balac yet' smasnil q'uen oro mto q'uen plata yic tzya'n 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'. 19Palta tzwal 'ayex, tztac' e can wet' 'a jun 'ac'wl tic, ax wilni tas 'oj yutc Jehová yaln 'ayin, xchi 'a eb'.
20Ax 'a jun 'ac'wl cha, 'ix sch'oxn sb'a Dios 'a Balaam, 'ix yaln 'a 'ixtic:
—Toto ojn̈ej 'ix japx jun tzo'n̈ winc cha, q'uen̈ wa'an tztac' a 'at yet' eb', palta cojn tas 'oj wal 'ayach, a chi tz'at a b'o', xchi.
Tenb'il 'och wan Balaam*r* yuj jun yángel Jehová
21Ax 'a junx c'u cha, 'ix q'ue wan Balaam, xya'n 'och stz'um jun 'axna, 'ix 'at yet' eb' yichm wincal chon̈b' Moab. 22'Ix q'ue Balaam 'a yib'n̈ no 'axna cha, x'och tza'n chawn̈ eb' schecb' yu'uj.
Palta ax Dios 'ix cot yowl 'a 'a, yujto 'ix 'at yet' eb' winc cha. Yuj cha, ax jun yángel Jehová 'ix wul macnoc yol sb'e, sec man̈xtzac stac' yeq'ui. 23A no 'axna cha, 'ix yil sb'a no 'a jun yángel Jehová lin̈n 'ec' 'a yol b'e, yamb'il jun espada yu'uj. Yuj cha, 'ix yi'n 'el sb'a no 'a yol b'e cha. 'Ix 'at no 'a calcte', 'ix syamn 'och Balaam sma'n no', sec tz'ochx no 'a yol b'e cha. 24Ax jun yángel Jehová cha, 'ix 'ochx lin̈n jun 'ejm xo 'a yol b'e 'aj caw lot'an. A 'a scal nan̈l te uva, ata tz'ec' jun b'e cha, ax q'uen q'ue'en, a q'uen latz'b'il scol-lalc 'a sti b'e cha. 25A yic xyiln pax sb'a no 'axna chi 'a jun yángel Jehová cha, 'ix squiln 'och sb'a no 'a sat q'uen q'uen chi 'a sti b'e cha. 'Ix sc'an̈tzan 'och no yoc win Balaam chi 'a sat q'ue'en. Yuj cha, 'ix sma'n pax win no jun 'ejm xo. 26Ax jun yángel Jehová cha, 'ix b'ab'lj yuj eb', ax wal 'a jun lugar 'aj caw lot'n b'e cha, ata 'ix 'ochx lin̈an. Ata', may xon 'aj wach' yel no 'a sti b'e cha. 27'Ix yiln pax sb'a no 'axna chi 'a jun yángel Jehová cha. 'Ix 'em lachn no 'a sat lu'um, yujto man̈x 'a 'aj wach' sc'och no'. Yuj cha, caw 'ix cot yowl Balaam, syamn 'och win sma'n no yet' sc'ococh. 28Ax 'a jun rato cha, 'ix ya'n Jehová paxtinc no 'axna cha, xyaln no 'ixtc 'a win Balaam:
—¿Tas tzach wutej, yuj cha, yox 'ejmal xo in a ma'n tic? xchi no'.
29—Yujto yel xo wal tzin extej. ¡Comnoc wal 'ay junc q'uen espada 'ayc' 'a in tz'ey tic, wal tic tzach in tzu'n can chamoc! xchi win 'a no'.
30Palta ax no 'axna cha, 'ix yaln no 'ixtc 'a winac:
—A chej waj 'a smasnil tiempo. Tzach 'ochn̈j 'a wib'an̈. May 'aj 'ixta xon tzach wutej, xchi no'.
—Yel ton tzala, xchi Balaam.
31Ax Jehová 'ix ch'oxn yil Balaam jun yángel cha. Lin̈n 'ec' 'a snan̈l yol b'e, yamb'il jun q'uen espada yu'uj. A yic xyiln sb'a Balaam 'a jun ángel cha, 'ix 'em n̈ojnjoc 'a sat lu'um, masnto squil 'ejm snan̈l sat. 32Yuj cha, xyaln jun yángel Jehová chi 'a 'ixtic:
—¿Tas yuj 'ix a mac' no a 'axna chi 'ox 'ejem? An ton 'ix in mac yol a b'e tic, yujto maysch'olnil tas tz'at a nib'j a b'o'. 33A no chej tic, in yil no', yuj cha, xyi'n 'el sb'a no 'ox 'ejm 'a yol b'e tic. Q'uinloc ma'ix snitzl sb'a no', tox ach in milcn cham ticnec, ax no 'axna tic, matz cham no', xchi jun ángel cha.
34Xlajw cha, 'ix ta'w Balaam 'a jun yángel Jehová chi 'ixtic:
—'Ix 'och wal ton in mul. Man̈ wojcoc toto ach tza mac yol in b'e tic, yuj cha, toto matz yal a c'ojl tzin 'ati, tztac' in meltzji, xchi.
35Palta 'ix ta'w jun yángel Jehová chi 'ixtc 'a Balaam:
—Tztac' cab' a 'at yet' jun tzo'n̈ 'anma tic, palta cojn tas 'oj wac' ala', a chi 'oj ala', xchi.
Yuj cha, 'ix 'at Balaam yet' eb' schecb' win Balac cha.
'Ix 'at Balac scha Balaam
36Ax yic xyab'n sb'a Balac to wan sc'och Balaam, 'ix wul schanc 'a jun chon̈b' 'ay 'a yol yic Moab, 'a sla'nil sti a niwquil a Arnón, atn jun 'ay 'a sti mon̈jon cha. 37'Ix yaln win Balac 'ixtc 'a Balaam: Caw wal yelc'ojlal 'awtb'ilch cot wu'uj. ¿Tas pax yuj 'ijn matz ach jawi? ¿Am a nani to ma'oj tza'wnoc wa'n tas tza nib'ej? xchi.
38'Ix ta'w Balaam, xyaln 'a Balac 'ixtic:
—Man̈ ach 'och 'il, 'ayn xo 'ec' et'oc. Palta may tas 'oj stac' waln 'a yol wico', cojn tas 'oj yac' Dios wala', atn chi 'oj stac' walni, xchi.
39Xlajw cha, 'ix 'at Balaam yet' win Balac 'a chon̈b' Quiriat-huzot. 40Ata 'ix yac' win Balac milxoc no wacax yet' no calnelu, sec tz'ajx no schi Balaam yet' eb' 'ichmtac winc ajun yet' cha.
41Ax 'a yic sq'uin̈b'il 'a junx c'u, 'ix yi'n 'at Balac chi win Balaam. Xlajw cha, xyi'n q'ue 'a sjolm jun lum witz tzcuch Bamot-baal, yujto ata checl scamplamento eb' israel.
Actualmente seleccionado:
:
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.