Nm 15
15
Sleyl tas tz'aj yajx xajmb'al
1'Ix yaln Jehová 'ixtc 'a Moisés:
2Al jun tzo'n̈ tic 'a eb' et israelal, to an tzwal 'ixtc 'a eb': A yic tzex c'och 'a sat lum lum tzwac' eyico'oc, lum 'aj 'oj eyaj cajn cha, 3tzeyac' junc no quelm wacax, mto junc no cob's calnelu xajmb'al-l 'ayn an Jehová in, tzeya'n tz'a no 'a wojltac, yujto wach' sjab' tzwab'i, tzeyac' 'ayn yuj eya'n 'el'choc junc e ti', mto ton̈j tz'el 'a e c'ojl eya'ni, mto tzeyac' pax yuj junc q'uin̈. 4A mach tzyac' junc xajmb'al 'ayin, yowlal tzyac' pax chan̈e'oc libra 'ixm harina caw wach' ofrendail yet' no xajmb'al cha, wach' cab' tz'aj scalx yet' junc litro aceite. 5A yet' no xajmb'al tox xwal cha, yowlal tz'ajx pax junc litro yal uva ofrendail yet' junjn quelm calnelu cha. 6Toto mam calnelu no tz'ajx xajmb'al-l cha, tz'ajx pax wajxque'oc libra harina ofrendail yet' no', 'ec'b'al cab' jun litro aceite tz'at 'a scal. 7'Ec'b'al cab' pax jun litro yal uva tz'ajx yet'oc, yujto a jun tzo'n̈ xajmb'al cha, wach' sjab' tzwab'i. 8Toto quelm wacx no xajmb'al cha, 'ajx cab' tz'a no', yic tzeya'n 'el'choc junc e ti', mto xajmb'al yic junc'ojlal. 9Yowlal tz'ajx pax lajchwe'oc libra 'ixm harina yet' no xajmb'al cha, wach' tz'aj scalx yet' chab'oc litro aceite, 10chab' pax litro yal uva tz'ajx yet'oc, yujto a jun tzo'n̈ cha, xajmb'al to tz'a'i, wach' sjab' tzwab'i. 11Atn jun tzo'n̈ cha, yowlal tzeyac' yet' junjn no wacx cha, mto mam calnelu, mto quelm calnelu mto junc no yune chiwo tzeyac'a. 12A tzyal sb'isl no xajmb'al chi tz'ajx cha, 'ixta pax sb'isl jun tzo'n̈ xo ofrenda chi tzeyac' yet'oc. 13E masnil ax israel ex tic, yowlal tzeyiclj jun tzo'n̈ ley tic, yic tzeya'n tz'a e xajmb'al 'a wojltac, yujto a jun tzo'n̈ cha, to wach' sjab' tzwab'i.
14Toto a junc chuc chon̈b'al ton̈j tz'ec' 'a e cal, mto cajn 'ec' eyet' jun, toto tznib'j tzyac' junc xajmb'al 'ayn an Jehová in, ya' cab' tz'a'oc, yujto wach' sjab' tzwab'i, palta yowlal tzyiclj in ley tzeyiclj ax tic. 15A jun in ley tic, tz'och yopiso 'ayex yet' 'a eb' chuc chon̈b'al. 'Oj sc'anlb'ocn̈ej eb' eyin̈tl b'aq'uin̈. 16Junn̈j ley 'oj e c'anlb'oc ax tic, yet' pax eb' chuc chon̈b'al 'ayc' eyet'oc, xchi Dios.
17'Ix yaln pax Jehová 'a Moisés 'ixtic:
18Tzal jun tzo'n̈ xo tic 'a eb' et israelal cha, to an tzwal 'a eb' 'ixtic: A yic 'ayx xo 'ec' 'a sat lum lum 'aj tzex wij 'at cha, 19'oj laj e wa 'ixm trigo tzyac' lum lum cha, palta yowlal tzeyij can 'el jun c'ajoc 'ixm tzeyac' ofrendail 'ayin. 20'Icha tzeyutj eya'n 'ixm b'ab'l sat trigo tzte'x 'el cha, 'ixta pax tzeyutj 'ixm b'ab'l pan tze b'o yet' 'ixm harina, to tzeyac' ofrendail 'ayin. 21A jun tzo'n̈ ofrenda cha, 'oj eyac' 'ayn an Jehová in 'a smasnil tiempo.
22-23Nac wal si'mb'il yuj jun tzo'n̈ checnb'il waljnac 'ayx 'a yictax b'ab'el, sec tzeyiclj ax tic, ax syiclni pax eb' eyin̈tl b'aq'uin̈; toq'ue tzlaj sat e c'ojl eyiclni. Yowlal 'oj eyiclc jun tzo'n̈ xo 'oj wal tic:
24Toto 'ay junc checnb'il tic tz'at satc'ojlal yuj eb' chon̈b' smasnil, 'oj e mol 'a'c junc no quelm wacx xajmb'al-l 'ayn an Jehová in, tzeya'n tz'a no', yujto wach' sjab' tzwab'i, tzeya'n pax 'ixm harina yet' yal uva, 'icha yaj sleyal. Chuc pax tz'ajx junc no chiwo xajmb'al-l 'ayn yuj ya'n lajwc e mul cha. 25Tzlajw cha, ax win ya'mal 'och e ti 'ayin, a win tzb'on 'och no xajmb'al chi 'a wojltac 'a 'icha sleyal, sec tz'ajx lajwc e mul. 'Oj wac' niwnc'ojlal 'a eyib'an̈, yujto man̈ sc'anc e c'ojol. Yowlal tzeyac' eyofrenda cha, yet' xajmb'al tz'a'n lajwc e mul. 26Yuj jun tzo'n̈ xajmb'al cha, ax wa'n niwnc'ojlal 'a eyib'n̈ ax israel ex tic, yet' pax 'a eb' chuc chon̈b'al cajn 'a e cal, yujto man̈ sc'anc e c'ojl tz'och e mul.
27Toto a junc comn 'anma tz'och smul, to man̈ sc'anc sc'ojol, a junc 'anma cha, tzyac' junc no cob's chiwo jun ab'il sq'uinl xajmb'al-l yuj smul cha. 28Ax win ya'mal 'och e ti cha, a win tzb'on no xajmb'al cha, 'icha xon tz'aji, sec tz'ajx lajwc smul junc 'anma cha, sec 'ixta tzwutj wa'n niwnc'ojlal 'a yib'n̈ an Jehová in. 29Atn jun ley tic tz'och yopiso 'a e cal ax israel ex tic, yet' pax 'a eb' chuc chon̈b'al cajn 'ec' 'a e cal, toto man̈ sc'anc sc'ojl junc mach tz'och smul cha.
30Palta toto sc'an wal sc'ojl junc 'anma chi tzsay smuloc, toxn̈ej to eyit chon̈ab', mto chuc chon̈b'al, palta tz'och smul 'ayin, a jun 'anma cha, yowlal tz'ijx 'el 'a e cal. 31Yujto tzpatquilj can 'el in paxti an Jehová in, matz yiclj in checnb'il, yuj cha, mun wal tzyij cot 'a yib'an̈, yujto tenmtac, xchi Dios.
Chaml yuj matz yiclx sc'ul 'iljelal
32A yic 'ayc' eb' israel 'a lum cusltac lu'um, 'ix yiln sb'a eb' 'a jun win winac, to wan sayn sc'atztz 'a sc'ul 'iljelal. 33Ax eb' x'iln win cha, 'ix yi'n 'at eb' win 'a Moisés, 'a Aarón yet' 'a sat eb' chon̈b' chi smasnil. 34'Ix ya'n 'och eb' stan̈mal winac, yujto mant 'a yalnb'il tas tz'aji. 35Yuj cha, xyaln Jehová 'ixtc 'a Moisés: A jun winc cha, cham cab'i'. Smasnil eb' chon̈ab' sjulq'uenoc cab' eb' 'a spatquil 'el camplamento, xchi. 36Yuj cha, xyi'n 'el eb' chon̈b' chi 'a spatquil 'el scamplamento, axta sjulq'uenej eb', masnto xchami, 'icha wal xyutj Jehová yaln 'a Moisés, 'ixta 'ix 'aji.
Yelwnub'l sti pichul
37'Ix yaln Jehová 'a Moisés 'ixtic:
38Al yab' eb' et israelal, to an tzwal jun tzo'n̈ tic: Ax tic, yet' eb' eyin̈tl b'aq'uin̈, yowlal tz'och yelwnub'l sti schicn e pichul. A jun tzo'n̈ yelwnub'l pichl cha, tzb'o 'a te q'uic'mucnac ch'al, 39sec ax yic 'oj eyilnc 'och yelwnub'l e pichl cha, ax e nan cot smasnil jun tzo'n̈ checnb'il xwalcn 'ayex. Tze b'eylb'ej, sec wach' man̈toc comnxoj tzex yijcan 'at e tu nab'enal, mto e nib'b'en 'a maysch'olnil, yujto a jun tzo'n̈ chi tzex jun 'eli. 40Palta 'ixta 'oj eyutc e nan cot smasnil in checnb'il, ax e b'eylb'ani, yujto wic tzex 'aji, an xo e Diosal tzin 'aji. 41An tzwala, to an ex wij 'elt 'a Egipto, sec tzin 'och e Diosaloc. An ton Jehová e Diosal in, xchi Dios.
Actualmente seleccionado:
Nm 15: CSS
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
Nm 15
15
Sleyl tas tz'aj yajx xajmb'al
1'Ix yaln Jehová 'ixtc 'a Moisés:
2Al jun tzo'n̈ tic 'a eb' et israelal, to an tzwal 'ixtc 'a eb': A yic tzex c'och 'a sat lum lum tzwac' eyico'oc, lum 'aj 'oj eyaj cajn cha, 3tzeyac' junc no quelm wacax, mto junc no cob's calnelu xajmb'al-l 'ayn an Jehová in, tzeya'n tz'a no 'a wojltac, yujto wach' sjab' tzwab'i, tzeyac' 'ayn yuj eya'n 'el'choc junc e ti', mto ton̈j tz'el 'a e c'ojl eya'ni, mto tzeyac' pax yuj junc q'uin̈. 4A mach tzyac' junc xajmb'al 'ayin, yowlal tzyac' pax chan̈e'oc libra 'ixm harina caw wach' ofrendail yet' no xajmb'al cha, wach' cab' tz'aj scalx yet' junc litro aceite. 5A yet' no xajmb'al tox xwal cha, yowlal tz'ajx pax junc litro yal uva ofrendail yet' junjn quelm calnelu cha. 6Toto mam calnelu no tz'ajx xajmb'al-l cha, tz'ajx pax wajxque'oc libra harina ofrendail yet' no', 'ec'b'al cab' jun litro aceite tz'at 'a scal. 7'Ec'b'al cab' pax jun litro yal uva tz'ajx yet'oc, yujto a jun tzo'n̈ xajmb'al cha, wach' sjab' tzwab'i. 8Toto quelm wacx no xajmb'al cha, 'ajx cab' tz'a no', yic tzeya'n 'el'choc junc e ti', mto xajmb'al yic junc'ojlal. 9Yowlal tz'ajx pax lajchwe'oc libra 'ixm harina yet' no xajmb'al cha, wach' tz'aj scalx yet' chab'oc litro aceite, 10chab' pax litro yal uva tz'ajx yet'oc, yujto a jun tzo'n̈ cha, xajmb'al to tz'a'i, wach' sjab' tzwab'i. 11Atn jun tzo'n̈ cha, yowlal tzeyac' yet' junjn no wacx cha, mto mam calnelu, mto quelm calnelu mto junc no yune chiwo tzeyac'a. 12A tzyal sb'isl no xajmb'al chi tz'ajx cha, 'ixta pax sb'isl jun tzo'n̈ xo ofrenda chi tzeyac' yet'oc. 13E masnil ax israel ex tic, yowlal tzeyiclj jun tzo'n̈ ley tic, yic tzeya'n tz'a e xajmb'al 'a wojltac, yujto a jun tzo'n̈ cha, to wach' sjab' tzwab'i.
14Toto a junc chuc chon̈b'al ton̈j tz'ec' 'a e cal, mto cajn 'ec' eyet' jun, toto tznib'j tzyac' junc xajmb'al 'ayn an Jehová in, ya' cab' tz'a'oc, yujto wach' sjab' tzwab'i, palta yowlal tzyiclj in ley tzeyiclj ax tic. 15A jun in ley tic, tz'och yopiso 'ayex yet' 'a eb' chuc chon̈b'al. 'Oj sc'anlb'ocn̈ej eb' eyin̈tl b'aq'uin̈. 16Junn̈j ley 'oj e c'anlb'oc ax tic, yet' pax eb' chuc chon̈b'al 'ayc' eyet'oc, xchi Dios.
17'Ix yaln pax Jehová 'a Moisés 'ixtic:
18Tzal jun tzo'n̈ xo tic 'a eb' et israelal cha, to an tzwal 'a eb' 'ixtic: A yic 'ayx xo 'ec' 'a sat lum lum 'aj tzex wij 'at cha, 19'oj laj e wa 'ixm trigo tzyac' lum lum cha, palta yowlal tzeyij can 'el jun c'ajoc 'ixm tzeyac' ofrendail 'ayin. 20'Icha tzeyutj eya'n 'ixm b'ab'l sat trigo tzte'x 'el cha, 'ixta pax tzeyutj 'ixm b'ab'l pan tze b'o yet' 'ixm harina, to tzeyac' ofrendail 'ayin. 21A jun tzo'n̈ ofrenda cha, 'oj eyac' 'ayn an Jehová in 'a smasnil tiempo.
22-23Nac wal si'mb'il yuj jun tzo'n̈ checnb'il waljnac 'ayx 'a yictax b'ab'el, sec tzeyiclj ax tic, ax syiclni pax eb' eyin̈tl b'aq'uin̈; toq'ue tzlaj sat e c'ojl eyiclni. Yowlal 'oj eyiclc jun tzo'n̈ xo 'oj wal tic:
24Toto 'ay junc checnb'il tic tz'at satc'ojlal yuj eb' chon̈b' smasnil, 'oj e mol 'a'c junc no quelm wacx xajmb'al-l 'ayn an Jehová in, tzeya'n tz'a no', yujto wach' sjab' tzwab'i, tzeya'n pax 'ixm harina yet' yal uva, 'icha yaj sleyal. Chuc pax tz'ajx junc no chiwo xajmb'al-l 'ayn yuj ya'n lajwc e mul cha. 25Tzlajw cha, ax win ya'mal 'och e ti 'ayin, a win tzb'on 'och no xajmb'al chi 'a wojltac 'a 'icha sleyal, sec tz'ajx lajwc e mul. 'Oj wac' niwnc'ojlal 'a eyib'an̈, yujto man̈ sc'anc e c'ojol. Yowlal tzeyac' eyofrenda cha, yet' xajmb'al tz'a'n lajwc e mul. 26Yuj jun tzo'n̈ xajmb'al cha, ax wa'n niwnc'ojlal 'a eyib'n̈ ax israel ex tic, yet' pax 'a eb' chuc chon̈b'al cajn 'a e cal, yujto man̈ sc'anc e c'ojl tz'och e mul.
27Toto a junc comn 'anma tz'och smul, to man̈ sc'anc sc'ojol, a junc 'anma cha, tzyac' junc no cob's chiwo jun ab'il sq'uinl xajmb'al-l yuj smul cha. 28Ax win ya'mal 'och e ti cha, a win tzb'on no xajmb'al cha, 'icha xon tz'aji, sec tz'ajx lajwc smul junc 'anma cha, sec 'ixta tzwutj wa'n niwnc'ojlal 'a yib'n̈ an Jehová in. 29Atn jun ley tic tz'och yopiso 'a e cal ax israel ex tic, yet' pax 'a eb' chuc chon̈b'al cajn 'ec' 'a e cal, toto man̈ sc'anc sc'ojl junc mach tz'och smul cha.
30Palta toto sc'an wal sc'ojl junc 'anma chi tzsay smuloc, toxn̈ej to eyit chon̈ab', mto chuc chon̈b'al, palta tz'och smul 'ayin, a jun 'anma cha, yowlal tz'ijx 'el 'a e cal. 31Yujto tzpatquilj can 'el in paxti an Jehová in, matz yiclj in checnb'il, yuj cha, mun wal tzyij cot 'a yib'an̈, yujto tenmtac, xchi Dios.
Chaml yuj matz yiclx sc'ul 'iljelal
32A yic 'ayc' eb' israel 'a lum cusltac lu'um, 'ix yiln sb'a eb' 'a jun win winac, to wan sayn sc'atztz 'a sc'ul 'iljelal. 33Ax eb' x'iln win cha, 'ix yi'n 'at eb' win 'a Moisés, 'a Aarón yet' 'a sat eb' chon̈b' chi smasnil. 34'Ix ya'n 'och eb' stan̈mal winac, yujto mant 'a yalnb'il tas tz'aji. 35Yuj cha, xyaln Jehová 'ixtc 'a Moisés: A jun winc cha, cham cab'i'. Smasnil eb' chon̈ab' sjulq'uenoc cab' eb' 'a spatquil 'el camplamento, xchi. 36Yuj cha, xyi'n 'el eb' chon̈b' chi 'a spatquil 'el scamplamento, axta sjulq'uenej eb', masnto xchami, 'icha wal xyutj Jehová yaln 'a Moisés, 'ixta 'ix 'aji.
Yelwnub'l sti pichul
37'Ix yaln Jehová 'a Moisés 'ixtic:
38Al yab' eb' et israelal, to an tzwal jun tzo'n̈ tic: Ax tic, yet' eb' eyin̈tl b'aq'uin̈, yowlal tz'och yelwnub'l sti schicn e pichul. A jun tzo'n̈ yelwnub'l pichl cha, tzb'o 'a te q'uic'mucnac ch'al, 39sec ax yic 'oj eyilnc 'och yelwnub'l e pichl cha, ax e nan cot smasnil jun tzo'n̈ checnb'il xwalcn 'ayex. Tze b'eylb'ej, sec wach' man̈toc comnxoj tzex yijcan 'at e tu nab'enal, mto e nib'b'en 'a maysch'olnil, yujto a jun tzo'n̈ chi tzex jun 'eli. 40Palta 'ixta 'oj eyutc e nan cot smasnil in checnb'il, ax e b'eylb'ani, yujto wic tzex 'aji, an xo e Diosal tzin 'aji. 41An tzwala, to an ex wij 'elt 'a Egipto, sec tzin 'och e Diosaloc. An ton Jehová e Diosal in, xchi Dios.
Actualmente seleccionado:
:
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.