Lv 12
12
Tzsacb'tzej sb'a 'ix 'ix*r* 'a yic tox x'alj yune 'ix
1'Ix yaln Jehová 'a Moisés 'ixtic:
2Al yab' smasnil eb' et israelal to an tzwal jun tzo'n̈ tic: Toto 'ay junc 'ix 'ix tz'alj junc swinc 'unin, man̈ wach'c tz'ajcn 'ix 'a uque c'ual, 'icha yaln sleyal yic tzyiln 'ix a a 'a junjn 'ejem. 3Ax 'a yucb'ixial yalj jun winc 'unn cha, tz'ajx circuncidar. 4Ax 'ix nunb'il cha, 33 to c'u man̈ wach'c tz'ajcn 'ix. Matz tac' syamn 'ix junc tas to wic yaji, matz tac' pax wul yalnc sb'a 'ix 'ayn 'a in cajnub' ya' sb'a mantzac tz'acw stiempoal sacb'tzan sb'a 'ix. 5Palta toto 'ix 'unn jun yune 'ix chi tz'alji, man̈ wach'c 'ix 'a chan̈lajn̈e c'ual, 'icha xon tz'aj 'a yic tzyiln 'ix a a 'a junjn 'ejem. Tzlajw cha, 66 to c'u tzcan 'ix yic tzsacb'tzan sb'a 'ix.
6A yic tz'acw jun tzo'n̈ sc'ul 'a yic tzb'ox can 'el'ch sc'ojl 'ix, wach'xam winc 'unin, mto 'ix 'unn jun yune 'ix cha, yowlal tzyij cot 'ix nunb'il chi junc no quelm calnelu jun ab'il sq'uinal yet' junc no cowojte', mto junc no parama. Tzya'n 'ix no 'a win ya'mal 'och sti eb' 'anma', yic tz'a no xajmb'al-l 'a yojltac Mantiado 'a 'aj tzin chaj in b'a eyet'oc. 7Ax win ya'mal 'och sti eb' 'anma chi tz'a'n 'och no xajmb'al-l 'a wojltac an Jehová in, yuj yajx lajwoc mul. 'Ixta tz'aj sacb'tzan sb'a 'ix yuj syailal cha.
Atn jun tzo'n̈ cuynb'il tic, 'a yic tz'alj eb' winc 'unin, mto 'ix 'unin. 8Toto a 'ix nunb'il cha, matz tac' ya'n 'ix junc no calnelu, tztac' tzyij cot 'ix chawn̈oc no cowojte', mto chawn̈oc no parama, ax win ya'mal 'och sti eb' 'anma chi tz'a'n tz'a junc no xajmb'alil, ax junc xo no tz'ajx xajmb'al-l yuj mul. 'Ixta tz'aj sacb'tzan sb'a 'ix sec tztac' sjapx 'ix yalsb'a 'ayn 'a in cajnub', xchi Dios 'a Moisés.
Actualmente seleccionado:
Lv 12: CSS
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
