2 S 22
22
Sb'it rey David yuj xyac' ganar owal
(Sal 18.1-50)
1'Ix sb'itnej rey David jun b'it tic 'a Jehová, yic sc'ul xcolx 'el yuj Jehová 'a yol sc'ab' Saúl, yet' 'a yol sc'ab' jun tzo'n̈ xo eb' 'ajc'ojl yajch 'a 'a. 2'Ix yaln 'ixtic:
Mamin Jehová, 'icha to in n̈aq'uen aji, 'icha to in cuartel aji, in colmal ach.
3Ach in Diosal, ach 'aych 'och yipc in c'ojol, a 'aych tzin col in b'a, in tan̈mal aji, in colmal ach, caw wal 'ay ep. Oj wali, yuj cha, matz in yamchj yuj eb' 'ajc'ojl yajch 'ayin. Ach in a col 'a mach xnib'n in satn 'eli.
4Ach Jehová, smoj wal yalx wach' paxti 'ayach; a yic tzin 'awj 'ayach, yajn̈ej tzin a coln 'el 'a yol sc'ab' eb' 'ajc'ojl yajch 'ayin.
5A chamel, 'ix 'ec' oyyoc 'a in patic; 'ix jaw xiwc'ojlal 'ayn yuj eb' milm 'anma'.
6'Icha to tox x'och sut'n 'ayn 'icha lasu; a jun xab' oln yic chamel, 'icha to in syalej 'a junc ya'al.
7A yic 'ayn 'ec' 'a scal in somc'ojlal, xwaln in b'a 'a Jehová, xin c'ann scolwal in Diosal, 'ix yab'n yel waw yic 'ayc' 'a yol yatut, ¡'Ix c'och waw 'a schiquin!
8Xlajw cha, 'ix 'ec' jun niwquil quixcab', 'ix 'ib'x smasnil sb'achnub'al satcha'an̈; 'ix tzicb'tan̈x wal si'mb'il yuj yowl sc'ojl Dios.
9'Ix 'elt tab' 'a yol sn̈i', ax 'a yol sti', 'ix 'elt jun c'ac' tzsatn 'el smasnil tas. 'Ix 'elt jupljoc stzac'ac' 'a yol sti cha.
10Yajn̈ej 'ix cot 'a satcha'an̈, 'ix 'eml 'a tic, ¡ax jun q'uic' 'asn 'aych ste'nub'oc!
11'Ix q'ue 'a yib'n̈ jun querubín, 'ix 'at jen̈n̈oc; 'ix 'at jen̈n̈oc 'a yib'n̈ 'ic'.
12Ax q'uic'q'uinal, a x'och oyn yen̈loc, 'ix sc'ub'j 'el sb'a 'a scal q'uic' 'asn 'aych yalil.
13'Ix laj 'eltoc raya 'a yojltac; 'ix chac'b' sc'a'l jun tzo'n̈ stzac'ac' yu'uj.
14A Jehová caw niwn yel'chi, 'ix 'el yaw 'icha wal sc'an̈ c'u 'a satcha'an̈.
15'Ix sjuln cot sjul-lab', atn raya, ax eb' 'ajc'ojl yajch 'ayin, 'ix 'at eb' 'eloc, 'ix satl eb' yu'uj.
16'Ix checlj chan̈ yich a mar yu'uj, ax sb'achnub'al yaln̈ yolyib'n̈q'uinal 'ix 'ilxi, yujto caw ow 'ix 'awj Jehová, caw ow pax jun 'ic' 'ix ya' coti.
17'Ix sb'ach cot Dios sc'ab' 'ayn 'a satcha'an̈, 'icha to in yij q'uet yet' sc'ab' 'a xab'l yich a mar.
18In scolcn 'el 'a yol sc'ab' eb' 'ajc'ojl yajch 'ayin, atn eb' matz in nib'ni, yel xo caw 'ay yip eb' 'a wib'an̈.
19'Ix 'och oyn eb' 'ayin, yic 'ayn 'och 'a 'ilc'ojlal, palta ax Jehová, a 'ix 'och wet'oc.
20In scolcn 'elta, in ya'n can 'a jun lugar caw lewan 'a 'aj may tzin 'i'ni, yujto tzin schamc'ojlej.
21A Jehová, 'ix yac' spac wico', yujto wach' in b'eyb'al.
22Tzin b'eylb'ej sb'eyb'al Jehová, may 'ajtil xwij 'el in b'a 'a stz'ey in Diosal yic tzin b'on stu'al.
23'Ayc'n̈ej smasnil schecnb'il 'a in nab'en, may 'aj xwij 'el in nab'en 'a sley.
24Wach'n̈j xwutj in b'eyb'al 'a yojltac, yujto xwij 'el in b'a 'a maysch'olnil.
25Yuj cha, spactzan Jehová in tojlal, yujto wach' in b'eyb'al 'a yojltac.
26Ach tic Mamin, tzac' 'el'choc a ti 'a eb' yiclum 'ayach, a mach wach' snab'en, wach' pax tzotj a nab'en 'a 'a.
27Wach' tzotj a b'a 'a eb' wach' tzyutj sb'a 'ayach, palta tza ch'ox a jelnal 'a yib'n̈ eb' jeln yixtn 'anma'.
28Yujto ach tza col eb' 'emmquilal yeq'ui, ax eb' b'an̈quintac, ach tzejcan 'ejm eb'.
29Mamin Jehová, ach ton sacq'uinl aj 'ayin; ach in Diosal, ach 'oj e'cn 'el q'uic'q'uinl 'ayin.
30Yet' 'a colwal ach in Diosal, ax wa'n owl yet' eb' soldado 'ajc'ojl yajch 'ayin, ax we'cn 'a yib'n̈ smuroal schon̈b' eb'.
31Caw wal wach' sb'eyb'al Jehová Dios; a tas alb'il can yu'uj, smoj wal tzca'ch yipc qui c'ojol. Tzcolcn 'el smasnil mach to a Dios yipc'ojlal yaj yu'uj.
32May junc xo Dios, cojxn Jehová. ¿Tom 'ay junc comn dios tztac' on̈ scoln 'icha qui Diosal?
33A Dios a tz'a'n wip, a tzb'on in b'eyb'al.
34'Icha sjelnal sb'ey no c'ultquilchej, 'ixta in b'ey yu'uj, a tz'a'n wip yic tzin 'ec' 'a 'aj pa'ctac.
35A tzin cuyn wa'n owal, tzya'n wip yic tzin pacn in jul-lab' to nab'a bronce.
36Ach tzin a molo, tzin a coln paxi; a 'a wach' c'ab', a tzin yamn 'och wa'an, yuj a wach' nab'enal, wach' tzin 'el'chi.
37Caw wach' jun b'e 'aj tzin ej b'eyoc, sec wach' matz in tench woc.
38'Ix in pech b'eyc'oc eb' 'ajc'ojl yajch 'ayin, 'ix yamchj eb' wu'uj, masnto xcham eb' wu'uj.
39¡Choc' xwutj can eb'! Caw ch'iyquixtac xwutj can eb', sec wach' man̈xtzac niwtj pax chan̈ eb' jun 'ejm xo ¡'Ix telw can 'ejm eb' 'a scal woc!.
40Ach 'ix ac' wip yic xwa'n owal; a eb' 'ajc'ojl yajch 'ayin, 'ix 'ac' yic' 'ejm sb'a eb' 'a wojltac.
41A eb' 'ajc'ojl yajch 'ayin, 'ix 'at eb' 'elc 'a wojltac. 'Ixtnta xwutj in satn 'el eb' matz in nib'ni.
42'Ix sc'an eb' colwal, palta may mach xcoln eb'; 'ix cob' yal sb'a eb' 'aych Mamin Jehová, palta toc ach ta'w 'a eb'.
43Caw choc' 'ix 'aj eb' wu'uj, 'icha wal lum pococ xwutj in te'n chojc eb', 'icha wal tz'aj ste'x lum b'i'ch 'a yol caye.
44In a colcn 'a yol sc'ab' eb' chon̈ab', in a'n 'och syajlilc niwc chon̈ab'. A eb' 'anma man̈ wojcoc, a eb' tzin 'a'n servil.
45A yic tzyab'n eb' wab'xil yiclum tzyutj sb'a eb' 'ayin, ax eb' chuc chon̈b'al, tzya'ch sb'a eb' in checb'oc.
46A eb' chuc chon̈b'al cha, xlaj xiw chan̈ eb', caw tz'ib'x eb' yic tz'elt eb' 'a yol yet'l 'aj tzcol sb'a.
47Mamin Jehová pitzn achn̈ej. Alx cab' wach' paxti 'aych ach in Colmal; 'ijx cab' chan̈ a b'i ach in Diosal, to in Colmal aji.
48Ach in Diosal tza pactzej 'a eb' tzin 'ixtni, tza'n can 'och jun tzo'n̈ chon̈b' 'a yol in c'ab'.
49Tzin a coln 'el 'a eb' 'ajc'ojl yajch 'ayin, yet' 'a eb' maysch'olnil sb'eyb'al. Mamin Jehová, ach tzin a col 'a eb' 'anma tzchichn 'och 'ayin.
50Yuj cha, tzwal in wach' paxti 'aych 'a scal eb' 'anma 'a junjn nacion̈, tzin b'itnan pax wal a b'i.
51O'oj, tzwa'n ganar niwc owl an reyn tic, to sic'b'iln 'el o'oj.
Yuj a chamc'ojlal, tzach 'och wet' an David in tic, yet' eb' win̈tl 'a smasnil tiempo, xchi David.
Actualmente seleccionado:
2 S 22: CSS
Destacar
Compartir
Comparar
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.
2 S 22
22
Sb'it rey David yuj xyac' ganar owal
(Sal 18.1-50)
1'Ix sb'itnej rey David jun b'it tic 'a Jehová, yic sc'ul xcolx 'el yuj Jehová 'a yol sc'ab' Saúl, yet' 'a yol sc'ab' jun tzo'n̈ xo eb' 'ajc'ojl yajch 'a 'a. 2'Ix yaln 'ixtic:
Mamin Jehová, 'icha to in n̈aq'uen aji, 'icha to in cuartel aji, in colmal ach.
3Ach in Diosal, ach 'aych 'och yipc in c'ojol, a 'aych tzin col in b'a, in tan̈mal aji, in colmal ach, caw wal 'ay ep. Oj wali, yuj cha, matz in yamchj yuj eb' 'ajc'ojl yajch 'ayin. Ach in a col 'a mach xnib'n in satn 'eli.
4Ach Jehová, smoj wal yalx wach' paxti 'ayach; a yic tzin 'awj 'ayach, yajn̈ej tzin a coln 'el 'a yol sc'ab' eb' 'ajc'ojl yajch 'ayin.
5A chamel, 'ix 'ec' oyyoc 'a in patic; 'ix jaw xiwc'ojlal 'ayn yuj eb' milm 'anma'.
6'Icha to tox x'och sut'n 'ayn 'icha lasu; a jun xab' oln yic chamel, 'icha to in syalej 'a junc ya'al.
7A yic 'ayn 'ec' 'a scal in somc'ojlal, xwaln in b'a 'a Jehová, xin c'ann scolwal in Diosal, 'ix yab'n yel waw yic 'ayc' 'a yol yatut, ¡'Ix c'och waw 'a schiquin!
8Xlajw cha, 'ix 'ec' jun niwquil quixcab', 'ix 'ib'x smasnil sb'achnub'al satcha'an̈; 'ix tzicb'tan̈x wal si'mb'il yuj yowl sc'ojl Dios.
9'Ix 'elt tab' 'a yol sn̈i', ax 'a yol sti', 'ix 'elt jun c'ac' tzsatn 'el smasnil tas. 'Ix 'elt jupljoc stzac'ac' 'a yol sti cha.
10Yajn̈ej 'ix cot 'a satcha'an̈, 'ix 'eml 'a tic, ¡ax jun q'uic' 'asn 'aych ste'nub'oc!
11'Ix q'ue 'a yib'n̈ jun querubín, 'ix 'at jen̈n̈oc; 'ix 'at jen̈n̈oc 'a yib'n̈ 'ic'.
12Ax q'uic'q'uinal, a x'och oyn yen̈loc, 'ix sc'ub'j 'el sb'a 'a scal q'uic' 'asn 'aych yalil.
13'Ix laj 'eltoc raya 'a yojltac; 'ix chac'b' sc'a'l jun tzo'n̈ stzac'ac' yu'uj.
14A Jehová caw niwn yel'chi, 'ix 'el yaw 'icha wal sc'an̈ c'u 'a satcha'an̈.
15'Ix sjuln cot sjul-lab', atn raya, ax eb' 'ajc'ojl yajch 'ayin, 'ix 'at eb' 'eloc, 'ix satl eb' yu'uj.
16'Ix checlj chan̈ yich a mar yu'uj, ax sb'achnub'al yaln̈ yolyib'n̈q'uinal 'ix 'ilxi, yujto caw ow 'ix 'awj Jehová, caw ow pax jun 'ic' 'ix ya' coti.
17'Ix sb'ach cot Dios sc'ab' 'ayn 'a satcha'an̈, 'icha to in yij q'uet yet' sc'ab' 'a xab'l yich a mar.
18In scolcn 'el 'a yol sc'ab' eb' 'ajc'ojl yajch 'ayin, atn eb' matz in nib'ni, yel xo caw 'ay yip eb' 'a wib'an̈.
19'Ix 'och oyn eb' 'ayin, yic 'ayn 'och 'a 'ilc'ojlal, palta ax Jehová, a 'ix 'och wet'oc.
20In scolcn 'elta, in ya'n can 'a jun lugar caw lewan 'a 'aj may tzin 'i'ni, yujto tzin schamc'ojlej.
21A Jehová, 'ix yac' spac wico', yujto wach' in b'eyb'al.
22Tzin b'eylb'ej sb'eyb'al Jehová, may 'ajtil xwij 'el in b'a 'a stz'ey in Diosal yic tzin b'on stu'al.
23'Ayc'n̈ej smasnil schecnb'il 'a in nab'en, may 'aj xwij 'el in nab'en 'a sley.
24Wach'n̈j xwutj in b'eyb'al 'a yojltac, yujto xwij 'el in b'a 'a maysch'olnil.
25Yuj cha, spactzan Jehová in tojlal, yujto wach' in b'eyb'al 'a yojltac.
26Ach tic Mamin, tzac' 'el'choc a ti 'a eb' yiclum 'ayach, a mach wach' snab'en, wach' pax tzotj a nab'en 'a 'a.
27Wach' tzotj a b'a 'a eb' wach' tzyutj sb'a 'ayach, palta tza ch'ox a jelnal 'a yib'n̈ eb' jeln yixtn 'anma'.
28Yujto ach tza col eb' 'emmquilal yeq'ui, ax eb' b'an̈quintac, ach tzejcan 'ejm eb'.
29Mamin Jehová, ach ton sacq'uinl aj 'ayin; ach in Diosal, ach 'oj e'cn 'el q'uic'q'uinl 'ayin.
30Yet' 'a colwal ach in Diosal, ax wa'n owl yet' eb' soldado 'ajc'ojl yajch 'ayin, ax we'cn 'a yib'n̈ smuroal schon̈b' eb'.
31Caw wal wach' sb'eyb'al Jehová Dios; a tas alb'il can yu'uj, smoj wal tzca'ch yipc qui c'ojol. Tzcolcn 'el smasnil mach to a Dios yipc'ojlal yaj yu'uj.
32May junc xo Dios, cojxn Jehová. ¿Tom 'ay junc comn dios tztac' on̈ scoln 'icha qui Diosal?
33A Dios a tz'a'n wip, a tzb'on in b'eyb'al.
34'Icha sjelnal sb'ey no c'ultquilchej, 'ixta in b'ey yu'uj, a tz'a'n wip yic tzin 'ec' 'a 'aj pa'ctac.
35A tzin cuyn wa'n owal, tzya'n wip yic tzin pacn in jul-lab' to nab'a bronce.
36Ach tzin a molo, tzin a coln paxi; a 'a wach' c'ab', a tzin yamn 'och wa'an, yuj a wach' nab'enal, wach' tzin 'el'chi.
37Caw wach' jun b'e 'aj tzin ej b'eyoc, sec wach' matz in tench woc.
38'Ix in pech b'eyc'oc eb' 'ajc'ojl yajch 'ayin, 'ix yamchj eb' wu'uj, masnto xcham eb' wu'uj.
39¡Choc' xwutj can eb'! Caw ch'iyquixtac xwutj can eb', sec wach' man̈xtzac niwtj pax chan̈ eb' jun 'ejm xo ¡'Ix telw can 'ejm eb' 'a scal woc!.
40Ach 'ix ac' wip yic xwa'n owal; a eb' 'ajc'ojl yajch 'ayin, 'ix 'ac' yic' 'ejm sb'a eb' 'a wojltac.
41A eb' 'ajc'ojl yajch 'ayin, 'ix 'at eb' 'elc 'a wojltac. 'Ixtnta xwutj in satn 'el eb' matz in nib'ni.
42'Ix sc'an eb' colwal, palta may mach xcoln eb'; 'ix cob' yal sb'a eb' 'aych Mamin Jehová, palta toc ach ta'w 'a eb'.
43Caw choc' 'ix 'aj eb' wu'uj, 'icha wal lum pococ xwutj in te'n chojc eb', 'icha wal tz'aj ste'x lum b'i'ch 'a yol caye.
44In a colcn 'a yol sc'ab' eb' chon̈ab', in a'n 'och syajlilc niwc chon̈ab'. A eb' 'anma man̈ wojcoc, a eb' tzin 'a'n servil.
45A yic tzyab'n eb' wab'xil yiclum tzyutj sb'a eb' 'ayin, ax eb' chuc chon̈b'al, tzya'ch sb'a eb' in checb'oc.
46A eb' chuc chon̈b'al cha, xlaj xiw chan̈ eb', caw tz'ib'x eb' yic tz'elt eb' 'a yol yet'l 'aj tzcol sb'a.
47Mamin Jehová pitzn achn̈ej. Alx cab' wach' paxti 'aych ach in Colmal; 'ijx cab' chan̈ a b'i ach in Diosal, to in Colmal aji.
48Ach in Diosal tza pactzej 'a eb' tzin 'ixtni, tza'n can 'och jun tzo'n̈ chon̈b' 'a yol in c'ab'.
49Tzin a coln 'el 'a eb' 'ajc'ojl yajch 'ayin, yet' 'a eb' maysch'olnil sb'eyb'al. Mamin Jehová, ach tzin a col 'a eb' 'anma tzchichn 'och 'ayin.
50Yuj cha, tzwal in wach' paxti 'aych 'a scal eb' 'anma 'a junjn nacion̈, tzin b'itnan pax wal a b'i.
51O'oj, tzwa'n ganar niwc owl an reyn tic, to sic'b'iln 'el o'oj.
Yuj a chamc'ojlal, tzach 'och wet' an David in tic, yet' eb' win̈tl 'a smasnil tiempo, xchi David.
Actualmente seleccionado:
:
Destacar
Compartir
Comparar
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Chuj San Sebastian © Sociedades Bíblicas Unidas, 1999.