زبُور 85

دُعا بَلدِه خوشبَختی قَوم

بَلدِه سردِستِه خانِنده ها. زبُورِ اَولادِه قورَح.

1خُداوندا، تُو دَ بَلِه سرزمِین خُو نظرِ لُطف کدی،

و خوشبَختی یعقُوب#۸۵‏:۱ «یعقُوب» یعنی «قَومِ اِسرائیل.» ره پس اَوُردی.

2تُو خطاهای قَوم خُو ره بخشِیدی

و پگِ گُناه های ازوا ره پوشَندی. سِلاه.

3تُو از تمامِ غَضَب خُو دِست باله کدی

و شِدَّتِ قار خُو ره تاه شَندی.

4اَی خُدای نِجات مو،

مو ره دُوباره آباد کُو و غَضَب خُو ره از مو دُور کُو.

5آیا تا اَبَد خود ره قد ازمو قار مِیگِیری؟

آیا غَضَب خُو ره نسل اَندر نسل اِدامه مِیدی؟

6آیا زِندگی مو ره دُوباره تازه نَمُونی

تا قَوم تُو دَ حُضُور تُو خوشی کُنه؟

7اَی خُداوند، رَحمت خُو ره دَز مو نِشو بِدی

و نِجات خُو ره دَز مو عطا کُو.

8چِیزی ره که خُداوند-خُدا مُوگیه، ما مِیشنَوُم،

چُون اُو دَ قَوم خُو، دَ مومنِین خُو صُلح-و-سلامَتی ره اِعلان مُونه،

تا اُونا پس سُون جهالَت نَرَوه.

9یقِیناً، نِجاتِ ازُو بَلدِه کسای که از شی ترس دَره نزدِیک اَسته،

تا بُزُرگی-و-جلالِ ازُو دَ سرزمِین مو جای-دَ-جای شُنه.

10رَحمت و وفاداری قد یگدِیگه خُو مُلاقات مُونه؛

عدالت و سلامَتی قد یگدِیگه خُو رُوی ماخی مُونه.

11وفاداری از زمی مُورویه

و عدالت از آسمو توخ مُونه.

12اَرے، خُداوند چِیزای خُوب مُوبَخشه

و سرزمِین مو حاصِل خُو ره مِیدیه.

13عدالت پیش پیشِ خُداوند موره

و یگ راه بَلدِه قَدم های ازُو آماده مُونه.

Actualmente seleccionado:

زبُور 85: HAZ

Destacar

Copiar

Comparar

¿Quieres guardar tus resaltados en todos tus dispositivos? Regístrate o Inicia sesión

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Más información sobre Hazaragi Bible