زبُور 76

قُدرت و بُزُرگی خُدا

بَلدِه سردِستِه خانِنده ها، قد آلِه مُوسِیقی تاردار خانده شُنه. زبُور و سرُودِ آساف.

1خُدا دَ یهُودا شِنَخته شُده یَه؛

نامِ ازُو دَ اِسرائیل بُزُرگ اَسته.

2خَیمِه ازُو دَ شالیم#۷۶‏:۲ یعنی خانِه خُدا دَ اورُشَلیم اَسته. اَسته،

جای بُود-و-باش شی دَ صَهیون.

3دَ اُونجی اُو تِیرهای آتِشی ره مَیده کد،

سِپر و شمشیر و دِیگه سَلاح های جنگی ره. سِلاه.

4 خُدایا، تُو پُر نُور اَستی

و باشِکوه-تَر از کوه های که پُر از شِکار اَسته.

5آدمای دِلاوَر غارَت شُد

و دَ خاوِ مَرگ رفت.

یکی امزُو آدمای جنگی دِست خُو ره باله نَتنِست.

6اَی خُدای یعقُوب، دَ وسِیلِه هَیبَت تُو

اَسپ ها و گاڈی های جنگی ازوا بےحَرکت شُد.

7راستی که تُو باهَیبَت اَستی.

کِی مِیتنه دَ حُضُور تُو ایسته شُنه

وختِیکه تُو قار مُوشی؟

8تُو از آسمو قضاوَت ره اِعلان کدی

و زمی ترس خورده چُپ شُد،

9دَ امزُو غَیت که تُو، اَی خُدا، بَلدِه قضاوَت باله شُدی

تا پگِ سِتَمدِیده های زمی ره نِجات بِدی. سِلاه.

10واقعاً قارِ اِنسان باعِثِ مُوشه که تُو سِتایش شُنی

و کسای که بعد از قار خُو توبه کده باقی مُومنه، اُونا ره از خود مُونی.

11بَلدِه خُداوند، خُدای خُو نَذر بِگِیرِید و نَذر خُو ره اَدا کُنِید؛

اَی تمامِ کسای که دَ چاردَورِ ازُو اَستِید،

بَلدِه ازُو که باهَیبَت اَسته، هدیه ها بیرِید،

12 بَلدِه ازُو که جانِ حُکمرانا ره مِیگِیره،

بَلدِه ازُو که پادشایونِ زمی از شی مِیتَرسه.

Actualmente seleccionado:

زبُور 76: HAZ

Destacar

Copiar

Comparar

¿Quieres guardar tus resaltados en todos tus dispositivos? Regístrate o Inicia sesión

Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from Hazaragi Bible.

Más información sobre Hazaragi Bible